ဘိက္ခဝေ၊ ရဟန်းတို့။ အဟံ၊ ငါသည်။ ဘယဿ၊ ဇာတိဇရာမရဏစသော ကြောက်ခြင်း၏ အကြောင်းမှ။ နဘယာမိ၊ မကြောက်။ နောအမှာကံ၊ ငါတို့၏။ အမတဿ၊ နိဗ္ဗာန်၌။ ကောဝိဒါ၊ ဝေနေယျတို့အား ဆုံးမခြင်း၌ လိမ္မာစွာသော။ သတ္ထာ၊ မြတ်စွာဘုရားသည်။

ယတ္ထ၊ အကြင်နိဗ္ဗာန်၌။ ဘယံ၊ ဇာတိဇရာဗျာဓိမရဏာစသော တေးသည်။ နစတိဋ္ဌတိ၊ မတည်။ ယေန မဂ္ဂေန၊ အကြင်နိဗ္ဗာန်ဟူသော အကြောင်းခရီးဖြင့်။ ဝဇတိ၊ သွားတော်မူ၏။ တေန မဂ္ဂေန၊ ထိုဘုရားသွားသောလမ်းဖြင့်။ ဘိက္ခဝေါ၊ ရဟန်းတို့သည်။ ဝဇန္တိ၊ သွားကုန်၏။

ဣတိ၊ ဤသို့။ နိကြေဓောထေရာ၊ နိကြေဓထေရ်သည်။ ဣမံဂါထံ၊ ဤဂါထာကို။ အဘာသိတ္ထ၊ ဆိုပြီ။ နိကြေဓ ထေရဂါထာ အနက်ပြီး၏။

အာဝုသော၊ ငါ့ရှင်တို့။ နီလာသုဂီဝါ၊ အလွန်တင့်တယ်သော စိမ်းညိုသော လည်ရစ်အဆင်းလည်း ရှိကုန်ထသော။ သိခိနော၊ ထိပ်၌ ရောက်သော ဦးစွန်းရှိကုန်ထသော။ တေမောရာ၊ ထိုဥ‌ဒေါင်းတို့သည်။ ကာရမ္ဘိယံ၊ ကာရမ္ဘမည်သော တောအုပ်၌။

သီတဝါတဏီဠိတာ၊ ‌ ‌အေးသော မိုဃ်းနှင့်ရောသော လေဖြင့် ကောင်းစွာဖြစ်သော မြူးထူးကစားခြင်းရှိကုန်သည်ဖြစ်၍။ မဓုရဝဿိတာ၊ သာယာစွာသော တွန်ခြင်းတို့ကို။ ဝဿန္တာ၊ တွန့်ကုန်လျက်။ အဘိနဒန္တိ၊ မြူးတူးကစားကုန်၏။ အရဟန္တာပိ၊ ရဟန္တာတို့သည်လည်း။ သုတ္တံ၊ ဆွမ်းဖြင့် ပင်ပန်းခြင်းကို ဖျောက်အံ့သော ငှါ အိပ်ခြင်းကို။ သုပန္တိ၊ ခွင့်ပြုတော်မူသော ကာလ၌ အိပ်ကုန်၏။ ဈာယံဈာယေဟိ၊ သမထဝိပဿနာဈာန်တို့ဖြင့်။ နိဗောဓေန္တိ၊ နိုးကုန်၏။

ဣတိ၊ ဤသို့။ စိတ္တကောထေရော၊ စိတ္တကထေရ်သည်။ ဣမံဂါထံ၊ ဤဂါထာကို။ အဘာသိတ္ထ၊ ဆိုပြီ။ စိတ္တကထေရဂါထာ အနက်ပြီး၏။

အာဝုသော၊ ငါ့ရှင်တို့။ အဟံခေါ၊ ငါသည်လျှင်။ ဝေဠုဂုမ္ဗသ္မိံ၊ ဝါးချုံးရိပ်၌။ မဓုပါယာသံ၊ ဂဏာနို့ဆွမ်းကို။ ဘုတွာန၊ စား၍။

ပဒက္ခိဏံပဒက္ခိဏေန၊ မြတ်စွာဘုရား အဆုံး အမတော်ကို ခံလင့်သဖြင့်။ ခန္ဓာနံ၊ ဥပါဒါန က္ခန္ဓာတို့၏။ ဥဒသဗ္ဗယံ၊ အဖြစ်အပျက်နှစ်ပါးကို။ သမ္ပဿန္တော၊ ရှုသည်ဖြစ်၍။

ဝိဝေကံ၊ ပဋိပဿဒ္ဓိဝိဝေက ဟုဆိုအပ်သော ဖလသမာပတ်ကာ မဂုဏ်ငါးပါးမှ ဆိတ်ခြင်းဟု ဆိုအပ်သော ကာယဝိဝေကကို။ အနုဗြူဟယံ၊ အနုဗြူဟယန္တော ပွားလိုသောကြောင့်။ သာနုံ၊ ရှေး၌နေအပ်သော တောင်လျည်တောင်ဝှမ်းသို့။ ပဋိဂမိဿာမိ၊ ရည်၍ သွားလေအံ့။

ဣတိ၊ ဤသို့။ ဂေါပါလောထေရော၊ ဂေါပါလထေရ်သည်။ ဣမံဂါလံ၊ ဤဂါထာကို။ အဘာသိတ္ထ၊ ဆိုပြီ။ ဂေါပါလထေရဂါထာ အနက်ပြီး၏။

အာဝုသော၊ ငါ့ရှင်တို့။ ပဗ္ဗဇိတော၊ ရဟန်းအဖြစ်သို့ ရောက်၍။ အနဝဿိကော၊ တဝါမရသေးသော ငါသည်။ ဓမ္မသုဓမ္မတံ၊ ဘုရားတရားတော်၏ ဝဋ်မှ ထွက်မြောက်ကြောင်းဖြစ်သော ကောင်းသော တရား၏ အဖြစ်ကို။ ပဿ၊ ရှုလော။

တိဿောဝိဇ္ဇာ၊ သုံးပါးသော ဝိဇ္ဇာတို့ကို။ အနုပ္ပတ္တာသစ္ဆိကတာ၊ မျက်မှောက်ပြုအပ်ကုန်ပြီ။ ဗုဒ္ဓဿ၊ မြတ်စွာဘုရား၏။ သာသနံ၊ ဆုံးမတော်မူသော အတိုင်း။ ကတံကရဏီယံ၊ ပြုအပ်ပြီ။

ဣတိ၊ ဤသို့။ သုဂန္ဓော ထေရော၊ သုဂန္ဓထေရ်သည်။ ဣမံဂါထံ၊ ဤဂါထာကို။ အဘာသိတ္ထ၊ ဆိုပြီ။ သုဂန္ဓထေရဂါထာ အနက်ပြီး၏။

ကဏှ၊ အိုမာရ်မင်း။ မမ၊ င့ါအား။ ဩဘာသဇာတံ၊ ဉာဏ်ရောင်အားဖြင့် ဖြစ်သော အရောင်ရှိသော။ ဖလဂံ၊ အရဟတ္တဖိုလ်ဉာဏ်နှင့် တကွဖြစ်သော။ ယဿပုဂ္ဂလဿ၊ အကြင်ရဟန္တာပုဂ္ဂိုလ်၏။ စိတ္တံ၊ စိတ်သည်။ အဘိဏှသော၊ ဖိုလ်ဝင်စားသော အားဖြင့် မပြတ်။ ပဝတ္တတိ၊ ဖြစ်၏။

တာဒိသံ၊ ထိုသို့ အရဟတ္ထဖိုလ်နှင့် ပြည့်စုံသော။ ဘိက္ခုံ၊ ရဟန်းကို။ အာသဇ္ဇအသိသုယျ၊ နှိပ်စက်၍။ ဒုက္ခံ၊ သံသရာဆင်းရဲသို့။ တွံ၊ သင်သည်။ နိဂစ္ဆသိဥပဂစ္ဆိဿတိ၊ ရောက်လတ္တံ့။

ဣတိ၊ ဤသို့။ နန္ဒိယောထေရော၊ နန္ဒိယထေရ်သည်။ ဣမံ ဂါထံ၊ ဤဂါထာကို။ အဘာသိတ္ထ၊ ဆိုပြီ။ နန္ဒိယထေရဂါထာ အနက်ပြီး၏။

အာဝုသော၊ င့ါရှင်တို့။ အာဒိစ္စဇန္ဓုနော၊ နေမင်း၏ အဆွေ ဖြစ်တော်မူသော။ ဗုဒ္ဓဿ၊ မြတ်စွာဘုရား၏။ သုဘာသိတံ၊ ကောင်းစွာဆိုအပ်သော။ ဝါစံ၊ စကားတော်ကို။ သုတွာ၊ ကြားနာရသောကြောင့်။ နိပုဏံ၊ သိမ်မွေ့သော သစ္စာလေးပါးတရားကို။

ဟိယသ္မာ၊ အကြင်ကြောင့်။ ပစ္စဗျာဓိံ ပဋိဝိဇ္ဈိံ၊ ထိုးထွင်း၍ သိပြီ။ တသ္မာ၊ ထိုကြောင့်။ ဒါနိဣဒါနိ၊ ယခုအခါ၌။ ကိဉ္စိ၊ တစုံတခုသော။ ပဋိဝိဇ္ဈိတဗ္ဗံ၊ ထိုးထွင်း၍ သိအပ်သော တရားသည်။ နအတ္ထိ၊ မရှိပြီ။ ယထာကိံ၊ အဘယ်သို့ သိသနည်းဟူမူကား။ ဝါဠဂ္ဂံ၊ ခုနစ်စိတ်ခွဲအပ်သော သားမြီးဖျားကို။ ဥသုကာရော၊ လိမ္မာစွာသော ဆေးလေးသမားသည်။ ဥသုနာ၊ မြားဖြင့်။ အဝိရဇ္ဈန္တော၊ မချွတ်မယွင်းစေမူ၍။ ဝိဇ္ဈတိယထာ၊ ဖေါက်ထွင်းစူးအောင်ပြစ်ရာသကဲ့သို့။ ဧဝံတထာ၊ ထို့အတူ။ နိပုဏံ၊ သိမ်မွေ့သော သစ္စာလေးပါးတရားကို။ ပစ္စဗျာဓိံ ပဋိဝိဇ္ဈံ၊ ထိုးထွင်း၍ သိပြီ။

ဣတိ၊ ဤသို့။ အဘယောထေရော၊ အဘယထေရ်သည်။ ဣမံဂါထံ၊ ဤဂါထာကို။ အဘာသိတ္ထ၊ ဆိုပြီ။ အဘယထေရဂါထာ အနက်ပြီး၏။

အမ္မ၊ အမိ။ ဒဗ္ဗံ၊ မြေဇာမြက်ကိုလည်းကောင်း။ ကုသံ၊ သမန်းမြက်ကိုလည်းကောင်း။ ပေါဋံ ကိသံ၊ ဆူးရှိသော ချုံကိုလည်းကောင်း။ ဥသိရံ၊ ပန်းရင်းမြက်ကိုလည်းကောင်း။ မုဉ္ဇံ၊ ဖြူဆန်မြက်ကိုလည်းကောင်း။ ပဗ္ဗဇံ၊ ပြိတ်မြက်ကိုလည်းကောင်း။ ဝိဝေကံ၊ ကာယဝိဝေကစိတ္တဝိဝေကဥပမိဝိဝေကကို။ အနုဗြူဟယံ အနူဗြူဟယန္တော၊ ပွါးစေလိုသည်ဖြစ်၍။ ဥရသာ၊ ရင်ဖြင့်။ ပနုဒိဿာမိ၊ ပယ်ထွန်း၍ သွားလေအံ့သတည်း။

ဣတိ၊ ဤသို့။ မာတုယာ၊ အမိအား။ လောမသကင်္ဂိယောထေရော၊ လောမသကင်္ဂိယထေရ်သည်။ ဣမံဂါတံ၊ ဤဂါထာကို။ အဘာသိတ္တ၊ ဆိုပြီ။ လောမသကင်္ဂိယထေရဂါထာ အနက်ပြီး၏။

ကစ္စိ၊ အသို့နည်း။ ဝတ္ထပသုတော၊ သင်္ကန်းဖြင့် တန်ဆာဆင်ခြင်း၌ လေ့လာသည်။ နောဟောတိ၊ မဖြစ်လော။ ကစ္စိ၊ အတို့နည်း။ ဘူသနာရတော၊ အတ္တဘောကို တန်ဆာဆင်ခြင်း၌ မွေ့လျော်သည်။ နောဟောတိ၊ မဖြစ်လော။

ကစ္စိ၊ အသို့နည်း။ သီလမယံ၊ စင်ကယ်သော စတူပါရိသုဒ္ဓိသီလဖြင့် ပြီးသော ။ ဂန္ဓံ၊ အနံ့သည်။ တွံတဝဧဝ၊ သင်အားသာလျှင်။ ကိံ၊ အဘယ်ကြောင့်။ ဝါယသိ၊ လှိုင်ဘိသနည်း။ ဣတရာ၊ သီလမရှိသော။ ပဇာ၊ သတ္တဝါအပေါင်းသည်။ ယတောယသ္မာကာရဏာ၊ အကြင်ကြောင့်။ တံ၊ ထိုသီလတည်းဟူသော အနံ့ဖြင့် ထုံခြင်းသည်။ ကိဉ္စိ၊ စိုးစဉ်းမျှ။ နဟောတိ၊ မဖြစ်သနည်း။ ဣတိ၊ ဤသို့။ ဗျတိရေကေန၊ ဗျတိရိက်အားဖြင့်။ သီလဂန္ဓဝါယနမေဝ၊ သီလတည်းဟူသော အနံ့ဖြင့် ထုံခြင်းကို သာလျှင်။ ဝိဘာဝေတိ၊ ထင်စွာ ပြ၏။

ဣတိ၊ ဤသို့။ ဇမ္ဗုဂါမိကဝုတ္တော၊ ဇမ္ဗုဂါမိက၏ သားဖြစ်သော မထေရ်သည်။ ဣမံဂါထံ၊ ဤဂါထာကို။ အဘာသိတ္ထ၊ ဆိုပြီ။ ဇမ္ဗုဂါမိကထေရဂါထာ အနက်ပြီး၏။

ဟာရိတ၊ ဟာရိတ။ ဥသုကာရော၊ လေးသမားသည်။ တေဇနံ၊ မြှားကို။ ဥဇုံ၊ ဖြောင့်စွာ။ ကရောတိဣဝ၊ ပြုသကဲ့သို့။ တွံ၊ သင်သည်။ အတ္တာနံ၊ မိမိကိုယ်ကို။ သမုန္နမယံ၊ ပျင်းခြင်းသို့ ကျစိမ့်သော ငှါမပေးမူ၍ ထိုပျင်းခြင်းမှ ထုတ်သဖြင့် ဝီရိယနှင့် သမာဓိမျှသည် ကို ယှဉ်စေလျက်။

စိတ္တံ၊ စိတ်ကို။ ဥဇုံ၊ ဖြောင့်စွာ။ ကရိတွာန၊ ပြု၍။ အဝိဇ္ဇံ၊ အဝိဇ္ဇာတည်းဟူသော အမိုက်တိုက်ကို။ ဆိန္ဒ၊ အရဟတ္တမဂ်ဉာဏ်ဖြင့် ခွဲလေသော။ ဣတိ၊ ဤသို့။ အတ္တာနံ၊ မိမိကိုယ်ကို။ ဩဝါဒတိ၊ ဆုံးမ၏။

ဣတိ၊ ဤသို့။ ဟာရိတောထေရော၊ ဟာရိတထေရ်သည်။ ဣမံဂါထံ၊ ဤဂါထာကို။ အဘာသိဏ္ဏ၊ ဆိုပြီ။ ဟာရိတထေရဂါထာ အနက်ပြီး၏။

အာဝုသော၊ ငါ့ရှင်တို့။ မေ၊ ငါ့အား။ အာဗာဓေ၊ အနာသည်။ ဥပ္ပန္နေ၊ ဖြစ်လတ်သည်ရှိသော်။ မေ၊ ငါ့အား။ အာဗာဓော၊ အနာသည်။ သရပ္ပန္နော၊ ဖြစ်ချေ၏။ ဣတိ၊ ဤသို့။ သတိ၊ ကမ္မဋ္ဌာန်းစီးပြန်းခြင်း၌ အားထုတ်အံ့ဟူသော သတိသည်။ ဥပပဇ္ဇထ၊ ဖြစ်လတ်၏။

ကိံ ဥပပဇ္ဇထ၊ အဘယ်သို့ ဖြစ်သနည်းဟူမူကား။ မေမယာ၊ ငါသည်။ ကာလောကာလံ၊ အနာဖြစ်သမျှ ကာလပတ်လုံး။ ပမဇ္ဇိတုံ၊ ကမ္မဋ္ဌာန်းစီးပြန်းခြင်း၌ မေ့လျော့ခြင်းငှါ။ နယုတ္တံ၊ မသင့်။ ဣတိ၊ ဤသို့။ သတိ၊ ကမ္မဋ္ဌာန်းစီးပြန်းခြင်း၌ အားထုတ်အံ့ဟူသော သတိသည်။ ဥပပဇ္ဇထ၊ ဖြစ်လတ်၏။

ဣတိ၊ ဤသို့။ ဥတ္တိယောထေရော၊ ဥတ္တိယထေရ်သည်။ ဣမံဂါထံ၊ ဤဂါထာကို။ အဘာသိတ္ထ၊ ဆိုပြီ။ ဥတ္တိယထေရဂါထာ အနက်ပြီး၏။

တတိယော၊ သုံးခုတို့၏ ပြည့်ကြောင်းဖြစ်သော။ ဝဂ္ဂေါ၊ ဝဂ်တည်း။

တဿ၊ ထိုတတိယဝဂ်၏။ ဥဒါနံ၊ ဥဒါန်းသည်။

ဣသီ၊ သီလအစရှိသော ကျေးဇူးအပေါင်းကို ရှာမှီးလေ့ရှိသော။ နိ‌ကြေဓောစ၊ နိကြောဓောစ ထေရ်လည်းကောင်း။ စိတ္တကောထေရော၊ စိတ္တကထေရ်လည်းကောင်း။ ဂေါပလတ္ထေရော၊ ဂေါပါထထေရ်လည်းကောင်း။ သုဂန္ဓော၊ သုဂန္ဓထေရ်လည်းကောင်း။

နန္ဒိယော၊ နန္ဒိယထေရ်လည်းကောင်း။ အဘယော၊ အဘယထေရ်လည်းကောင်း။ ထေရောလောမသင်္ဂီယော၊ လောမသကင်္ဂိယထေရ်လည်းကောင်း။

ဇမ္ဗုဂါမိကပုတ္တော၊ ဇမ္ဗုဂါမိကသားဖြစ်သော ထေရ်လည်းကောငး်။ ဟာရိတော၊ ဟာရိတထေရ်လည်းကောင်း။ ဥတ္တိယော၊ ဥတ္တိယထေရ်လည်းကောင်း။ ဣတိဣမေ၊ ဤတကျိပ်တို့တည်း။ ဣတိ၊ ဤသည်လျှင်တည်း။ တတိယဝဂ် ပြီး၏။