Tividhapavivekavaṇṇanā
Pavivittoti
V2.48 kāyapaviveko cittapaviveko upadhipavivekoti imehi tīhi pavivekehi samannāgato .Tattha eko gacchati , eko tiṭṭhati , eko nisīdati , eko seyyaṃ kappeti , eko gāmaṃ piṇḍāya pavisati , eko paṭikkamati , eko caṅkamamadhiṭṭhāti , eko carati , eko viharatīti ayaṃ kāyapaviveko nāma .
Aṭṭha samāpattiyo pana cittapaviveko nāma .
Nibbānaṃ upadhipaviveko nāma .
Vuttampi hetaṃ –
‘‘ kāyapaviveko ca vivekaṭṭhakāyānaṃ nekkhammābhiratānaṃ .
Cittapaviveko ca parisuddhacittānaṃ paramavodānappattānaṃ .
Upadhiviveko ca nirupadhīnaṃ puggalānaṃ visaṅkhāragatānan ’’ ti ( mahāni .57).
Pavivekakathan ti bhikkhūnampi ca imaṃ pavivekakathaṃ kattā .