6. Eḷakalomasikkhāpadavaṇṇanā
6. Eḷakalomasikkhāpadavaṇṇanā
571. Eḷalomasikkhāpade pana āsumbhīti ettha ‘‘ asumbhī ’’ ti paṭhanti .
Kilantāti iminā kilantatāya te onamitvā pātetuṃ na sakkontīti dasseti .
Addhānamaggappaṭipannassāti idaṃ vatthumattadīpanavasena pāḷiyaṃ vuttaṃ .
Yattha katthaci pana dhammena labhitvā gaṇhituṃ vaṭṭatiyeva .
Tiyojanaparaman ti ca gahitaṭṭhānato tiyojanappamāṇaṃ desanti evamattho gahetabbo .
572. Sahatthāti karaṇatthe nissakkavacananti āha ‘‘ sahatthenā ’’ ti .
572. Chaṭṭhe
V1.294M1.335 pāḷiyaṃ ‘‘ addhānamaggappaṭipannassā ’’ ti idaṃ vatthuvasena vuttaṃ .Tiyojanato bahi bahitiyojanan ti āha ‘‘ tiyojanato bahi pātetī ’’ ti .
Nivāsaṭṭhāne laddhānipi tiyojanato paraṃ harituṃ na vaṭṭati eva .
Asante hāraketi anurūpato vuttaṃ .
Santepi hārake harato natthi doso .
Tena haritepi āpattiyevāti saussāhattā anāṇattiyā haṭattā ca .
Satipi hi saussāhabhāve āṇattiyā
M2.416 ce harati , anāpatti ‘‘ aññaṃ harāpetī ’’ ti vacanato .Añño harissatīti adhippāyābhāvato ‘‘ suddhacittena ṭhapitan ’’ ti vuttaṃ .
Saussāhattāti tiyojanātikkamane saussāhattā .
Idañca ‘‘ añño harissatī ’’ ti asuddhacittena ṭhapitaṃ sandhāya
V2.368 vuttaṃ , acittakattāti idaṃ pana suddhacittena ṭhapitaṃ sandhāya .Āpattiyevāti anāṇattena haṭattā .
Pakkhadvayassapi kāraṇamāha ‘‘ saussāhattā ’’ ti , anuparatagamanicchattāti attho .
Suddhacittapakkhasseva kāraṇamāha ‘‘ acittakattā ’’ ti .
Anāpatti pāḷiyā na sametīti ‘‘ tiyojanaṃ haratī ’’ tiādipāḷiyā , visesato ‘‘ aññaṃ harāpetī ’’ ti pāḷiyā ca na sameti .
Na sametīti ‘‘ anāpatti , aññaṃ harāpetī ’’ ti ettakasseva pariharaṇe vuttattā .
Sace sāmikaṃ jānāpetvā ṭhapeti , āṇattiyā harāpeti nāmāti āha ‘‘ sāmikassa ajānantassevā ’’ ti .
Agacchantepīti gamanaṃ upacchinditvā ṭhitayānepi .
Heṭṭhā vā gacchantoti bhūmiyaṃ gacchanto .
Aññaṃ harāpetīti ettha añña -ggahaṇena sāmaññato tiracchānagatāpi saṅgahitāti āha –
‘‘ aññaṃ harāpetīti vacanato anāpattī ’’ ti .
Agacchanteti ṭhite .
Heṭṭhāti bhūmiyā .
Suṅkaghāte āpatti hotīti aññaṃ harāpentassa āpatti .
Tattha anāpattīti aññavihitassa theyyacittābhāvato anāpatti .
575.‘‘ Taṃ harantassāti puna tiyojanaṃ harantassā ’’ ti mahāgaṇṭhipade vuttaṃ .
Taṃ pana mātikāṭṭhakathāyaṃ aṅgesu ‘‘ paṭhamappaṭilābho sati iminā vacanena na sameti .
‘‘ Paṭhamappaṭilābho ’’ ti hi idaṃ dutiyappaṭilābho āpattiyā aṅgaṃ na hotīti dīpeti , tasmā pāḷiyaṃ aṭṭhakathāyañca visesābhāvato acchinnaṃ paṭilabhitvā harantassa puna tiyojanātikkamepi anāpatti vuttāti amhākaṃ khanti .
Aññathā acchinnaṃ paṭilabhitvā puna tiyojanaṃ haratīti vadeyya .
Vīmaṃsitvā yuttataraṃ gahetabbaṃ .
575. Paṭilabhitvā haratīti paṭhamatiyojanato paraṃ harati , na dutiyāditoti attho .
Katabhaṇḍe uppannokāsābhāvā anāpatti .
575. Taṃ harantassāti paṭhamaṃ paṭilābhaṭṭhānato paṭṭhāya tiyojanato uddhaṃ harantassāti attho .
Tathā harantassa hi corehi acchinditvā puna dinnaṭṭhānato tiyojanaṃ harituṃ vaṭṭati .
Keci pana ‘‘ mātikāṭṭhakathāyaṃ aṅgesu ‘ paṭhamappaṭilābho ’ ti vuttattā dutiyapaṭilābhaṭṭhānato tiyojanātikkamepi anāpattī ’’ ti vadanti , taṃ na yuttaṃ , dutiyapaṭilābhassāpi paṭilābhaṭṭhāne pavisanato vāsatthāya gamanaṭṭhānato puna gamane viya .
Anāpatti katabhaṇḍan ti ettha ‘‘ kambalakojavādikatabhaṇḍampi .
Pakaticīvare laggalomāni āpattiṃ janentiyevā ’’ ti vadanti .
Kāyabandhanādīnan ti dvipaṭalakāyabandhanādīnaṃ antare pakkhittaṃ pasibbake pakkhittasadisaṃ , na katabhaṇḍanti vuttaṃ , tathā nidhānamukhan ti .
Tanukapattatthavikantare aghaṭṭanatthaṃ pakkhipanti .
Pakkhittan ti kaṇṇacchidde pakkhittaṃ .
Nidhānamukhaṃ nāmāti iminā katabhaṇḍasaṅkhyaṃ na gacchatīti dasseti .
Akatabhaṇḍatā , paṭhamappaṭilābho , tiyojanātikkamanaṃ , āharaṇapaccāharaṇaṃ , avāsādhippāyatāti imānettha pañca aṅgāni .
Eḷakalomānaṃ akatabhaṇḍatā , paṭhamappaṭilābho , attanā ādāya vā aññassa ajānantassa yāne pakkhipitvā vā tiyojanātikkamanaṃ , āharaṇapaccāharaṇaṃ , avāsādhippāyatāti imānettha pañca aṅgāni .
Eḷakalomasikkhāpadavaṇṇanā niṭṭhitā .
Eḷakalomasikkhāpadavaṇṇanā niṭṭhitā .
Eḷakalomasikkhāpadavaṇṇanā niṭṭhitā .