Haraṇakakathāvaṇṇanā
Haraṇakakathāvaṇṇanā
111. Haraṇakakathāyaṃ haraṇakan ti hariyamānaṃ .
111. Haraṇakakathāyaṃ
V1.164 haraṇakan ti vatthusāminā hariyamānaṃ .Abhimukhaṃ katvā kaḍḍhanaṃ ākaḍḍhanaṃ , sesadisākaḍḍhanaṃ vikaḍḍhanaṃ .
Pādaṃ agghati , pārājikamevāti ettha antaṃ na gaṇhāmīti asallakkhitattā antassa ca gaṇhissāmīti sallakkhitasseva paṭassa ekadesattā pārājikaṃ vuttaṃ .
So ca pādaṃ agghati , pārājikamevāti ‘‘ antaṃ na gaṇhissāmī ’’ ti asallakkhitattā sāmaññato ‘‘ gaṇhissāmi etan ’’ ti sallakkhitasseva paṭassa ekadesatāya tampi gaṇhitukāmovāti pārājikaṃ vuttaṃ .
Sahabhaṇḍahārakan ti bhaṇḍahārakena saddhiṃ .
Santajjetvāti dhanuādīhi santajjetvā .
Soti bhaṇḍahārako .
Sabhaṇḍahārakan ti sahabhaṇḍahārakaṃ , sakārādesassa vikappattā saha saddova ṭhito , bhaṇḍahārakena saha taṃ bhaṇḍanti attho .
Sāsaṅkoti ‘‘ yadi upasaṅkamitvā
M1.188 bhaṇḍaṃ gaṇhissāmi , āvudhena maṃ pahareyyā ’’ ti bhayena sañjātāsaṅko .
Ekamantaṃ paṭikkammāti bhayeneva anupagantvā maggato sayaṃ paṭikkamma .
Santajjetvāti pharusavācāya ceva āvudhaparivattanādikāyavikārena ca santajjetvā .Anajjhāvutthakan ti apariggahitakaṃ , asāmikanti attho .
Anajjhāvutthakan ti apariggahitakaṃ .
Āharāpente dātabban ti ettha ‘‘ chaḍḍetvā dhuraṃ nikkhipitvā gatānampi nirālayānaṃ puna āharāpanassa vuttattā bhikkhūnampi attano santake parikkhāre acchinditvā parehi gahite tattha
V2.132 dhuranikkhepaṃ katvāpi puna taṃ balakkārenapi āharāpetuṃ vaṭṭatī ’’ ti desavāsino ācariyā vadanti , sīhaḷadīpavāsino pana taṃ keci ācariyā na icchanti .
TenevaM2.149 mahāgaṇṭhipade majjhimagaṇṭhipade ca vuttaṃ ‘‘ amhākaṃ pana taṃ na ruccatī ’’ ti .
Ālayena anadhimuttampi bhaṇḍaṃ anajjhāvutthakaṃ nāma hotīti āha ‘‘ āharāpente dātabban ’’ ti , iminā paṭhamaṃ pariccattālayānampi yadi pacchāpi sakasaññā uppajjati , tesaññeva taṃ bhaṇḍaṃ hoti , balakkārenāpi sakasaññāya tassa gahaṇe doso natthi , adadantasseva avahāroti dasseti .
Yadi pana sāmino ‘‘ pariccattaṃ mayā paṭhamaṃ , idāni mama santakaṃ vā etaṃ , no ’’ ti āsaṅkā hoti , balakkārena gahetuṃ na vaṭṭati sakasaññābaleneva puna gahetabbabhāvassa āpannattā .
‘‘ Adentassa pārājikan ’’ ti vacanato corassa sakasaññāya vijjamānāyapi sāmikesu sālayesu adātuṃ na vaṭṭatīti dīpitaṃ hoti .Aññesūti mahāpaccariādīsu .
Vicāraṇā eva natthīti tatthāpi paṭikkhepābhāvato ayamevatthoti vuttaṃ hoti .
111. Aññesu pana vicāraṇā eva natthīti tesu appaṭikkhipitattā ayameva vinicchayoti vuttaṃ hoti .
‘‘ Etena dhuranikkhepaṃ katvāpi corehi āhaṭaṃ codetvā gaṇhato anāpattīti dīpitaṃ hotī ’’ ti vuttaṃ .
Aññesūti mahāpaccariyādīsu .
Vicāraṇāyeva natthīti iminā tatthāpi paṭikkhepābhāvato ayameva atthoti dasseti .
Haraṇakakathāvaṇṇanā niṭṭhitā .