116. Catuppadakathāyaṃ bhiṅkacchāpan ti bhiṅkabhiṅkāti saddāyanato evaṃladdhanāmaṃ hatthipotakaṃ .

116. Catuppadakathāyaṃ bhiṅkacchāpan ti bhiṅkabhiṅkāti saddāyanato evaṃladdhanāmaṃ hatthipotakaṃ .

Hatthisālā ṭhānan ti nibbakosato udakapātabbhantaraṃ ṭhānaṃ .

Antovatthumhīti parikkhitte antovatthumhi . 116. Rājagharassa antovatthumhi , parikkhittarājaṅgaṇaṃ vā antovatthu .

Rājaṅgaṇeti parikkhitte nagare vatthudvārato bahirājaṅgaṇe . Aparikkhitte rājaṅgaṇe ṭhitassa sakalanagaraṃ ṭhānaṃ .

Bahinagare ṭhitassātiM2.155 parikkhittanagaraṃ sandhāya vuttaṃ , aparikkhittanagare pana antonagare ṭhitassapi ṭhitaṭṭhānameva ṭhānaṃ .

Khaṇḍadvāran ti attanā khaṇḍitadvāraṃ . Goṇassa ‘‘ aparikkhitte ṭhitassa akkantaṭṭhānameva ṭhānan ’’ ti vuttattā khaṇḍadvāran ti attanā khaṇḍitacchiddaṃ .

Sākhābhaṅgan ti bhañjitasākhaṃ .

Nipannassa dveti bandhanena saddhiṃ dve .

Ghātetīti ettha ‘‘ theyyacittena vināsentassa sahapayogattā dukkaṭameva , na pācittiyan ’’ ti ācariyā vadanti . Tattheva ghātetīti ‘‘ jīvitindriyārammaṇattā vadhakacittassa pācittiyaṃ hotīti ? Na hoti . Kasmā ? Adinnādānapayogattā . Tampi theyyacittaṃ saṅkhārārammaṇaṃva hoti . Idha tadubhayaṃ labhati saddhiṃ pubbabhāgāparabhāgehī ’’ ti vuttaṃ .

Catuppadakathāvaṇṇanā niṭṭhitā .