442. PaṭhamaṃV2.334 āpatti āpajjanaṃ etesanti paṭhamāpattikā .

442. Itare pana yāvatatiyakāti veditabbāti sambandho . Yo hi jaro ekasmiṃ divase āgantvāpi gato anantaresu dvīsu divasesu anuppajjitvā tatiye divase uppajjati , so tatiyako . Yo pana tatiyepi anuppajjitvā catutthe eva divase uppajjati , so catutthako cāti vuccati . Taṃ sandhāyāha ‘‘ yathā tatiye ’’ tiādi .

Tattakāni ahānīti paṭicchāditadivasato paṭṭhāya yāva ārocitadivaso , tāva divasapakkhamāsasaṃvaccharavasena yattako kālo atikkanto , tattakaṃ kālanti attho .

Akāmena avasenāti ettha appaṭikammakatāya āpattiyā saggamokkhāvaraṇabhāvato anicchantenapi parivasitabbantiM2.378 adhippāyo . ‘‘ Akāmena avasenā ’’ ti iminā appaṭikammakaraṇaṃ nāma yasmā alajjilakkhaṇaṃ , saggamokkhāvaraṇañca , tasmā āpanno puggalo ‘‘ pacchā parivasissāmī ’’ ti vikkhipituṃ na labhati , saṅghena ca anicchantasseva parivāso dātabboti dasseti .

Avhātabboti abbhānakammavasena pakkositabbo . Pāḷiyaṃ ciṇṇamānatto bhikkhu … pe … abbhetabboti ettha yo bhikkhu ciṇṇamānatto , so bhikkhu abbhetabboti evaṃ bhikkhusaddadvayassa yojanā veditabbā .

Te ca bhikkhū gārayhāti ūnabhāvaṃ ñatvā abbhenti , dukkaṭāpajjanena garahitabbā .

Sāmīcīti vattaṃ . Sāmīcīti vattaṃ .

Iti samantapāsādikāya vinayaṭṭhakathāya vimativinodaniyaṃ

Iti samantapāsādikāya vinayaṭṭhakathāya sāratthadīpaniyaṃ Terasakavaṇṇanā niṭṭhitā . Terasakavaṇṇanānayo niṭṭhito .