542. PāḷiyaṃV2.365 ‘‘ kosiyakārake ’’ ti ettha kosaṃ karontīti kosakārakāti laddhavohārānaṃ pāṇakānaṃ kosato nibbattaṃ kosiyaṃ , taṃ karontīti kosiyakārakā , tantavāyā . Saṃhananaṃ saṅghātoM2.413 , vināsoti attho . Kosiyamissakan ti kosiyatantunā missaṃ . ‘‘ Avāyiman ’’ ti vuttattā vāyitvā ce karonti , anāpatti . Anāpatti vitānaṃ vātiādinā vitānādīnaṃ atthāya karaṇepi tenākārena paribhogepi anāpatti vuttā . 542. KosiyakārakotiV0.224 ettha kosaṃ karontīti ‘‘ kosakārā ’’ ti laddhavohārānaṃ pāṇakānaṃ kosato nibbattaṃ kosiyaṃ nāma . 542. DutiyassaM1.333V1.292 paṭhame pāḷiyaṃ kosiyakāraketi kosakārakapāṇānaṃ kosato nibbattattā kosiyena suttena vatthādiṃ karonte . Saṅghātan ti vināsaṃ .

Evampi missetvā katameva hotīti iminā vātena āharitvā pātitepi acittakattā āpattiyevāti dasseti . Attanā kataṃ ce ? Nissajjanakāle ‘‘ sayaṃ kataṃ nissaggiyan ’’ ti vattabbaṃ . UbhohiM0.251 ce kataṃ , yathāpāṭhameva vattabbaṃ . Attanā ca parehi ca vippakataṃ attanā pariyosāpetītiādicatukkampi sambhavantaṃ na dassitaṃ . Vinayadhammatā hesā , yadidaṃ ekasmiṃ tike vā catukke vā dassite itaraṃ sambhavantampi na vuccatīti .

Kosiyamissakatā , attano atthāya santhatassa karaṇaṃ kārāpanaṃ , paṭilābho cāti imānettha tīṇi aṅgāni . Kosiyasikkhāpadavaṇṇanā niṭṭhitā .