Bhāraṭṭhakathāvaṇṇanā
101. Bhāraṭṭhakathāyaṃ purimagale galavāṭakoti purimagale uparimagalavāṭako .
101. Bhāraṭṭhakathāyaṃ bhāraṭṭhanti mātikāpadassa bhāro nāmāti idaṃ atthadassananti āha ‘‘ bhāroyeva bhāraṭṭhan ’’ ti .
Uraparicchedamajjheti urapariyantassa majjhe .
Purimagaleti galassa purimabhāge .
Galavāṭakoti gīvāya uparimagalavāṭako .
Uraparicchedamajjheti
M1.182 urapariyantassa majjhe .Sāmikehi anāṇattoti idaṃ yadi
V1.159 sāmikehi ‘‘ imaṃ bhāraṃ netvā asukaṭṭhāne dehī ’’ ti āṇatto bhaveyya , tadā tena gahitabhaṇḍaṃ upanikkhittaṃ siyā , tañca theyyacittena sīsādito oropentassāpi avahāro na siyā , sāmikānaṃ pana dhuranikkhepe eva siyāti tato upanikkhittabhaṇḍabhāvato viyojetuṃ vuttaṃ , teneva vakkhati ‘‘ tehi pana anāṇattattā pārājikan ’’ ti .Ghaṃsantoti sīsato anukkhipanto , yadi ukkhipeyya , ukkhittamatte pārājikaṃ , tenāha sīsato kesaggamattampītiādi .
Anāṇattattāti ‘‘ asukaṭṭhānaṃ nehī ’’ ti anāṇattattā .
Yo cāyaṃ sīsabhāre
M2.143 vuttoti yo cāyaṃ vinicchayo sīsabhāre vutto .
Yo cāyan ti yo ayaṃ vinicchayo .Sīsādīhi vā gahito hotūti sambandho .
Tādisan ti tappaṭicchādanasamatthaṃ .
Bhāraṭṭhakathāvaṇṇanā niṭṭhitā .