96. Ākāsaṭṭhakathāyaṃ mukhatuṇḍakenāti mukhaggena . Kalāpaggenāti piñchakalāpassa aggena . 96. Sayameva patitamorasseva ito cito ca karoto thullaccayaṃ . Ākāsaṭṭhavinicchaye tappasaṅgena tasmiṃ vehāsādigatepi asammohatthaṃ evaṃ gahetabbanti vuttaṃ . ‘‘ Evamaññatrāpi sāmise ’’ ti gaṇṭhipade vuttaṃ .

Pasāretīti gahaṇatthaṃ pasāreti . ‘‘ Ṭhānācāvanaṃ akaronto cāletī ’’ ti vacanato ṭhānācāvane thullaccayaṃ natthīti vuttaṃ hoti . Keci aphandāpetvā ṭhānācāvanācāvanehipi dukkaṭathullaccaye vadanti . ‘‘ Te ṭhānācāvanaṃ akarontoti imaṃ aṭṭhakathāvacanaṃ dassetvā paṭisedhetabbā ’’ ti keci vadanti , vīmaṃsitabbaṃ .

Aggahetvā vāti leḍḍuādīhi paharitvā nayanavasena aggahetvā vā .

Ākāsaṭṭhavinicchaye vuccamānepi tappasaṅgena ākāsaṭṭhassa vehāsaṭṭhādibhāvamupagatepi asammohatthaṃ ‘‘ yasmiṃ aṅge nilīyatī ’’ tiādi vuttaṃ .

Antovatthumhīti parikkhittavatthussa anto . Antogāmeti parikkhittassa gāmassa anto . Aparikkhitte pana vatthumhi , gāme vā ṭhitaṭṭhānameva ṭhānaṃ . 96. Ākāsaṭṭhakathāyaṃ antovatthumhīti parikkhittassa vatthussa anto .

Antogāmeti parikkhittassa gāmassa anto .

Aṭavimukhaṃ karotīti araññābhimukhaṃ karoti . Rakkhatīti tena payogena tassa icchitaṭṭhānaṃ agatattā rakkhati . Aṭavimukhaṃ karoti … pe … rakkhatīti tena payogena tassa icchitaṭṭhānaṃ āgatattā rakkhati .

Bhūmiyā gacchantaṃ sandhāya ‘‘ dutiyapadavāre vā ’’ ti vuttaṃ .

Gāmato nikkhantassāti parikkhittagāmato nikkhantassa . Gāmato nikkhantassāti parikkhittagāmato nikkhantassa .

Kapiñjaro nāma ekā pakkhijāti . Ākāsaṭṭhakathāvaṇṇanā niṭṭhitā . Kapiñjaro nāma aññamaññaṃ yujjhāpanatthāya bālajanehi posāvaniyapakkhijāti .