Dantaponakathāvaṇṇanā
Dantaponakathāvaṇṇanā
109. Dantakaṭṭhakathāyaṃ
V2.131 tato paṭṭhāya avahāro natthīti ‘‘ yathāsukhaṃ bhikkhusaṅgho paribhuñjatū ’’ ti yathāsukhaṃ paribhogatthāya ṭhapitattā vassaggena abhājetabbattā arakkhitabbattā sabbasādhāraṇattā ca aññaṃ saṅghikaṃ viya na hotīti theyyacittena gaṇhantassapi natthi avahāroM2.148 .
Vattan ti dantakaṭṭhaggahaṇe vattaṃ .
Idāni tadeva vattaṃ dassento ‘‘ yo hī ’’ tiādimāha .
‘‘ Puna sāmaṇerā āharissantī ’’ ti keci therā vadeyyunti yojetabbaṃ .
109.‘‘ TatoV0.117 paṭṭhāya avahāro natthīti theyyāyapi gaṇhato , tasmā yathāmuṇḍamahājetabbattā , arakkhitabbattā , sabbasādhāraṇattā ca aññampi saṅghasantakaṃ idaṃ na hotī ’’ ti gaṇṭhipade vuttaṃ .
109. DantakaṭṭhakathāyaṃM1.187 tato paṭṭhāya avahāro natthīti ‘‘ yathāsukhaṃ bhikkhusaṅgho paribhuñjatū ’’ ti abhājetvāva yāvadicchakaṃ gahaṇatthameva ṭhapitattā arakkhitattā sabbasādhāraṇattā ca aññaṃ saṅghikaṃ viya na hotīti theyyacittena gaṇhantassāpi natthi avahāro .Khādantu , puna sāmaṇerā āharissantīti keci therā vadeyyunti yojetabbaṃ .
Dantaponakathāvaṇṇanā niṭṭhitā .