Saṅketakammakathāvaṇṇanā
119. Saṅketakammakathāyaṃ ocarake vuttanayenevāti ‘‘ avassaṃ hāriye bhaṇḍe ’’ tiādinā vuttanayena .
119-120.
Ocarake
V0.120 vuttanayenevāti avassaṃhāriye bhaṇḍe .Pāḷiyaṃ taṃ saṅketaṃ pure vā pacchā vāti ettha taṃ saṅketan ti sāmiatthe upayogavacananti daṭṭhabbaṃ , tassa saṅketassāti attho .
Atha vā taṃ saṅketaṃ asampatvā pure vā taṃ saṅketaṃ atikkamma pacchā vāti evamettha yojanā veditabbā .
Tenevāha –
‘‘ ajjāti niyāmitaṃ
V2.139 taṃ saṅketaṃ atikkammā ’’ tiādi .
Taṃ saṅketan ti tassa saṅketassa . 119. Saṅketakammakathāyaṃ ocarake vuttanayenevāti ettha avassaṃ hāriye bhaṇḍetiādinā ( pārā . aṭṭha .1.118) vuttanayeneva .
Atha vā taṃ saṅketaṃ atikkamitvā pacchā vā .
Pāḷiyaṃ ‘‘ taṃ saṅketaṃ pure vā pacchā vā ’’ ti tassa saṅketassa pure vā pacchā vāti attho .
Apatvā pure vā .
Esa nayo taṃ nimittan ti etthāpi .
Akkhinikhaṇanādikammaṃ lahukaṃ ittarakālaṃ , taṅkhaṇe eva bhaṇḍaṃ avaharituṃ na sakkā , kiñci bhaṇḍaṃ dūraṃ hoti , kiñci bhāriyaṃ , taṃ gahetuṃ yāva gacchati yāva ukkhipati , tāva nimittassa pacchā hoti .
Sace taṃ bhaṇḍaṃ adhigataṃ
M0.135 viya āsannaṃ , lahukañca , sakkā nimittakkhaṇe avaharituṃ , tameva sandhāya vuttaṃ kinti ?
Na , pubbe vuttampi ‘‘ tato paṭṭhāya teneva nimittena avaharatī ’’ ti vuccati āraddhattā .Yadi evaṃ ‘‘ purebhattapayogo eso ’’ ti vāro pamāṇaṃ hoti , na ca taṃ pamāṇaṃ mahāpadumattheravādassa pacchā vuttattā , na saṅketakammaṃ viya nimittakammaṃ daṭṭhabbaṃ .
Tattha hi kālaparicchedo atthi , idha natthi , idameva tesaṃ nānattaṃ .
Taṃ nimittaṃ pure vā pacchā vāti etthāpi imināva nayena attho veditabbo .
Saṅketakammakathāvaṇṇanā niṭṭhitā .