Samudayaniddesakathā
553. Samudayaniddese pana yāyaṃ taṇhāti yā ayaṃ taṇhā .
Ponobbhavikāti punabbhavakaraṇaṃ punobbhavo , punobbhavo sīlametissāti
M2.138 ponobbhavikā .Nandīrāgena sahagatāti nandīrāgasahagatā , nandīrāgena saddhiṃ atthato ekattameva gatāti vuttaṃ hoti .
Tatra tatrābhinandinīti yatra yatra attabhāvo nibbattati , tatra tatrābhinandinī .
Seyyathidan ti nipāto
V2.136 , tassa sā katamāti ceti attho .Kāmataṇhā bhavataṇhā vibhavataṇhāti imā paṭiccasamuppādaniddese āvibhavissanti .
Idha panāyaṃ tividhāpi dukkhasaccassa nibbattakaṭṭhena ekattaṃ upanetvā dukkhasamudayaṃ ariyasaccanti vuttāti veditabbā .
Ayaṃ samudayaniddese nayo .