Upāyāso
548. Upāyāso nāma ñātibyasanādīhi phuṭṭhassa adhimattacetodukkhappabhāvito dosoyeva .
Saṅkhārakkhandhapariyāpanno eko dhammoti eke .
So cittaparidahanalakkhaṇo , nitthunanaraso
V2.133 , visādapaccupaṭṭhāno .Dukkho pana saṅkhāradukkhabhāvato cittaparidahanato kāyavisādanato ca .
Tenetaṃ vuccati –
‘‘ Cittassa ca paridahanā , kāyassa visādanā ca adhimattaṃ ;
Yaṃ dukkhamupāyāso , janeti dukkho tato vutto ’’ ti .
Ayaṃ upāyāse vinicchayo .
Ettha ca mandagginā antobhājane pāko viya soko .
Tikkhagginā paccamānassa bhājanato bahinikkhamanaṃ viya paridevo .
Bahinikkhantāvasesassa nikkhamituṃ appahontassa antobhājaneyeva yāva parikkhayā pāko viya upāyāso daṭṭhabbo .