50. Saṅkhyā
Saccutīsāsadasantāya
M0.208 saṅkhyāya paṭhamantāya asmiṃ satasahasse adhikā saṅkhyāti atthe ḍo bhavatīti suttattho .Saccutīsā sadasantāti paṭhamāvacanaṃ paṭhamantato vidhiñāpanatthaṃ .
Nanu ca sutte ‘ satasahassa satasahasse ḍo ’ ti na vuttaṃ , tathā sati vuttiyaṃ kathaṃ ‘ sataṃ sahassaṃ satasahassaṃ vā ’ ti vuttantyāsaṅkiyāha-ubhayathāvagamā ’ tiādi .
Ubhayathāvagamāti sataṃ sahassanti ca satasahassanti ca ubhayappakārenāvagamā , ubhayathāvagamo payoga dassanañcettha evaṃ vivaraṇe kāraṇanti adhippāyo .
Paccayatthena samānajātiye pakatyatthe satīti yenakenaci suvaṇṇakahāpaṇādinā paccayatthena samānajātiye .
Suvaṇṇamāsakadīna [ suvaṇṇakahāpaṇādīnaṃ ( potthake )] masamāna jātiyānaṃ .
Akevalaṃ codāharaṇaṃ dassetuṃ ‘ ekavīsan ’ ti vuttaṃ .
Anipphannattā saddānamidha paccayaggahaṇaparibhāsāvatāro natthi .