38. Āmanta
Abhimukhaṃ katvātiādinā yogārambhassa phalaṃ dasseti , nāmattheti
M0.116 saddatthe , padatoti āmantaṇādhikaatthamattappakāsakapadato , honti cettha …Siddhassābhimukhīkāra [ bhimukhībhāva ( potthake )], mattamāmantaṇaṃ siyā ;
Attho katābhimukho hi , kriyāyaṃ viniyujjate ;
Āmantaṇaṃ na vākyattho , padatova patītito ;
Natthevāmantaṇaṃ loke , vidhātabbena vatthunā ;
Taṃ yathā bhava rājeti , nippannattho bhaveti ca .
Siddhassāti devadattattādinā siddhassa , atthoti devadattādi , kataṃ ābhimukhyaṃ samādhānaṃ yenāti viggaho , kriyāyaṃ viniyujjate gaccha bhuñjāti , āmantaṇaṃ natthi … idāni vidhīyamānattenāladdhasattikassābhimukhayitumasakkarūpattā , vidhātabbenāti nipphādetabbena .