Issues
Editor
Settings
Versions
Select Version
sāsanāre-သာသနာရေး
မြန်မာဘာသာ
Saḷāyatanavaggo
Saḷāyatanavaggo

12. Attānudiṭṭhipahānasuttaṃ

Author： _System_Pali_VRI_ @ Administrator

12. Attānudiṭṭhipahānasuttaṃ

167. Atha kho aññataro bhikkhu … pe … etadavocaP4.148 –
‘‘ kathaṃ nu khoT4.186 , bhante , jānato kathaṃ passato attānudiṭṭhi pahīyatī ’’ ti ?
‘‘ Cakkhuṃ kho , bhikkhu , anattato jānato passato attānudiṭṭhi pahīyati .
Rūpe anattato jānato passato attānudiṭṭhi pahīyati .
Cakkhuviññāṇaṃ anattato jānato passato attānudiṭṭhi pahīyati .
Cakkhusamphassaṃ anattato jānato passato attānudiṭṭhi pahīyati .
Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato attānudiṭṭhi pahīyati … pe … jivhaṃ anattato jānato passato attānudiṭṭhi pahīyati … pe … manaṃ anattatoV2.151 jānato passato attānudiṭṭhi pahīyati .
Dhamme … manoviññāṇaṃ … manosamphassaṃ … yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anattato jānato passato attānudiṭṭhi pahīyatī ’’ ti .
Dvādasamaṃ .
Nandikkhayavaggo soḷasamo .
Tassuddānaṃ –
Nandikkhayena cattāro , jīvakambavane duve ;
Koṭṭhikena tayo vuttā , micchā sakkāya attanoti .