2. Khaṇasuttaṃ
135.‘‘ Lābhā
P4.126 vo , bhikkhave , suladdhaṃ vo , bhikkhave , khaṇo vo paṭiladdho brahmacariyavāsāya .Diṭṭhā mayā , bhikkhave , chaphassāyatanikā nāma nirayā .
Tattha yaṃ kiñci cakkhunā
V2.130 rūpaṃ passati aniṭṭharūpaṃyeva passati , no iṭṭharūpaṃ ;akantarūpaṃyeva passati , no kantarūpaṃ ;
amanāparūpaṃyeva passati , no manāparūpaṃ .
Yaṃ kiñci sotena saddaṃ suṇāti … pe … yaṃ kiñci ghānena gandhaṃ ghāyati … pe … yaṃ kiñci jivhāya rasaṃ sāyati … pe … yaṃ kiñci kāyena phoṭṭhabbaṃ phusati … pe … yaṃ
T4.159 kiñci manasā dhammaṃ vijānāti aniṭṭharūpaṃyeva vijānāti , no iṭṭharūpaṃ ;akantarūpaṃyeva vijānāti , no kantarūpaṃ ;
amanāparūpaṃyeva vijānāti , no manāparūpaṃ .
Lābhā vo , bhikkhave , suladdhaṃ vo , bhikkhave , khaṇo vo paṭiladdho brahmacariyavāsāya .
Diṭṭhā mayā , bhikkhave , chaphassāyatanikā nāma saggā .
Tattha yaṃ kiñci cakkhunā rūpaṃ passati iṭṭharūpaṃyeva passati , no aniṭṭharūpaṃ ;
kantarūpaṃyeva passati , no akantarūpaṃ ;
manāparūpaṃyeva passati , no amanāparūpaṃ … pe … yaṃ kiñci jivhāya rasaṃ sāyati … pe … yaṃ kiñci manasā dhammaṃ vijānāti iṭṭharūpaṃyeva vijānāti , no aniṭṭharūpaṃ ;
kantarūpaṃyeva vijānāti , no akantarūpaṃ ;
manāparūpaṃyeva vijānāti , no amanāparūpaṃ .
Lābhā vo , bhikkhave , suladdhaṃ vo , bhikkhave , khaṇo vo paṭiladdho brahmacariyavāsāyā ’’ ti .
Dutiyaṃ .