5. Sabbaaniccavaggo
1-9.Aniccādisuttanavakaṃ
43. Sāvatthinidānaṃ
T4.34V2.27 .Tatra kho … pe …‘‘ sabbaṃ , bhikkhave , aniccaṃ .
Kiñca , bhikkhave , sabbaṃ aniccaṃ ?
Cakkhu , bhikkhave , aniccaṃ , rūpā aniccā , cakkhuviññāṇaṃ aniccaṃ , cakkhusamphasso anicco .
Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccaṃ … pe … jivhā aniccā , rasā aniccā , jivhāviññāṇaṃ aniccaṃ , jivhāsamphasso anicco .
Yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccaṃ .
Kāyo anicco … pe … mano anicco , dhammā aniccā , manoviññāṇaṃ aniccaṃ , manosamphasso anicco .
Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccaṃ .
Evaṃ passaṃ , bhikkhave , sutavā ariyasāvako cakkhusmimpi nibbindati , rūpesupi nibbindati , cakkhuviññāṇepi nibbindati , cakkhusamphassepi nibbindati .
Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi nibbindati … pe … manasmimpi nibbindati , dhammesupi nibbindati , manoviññāṇepi nibbindati , manosamphassepi nibbindati , yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi nibbindati .
Nibbindaṃ virajjati ;
virāgā vimuccati ;
vimuttasmiṃ vimuttamiti
M2.258 ñāṇaṃ hoti .‘ Khīṇā jāti , vusitaṃ brahmacariyaṃ , kataṃ karaṇīyaṃ , nāparaṃ itthattāyā ’ ti pajānātī ’’ ti .
Paṭhamaṃ .
44.‘‘ Sabbaṃ
V2.28 , bhikkhave , dukkhaṃ … pe ….Dutiyaṃ .
45.‘‘ Sabbaṃ , bhikkhave , anattā … pe ….
Tatiyaṃ .
46.‘‘ Sabbaṃ
P4.29 , bhikkhave , abhiññeyyaṃ … pe …V2.29 .Catutthaṃ .
47.‘‘ Sabbaṃ , bhikkhave , pariññeyyaṃ … pe ….
Pañcamaṃ .
48.‘‘ Sabbaṃ , bhikkhave , pahātabbaṃ … pe ….
Chaṭṭhaṃ .
49.‘‘ Sabbaṃ , bhikkhave , sacchikātabbaṃ … pe …
V2.30 .Sattamaṃ .
50.‘‘ Sabbaṃ , bhikkhave , abhiññāpariññeyyaṃ … pe ….
Aṭṭhamaṃ .
51.‘‘ Sabbaṃ
T4.35 , bhikkhave , upaddutaṃ … pe ….Navamaṃ .
10. Upassaṭṭhasuttaṃ
52.‘‘ Sabbaṃ
V2.31 , bhikkhave , upassaṭṭhaṃ [ upasaṭṭhaṃ ( ka .)].Kiñca , bhikkhave , sabbaṃ upassaṭṭhaṃ ?
Cakkhu , bhikkhave , upassaṭṭhaṃ , rūpā upassaṭṭhā , cakkhuviññāṇaṃ upassaṭṭhaṃ , cakkhusamphasso upassaṭṭho .
Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi upassaṭṭhaṃ … pe … jivhā upassaṭṭhā , rasā upassaṭṭhā , jivhāviññāṇaṃ upassaṭṭhaṃ , jivhāsamphasso upassaṭṭho .
Yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi upassaṭṭhaṃ .
Kāyo upassaṭṭho … mano upassaṭṭho , dhammā upassaṭṭhā , manoviññāṇaṃ upassaṭṭhaṃ , manosamphasso upassaṭṭho .
Yampidaṃ manosamphassapaccayā uppajjati vedayitaṃ sukhaṃ
P4.30 vā dukkhaṃ vā adukkhamasukhaṃ vā tampi upassaṭṭhaṃ .Evaṃ passaṃ , bhikkhave , sutavā ariyasāvako cakkhusmimpi nibbindati , rūpesupi nibbindati , cakkhuviññāṇepi nibbindati , cakkhusamphassepi nibbindati .
Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi nibbindati … pe … manasmimpi nibbindati , dhammesupi nibbindati , manoviññāṇepi nibbindati , manosamphassepi nibbindati .
Yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tasmimpi nibbindati .
Nibbindaṃ virajjati ;
virāgā vimuccati ;
vimuttasmiṃ vimuttamiti ñāṇaṃ hoti
M2.259 .‘ Khīṇā jāti , vusitaṃ brahmacariyaṃ , kataṃ karaṇīyaṃ , nāparaṃ itthattāyā ’ ti pajānātī ’’ ti .
Dasamaṃ .
Sabbaaniccavaggo pañcamo .
Tassuddānaṃ –
Aniccaṃ
V2.32 dukkhaṃ anattā , abhiññeyyaṃ pariññeyyaṃ ;Pahātabbaṃ sacchikātabbaṃ , abhiññeyyapariññeyyaṃ [ abhiññeyyaṃ pariññeyyaṃ ( sī . syā . kaṃ .), abhiññātaṃ pariññeyyaṃ ( pī . ka .)];
Upaddutaṃ upassaṭṭhaṃ , vaggo tena pavuccatīti .
Saḷāyatanavagge paṭhamapaṇṇāsako samatto .
Tassa vagguddānaṃ –
Aniccavaggaṃ
T4.36 yamakaṃ , sabbaṃ vaggaṃ jātidhammaṃ ;Aniccavaggena paññāsaṃ , pañcamo tena pavuccatīti .