Issues
Editor
Settings
Versions
Select Version
sāsanāre-သာသနာရေး
မြန်မာဘာသာ
Saḷāyatanavaggo
Saḷāyatanavaggo

6. Antevāsikasuttaṃ

Author： _System_Pali_VRI_ @ Administrator

6. Antevāsikasuttaṃ

151.‘‘ AnantevāsikamidaṃM2.349 , bhikkhave , brahmacariyaṃ vussati anācariyakaṃ .
Santevāsiko , bhikkhave , bhikkhu sācariyako dukkhaṃ na phāsu [ phāsuṃ ( sī . pī .)] viharati .
Anantevāsiko , bhikkhave , bhikkhu anācariyako sukhaṃ phāsu viharati .
Kathañca , bhikkhu , santevāsiko sācariyako dukkhaṃ na phāsu viharati ?
Idha , bhikkhave , bhikkhuno cakkhunā rūpaṃ disvā uppajjanti pāpakā akusalā dhammā sarasaṅkappā saṃyojaniyā .
Tyāssa anto vasanti , antassa vasanti pāpakā akusalā dhammāti .
Tasmā santevāsikoti vuccati .
Te naṃ samudācaranti , samudācaranti naṃ pāpakā akusalā dhammāti .
Tasmā sācariyakoti vuccati … pe ….
‘‘ Puna caparaṃ , bhikkhave , bhikkhuno jivhāya rasaṃ sāyitvā uppajjanti pāpakā akusalā dhammā sarasaṅkappā saṃyojaniyā .
Tyāssa anto vasanti , antassa vasanti pāpakā akusalā dhammāti .
Tasmā santevāsikoti vuccati .
Te naṃ samudācaranti , samudācaranti naṃ pāpakā akusalā dhammāti .
Tasmā sācariyakoti vuccati … pe ….
‘‘ Puna caparaṃ , bhikkhave , bhikkhuno manasā dhammaṃ viññāya uppajjanti pāpakā akusalā dhammā sarasaṅkappā saṃyojaniyā .
Tyāssa anto vasanti , antassa vasantiP4.137 pāpakā akusalā dhammāti .
Tasmā santevāsikoti vuccati .
Te naṃ samudācaranti , samudācaranti naṃ pāpakā akusalā dhammāti .
Tasmā sācariyakoti vuccati .
Evaṃ khoT4.171 , bhikkhave , bhikkhu santevāsiko sācariyako dukkhaṃ , na phāsu viharati .
‘‘ Kathañca , bhikkhave , bhikkhu anantevāsiko anācariyako sukhaṃ phāsu viharati ?
Idha , bhikkhave , bhikkhuno cakkhunā rūpaṃ disvā na uppajjanti pāpakā akusalā dhammā sarasaṅkappā saṃyojaniyā .
Tyāssa na anto vasanti , nāssa anto vasanti pāpakā akusalā dhammātiV2.140 .
Tasmā anantevāsikoti vuccati .
Te naṃ na samudācaranti , na samudācaranti naṃ pāpakā akusalā dhammāti .
Tasmā anācariyakoti vuccati … pe ….
‘‘ Puna caparaṃ , bhikkhave , bhikkhuno jivhāya rasaṃ sāyitvā na uppajjanti pāpakā akusalā dhammā sarasaṅkappā saṃyojaniyā .
Tyāssa na anto vasanti , nāssaM2.350 anto vasanti pāpakā akusalā dhammāti .
Tasmā anantevāsikoti vuccati .
Te naṃ na samudācaranti , na samudācaranti naṃ pāpakā akusalā dhammāti .
Tasmā anācariyakoti vuccati … pe ….
‘‘ Puna caparaṃ , bhikkhave , bhikkhuno manasā dhammaṃ viññāya na uppajjanti pāpakā akusalā dhammā sarasaṅkappā saṃyojaniyā .
Tyāssa na anto vasanti , nāssa anto vasanti pāpakā akusalā dhammāti .
Tasmā anantevāsikoti vuccati .
Te naṃ na samudācaranti , na samudācaranti naṃ pāpakā akusalā dhammāti .
Tasmā anācariyakoti vuccati .
Evaṃ kho , bhikkhave , bhikkhu anantevāsiko anācariyako sukhaṃ phāsu viharati .
Anantevāsikamidaṃ , bhikkhave , brahmacariyaṃ vussatiT4.172 .
Anācariyakaṃ santevāsikoP4.138 , bhikkhave , bhikkhu sācariyako dukkhaṃ , na phāsu viharati .
Anantevāsiko , bhikkhave , bhikkhu anācariyako sukhaṃ phāsu viharatī ’’ ti .
Chaṭṭhaṃ .