6. Jīvakambavanapaṭisallānasuttaṃ
161. Ekaṃ
V2.147 samayaṃ bhagavā rājagahe viharati jīvakambavane .Tatra kho bhagavā bhikkhū āmantesi … pe …‘‘ paṭisallāne , bhikkhave , yogamāpajjatha .
Paṭisallīnassa , bhikkhave , bhikkhuno yathābhūtaṃ okkhāyati .
Kiñca yathābhūtaṃ okkhāyati ?
Cakkhuṃ aniccanti yathābhūtaṃ okkhāyati , rūpā aniccāti yathābhūtaṃ okkhāyati , cakkhuviññāṇaṃ aniccanti
T4.182 yathābhūtaṃ okkhāyati , cakkhusamphasso aniccoti yathābhūtaṃ okkhāyati , yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi aniccanti yathābhūtaṃ okkhāyati … pe … mano aniccoti yathābhūtaṃ okkhāyati , dhammā … manoviññāṇaṃ … manosamphasso … yampidaṃ manosamphassapaccayā uppajjati vedayitaṃ sukhaṃ vā dukkhaṃ vāP4.145 adukkhamasukhaṃ vā tampi aniccanti yathābhūtaṃ okkhāyati .Paṭisallāne bhikkhave , yogamāpajjatha .
Paṭisallīnassa , bhikkhave , bhikkhuno yathābhūtaṃ okkhāyatī ’’ ti .
Chaṭṭhaṃ .