10. Dhammakathikapucchasuttaṃ
155. Atha
P4.141 kho aññataro bhikkhu yena bhagavā tenupasaṅkami … pe … ekamantaṃ nisinno kho so bhikkhu bhagavantaṃ etadavoca –‘‘‘ dhammakathiko
T4.177 , dhammakathiko ’ ti , bhante , vuccati .Kittāvatā nu kho , bhante , dhammakathiko hotī ’’ ti ?
‘‘ Cakkhussa
V2.144 ce , bhikkhu nibbidāya virāgāya nirodhāya dhammaṃ deseti ,‘ dhammakathiko bhikkhū ’ ti alaṃvacanāya .Cakkhussa ce , bhikkhu , nibbidāya virāgāya nirodhāya paṭipanno hoti ,‘ dhammānudhammappaṭipanno bhikkhū ’ ti alaṃvacanāya .
Cakkhussa ce , bhikkhu , nibbidā virāgā nirodhā anupādāvimutto hoti ,‘ diṭṭhadhammanibbānappatto bhikkhū ’ ti alaṃvacanāya … pe … jivhāya ce , bhikkhu , nibbidāya virāgāya nirodhāya dhammaṃ deseti ,‘ dhammakathiko bhikkhū ’ ti alaṃvacanāya … pe … manassa ce , bhikkhu , nibbidāya virāgāya nirodhāya dhammaṃ deseti ,‘ dhammakathiko bhikkhū ’ ti alaṃvacanāya .
Manassa ce , bhikkhu , nibbidāya virāgāya nirodhāya paṭipanno hoti ,‘ dhammānudhammappaṭipanno bhikkhū ’ ti alaṃvacanāya .
Manassa
M2.354 ce , bhikkhu , nibbidā virāgā nirodhā anupādāvimutto hoti ,‘ diṭṭhadhammanibbānappatto bhikkhū ’ ti alaṃvacanāyā ’’ ti .Dasamaṃ .
Navapurāṇavaggo pañcadasamo .
Tassuddānaṃ –
Kammaṃ cattāri sappāyā , anantevāsi kimatthiyā ;
Atthi nu kho pariyāyo , indriyakathikena cāti .
Saḷāyatanavagge tatiyapaṇṇāsako samatto .
Tassa vagguddānaṃ –
Yogakkhemi
T4.178 ca loko ca , gahapati devadahena ca ;Navapurāṇena paṇṇāso , tatiyo tena vuccatīti .