3. Paṭhamarūpārāmasuttaṃ
136.‘‘ Rūpārāmā , bhikkhave , devamanussā rūparatā rūpasammuditā .
Rūpavipariṇāmavirāganirodhā dukkhā , bhikkhave , devamanussā viharanti .
Saddārāmā , bhikkhave
M2.342 , devamanussā saddaratā saddasammuditā .Saddavipariṇāmavirāganirodhā dukkhā , bhikkhave , devamanussā viharanti .
Gandhārāmā … rasārāmā … phoṭṭhabbārāmā … dhammārāmā , bhikkhave , devamanussā
P4.127 dhammaratā dhammasammuditā .Dhammavipariṇāmavirāganirodhā dukkhā , bhikkhave , devamanussā viharanti .
Tathāgato ca kho , bhikkhave , arahaṃ sammāsambuddho
T4.160 rūpānaṃ samudayañca atthaṅgamañca assādañca ādīnavaṃ ca nissaraṇañca yathābhūtaṃ viditvā na rūpārāmo na rūparato na rūpasammudito .Rūpavipariṇāmavirāganirodhā sukho , bhikkhave , tathāgato viharati .
Saddānaṃ … gandhānaṃ … rasānaṃ … phoṭṭhabbānaṃ … dhammānaṃ samudayañca atthaṅgamañca assādañca ādīnavañca nissaraṇañca yathābhūtaṃ viditvā na dhammārāmo , na dhammarato , na dhammasammudito .
Dhammavipariṇāmavirāganirodhā sukho , bhikkhave , tathāgato viharati ’’.
Idamavoca bhagavā .
Idaṃ vatvāna sugato athāparaṃ etadavoca satthā –
‘‘ Rūpā
V2.131 saddā rasā gandhā , phassā dhammā ca kevalā ;Iṭṭhā kantā manāpā ca , yāvatatthīti vuccati .
‘‘ Sadevakassa lokassa , ete vo sukhasammatā ;
Yattha cete nirujjhanti , taṃ tesaṃ dukkhasammataṃ .
‘‘ Sukhaṃ [ sukhanti ( sī .)] diṭṭhamariyebhi , sakkāyassa nirodhanaṃ ;
Paccanīkamidaṃ hoti , sabbalokena passataṃ .
‘‘ Yaṃ pare sukhato āhu , tadariyā āhu dukkhato ;
Yaṃ pare dukkhato āhu , tadariyā sukhato vidū .
‘‘ Passa dhammaṃ durājānaṃ , sammūḷhettha aviddasu ;
Nivutānaṃ tamo hoti , andhakāro apassataṃ .
‘‘ Satañca
P4.128 vivaṭaṃ hoti , āloko passatāmi ;Santike na vijānanti , maggā [ magā ( sī .)] dhammassa akovidā .
‘‘ Bhavarāgaparetebhi
T4.161 , bhavarāgānusārībhi [ bhavasotānusāribhi ( syā . kaṃ . pī .), bhavasotānusārihi ( sī .)];Māradheyyānupannehi , nāyaṃ dhammo susambudho .
‘‘ Ko
M2.343 nu aññatra mariyebhi , padaṃ sambuddhumarahati ;Yaṃ padaṃ sammadaññāya , parinibbanti anāsavā ’’ ti .
tatiyaṃ ;