7. Moggallānasuttaṃ

sāsanāre-သာသနာရေး

မြန်မာဘာသာ

7. Moggallānasuttaṃ

Author： _System_Pali_VRI_ @ Administrator

7. Moggallānasuttaṃ

416. AthaM2.558 kho vacchagotto paribbājako yenāyasmā mahāmoggallāno tenupasaṅkami ;

upasaṅkamitvā āyasmatā mahāmoggallānena saddhiṃ sammodi .

Sammodanīyaṃ kathaṃ sāraṇīyaṃ vītisāretvā ekamantaṃ nisīdi .

Ekamantaṃ nisinno kho vacchagotto paribbājako āyasmantaṃT4.476 mahāmoggallānaṃ etadavoca –

‘‘ Kiṃ nu kho , bho moggallāna , sassato loko ’’ ti ?

‘‘ Abyākataṃ kho etaṃ , vaccha , bhagavatā –

‘ sassato loko ’’’ ti .

‘‘ Kiṃ pana , bho moggallāna , asassato loko ’’ ti ?

‘‘ Etampi kho , vaccha , abyākataṃ bhagavatā –

‘ asassato loko ’’’ ti .

‘‘ Kiṃ nu kho , bho moggallāna , antavā loko ’’ ti ?

‘‘ Abyākataṃ kho etaṃ , vaccha , bhagavatā –

‘ antavā loko ’’’ ti .

‘‘ Kiṃ pana , bho moggallāna , anantavā loko ’’ ti ?

‘‘ Etampi kho , vaccha , abyākataṃ bhagavatā –

‘ anantavā loko ’’’ ti .

‘‘ KiṃP4.392 nu kho , bho moggallāna , taṃ jīvaṃ taṃV2.359 sarīran ’’ ti ?

‘‘ Abyākataṃ kho etaṃ , vaccha , bhagavatā –

‘ taṃ jīvaṃ taṃ sarīran ’’’ ti .

‘‘ Kiṃ pana , bho moggallāna , aññaṃ jīvaṃ aññaṃ sarīran ’’ ti ?

‘‘ Etampi kho , vaccha , abyākataṃ bhagavatā –

‘ aññaṃ jīvaṃ aññaṃ sarīran ’’’ ti .

‘‘ Kiṃ nu kho , bho moggallāna , hoti tathāgato paraṃ maraṇā ’’ ti ?

‘‘ Abyākataṃ kho etaṃ , vaccha , bhagavatā –

‘ hoti tathāgato paraṃ maraṇā ’’’ ti .

‘‘ Kiṃ pana , bho moggallāna , na hoti tathāgato paraṃ maraṇā ’’ ti ?

‘‘ Etampi kho , vaccha , abyākataṃ bhagavatā –

‘ na hoti tathāgato paraṃ maraṇā ’’’ ti .

‘‘ Kiṃ nu kho , bho moggallāna , hoti ca na ca hoti tathāgato paraṃ maraṇā ’’ ti ?

‘‘ Abyākataṃ kho etaṃ , vaccha , bhagavatā –

‘ hoti ca na ca hoti tathāgato paraṃ maraṇā ’’’ ti .

‘‘ Kiṃ pana , bho moggallāna , neva hoti na na hoti tathāgato paraṃ maraṇā ’’ ti ?

‘‘ Etampi kho , vaccha , abyākataṃ bhagavatā –

‘ neva hoti na na hoti tathāgato paraṃ maraṇā ’’’ ti .

‘‘ KoT4.477 nu kho , bho moggallāna , hetu ko paccayo , yena aññatitthiyānaṃ paribbājakānaṃ evaṃ puṭṭhānaṃ evaṃ veyyākaraṇaṃ hoti – sassato lokoti vā , asassato lokoti vā , antavā lokoti vā , anantavā lokoti vā , taṃ jīvaṃ taṃ sarīranti vā , aññaṃ jīvaṃ aññaṃ sarīranti vā , hoti tathāgato paraṃ maraṇāti vā , na hoti tathāgato paraṃM2.559 maraṇāti vā , hoti ca na ca hoti tathāgato paraṃ maraṇāti vā , neva hoti na na hoti tathāgato paraṃ maraṇāti vā ?

KoP4.393 pana , bho moggallāna , hetu ko paccayo , yena samaṇassa gotamassa evaṃ puṭṭhassa na evaṃ veyyākaraṇaṃ hoti – sassato lokotipi , asassato lokotipi , antavā lokotipi , anantavā lokotipi , taṃ jīvaṃ taṃ sarīrantipi , aññaṃ jīvaṃ aññaṃ sarīrantipi , hoti tathāgato paraṃ maraṇātipi , na hoti tathāgato paraṃ maraṇātipi , hoti ca na ca hoti tathāgato paraṃ maraṇātipi , neva hoti na na hoti tathāgato paraṃ maraṇātipī ’’ ti ?

‘‘ Aññatitthiyā kho , vaccha , paribbājakā cakkhuṃ ‘ etaṃ mama , esohamasmi , eso me attā ’ ti samanupassanti … pe … jivhaṃ ‘ etaṃ mama , esohamasmi , eso me attā ’ ti samanupassanti … pe … manaṃ ‘ etaṃ mama , esohamasmi , eso me attā ’ ti samanupassanti .

Tasmā aññatitthiyānaṃ paribbājakānaṃ evaṃ puṭṭhānaṃ evaṃ veyyākaraṇaṃ hoti – sassato lokoti vā … pe … neva hoti na na hoti tathāgato paraṃ maraṇāti vā .

Tathāgato ca kho , vaccha , arahaṃV2.360 sammāsambuddho cakkhuṃT4.478 ‘ netaṃ mama , nesohamasmi , na meso attā ’ ti samanupassati … pe … jivhaṃ ‘ netaṃ mama , nesohamasmi , na meso attā ’ ti samanupassati … pe … manaṃ ‘ netaṃ mama , nesohamasmi , na meso attā ’ ti samanupassati .

Tasmā tathāgatassa evaṃ puṭṭhassa na evaṃ veyyākaraṇaṃ hoti – sassato lokotipi … pe … neva hoti na na hoti tathāgato paraṃ maraṇātipī ’’ ti .

Atha kho vacchagotto paribbājako uṭṭhāyāsanā yena bhagavā tenupasaṅkami ;

upasaṅkamitvā bhagavatā saddhiṃ sammodi .

Sammodanīyaṃ kathaṃ sāraṇīyaṃ vītisāretvā ekamantaṃ nisīdi .

Ekamantaṃ nisinno kho vacchagotto paribbājako bhagavantaṃ etadavoca –

‘‘ kiṃ nu kho , bho gotama , sassato loko ’’ ti ?

Abyākataṃ kho etaṃ , vaccha , mayā –

‘ sassato loko ’ ti … pe ….

‘‘ Kiṃ pana , bho gotama , neva hoti na na hoti tathāgato paraṃ maraṇā ’’ ti ?

‘‘ Etampi kho , vaccha , abyākataṃ mayā –

‘ neva hoti na na hoti tathāgato paraṃ maraṇā ’’’ ti .

‘‘ KoM2.560P4.394 nu kho , bho gotama , hetu ko paccayo , yena aññatitthiyānaṃ paribbājakānaṃ evaṃ puṭṭhānaṃ evaṃ veyyākaraṇaṃ hoti –

‘ sassato loko ’ ti vā … pe …‘ neva hoti na na hoti tathāgato paraṃ maraṇā ’ ti vā ?

Ko pana , bho gotama , hetu ko paccayo , yena bhoto gotamassa evaṃ puṭṭhassa na evaṃ veyyākaraṇaṃ hoti –

‘ sassato loko ’ tipi … pe …‘ neva hoti na na hoti tathāgato paraṃ maraṇā ’ tipī ’’ ti ?

‘‘ Aññatitthiyā kho , vaccha , paribbājakā cakkhuṃ ‘ etaṃ mama , esohamasmiT4.479 , eso me attā ’ ti samanupassanti … pe … jivhaṃ ‘ etaṃ mama , esohamasmi , eso me attā ’ ti samanupassanti … pe … manaṃ ‘ etaṃ mama , esohamasmi , eso me attā ’ ti samanupassanti .

Tasmā aññatitthiyānaṃ paribbājakānaṃ evaṃ puṭṭhānaṃ evaṃ veyyākaraṇaṃ hoti –

‘ sassato loko ’ ti vā … pe …‘ neva hoti na na hoti tathāgato paraṃ maraṇā ’ ti vā .

Tathāgato ca kho , vaccha , arahaṃ sammāsambuddho cakkhuṃ ‘ netaṃ mama , nesohamasmi , na meso attā ’ ti samanupassati … pe … jivhaṃ ‘ netaṃ mama , nesohamasmi , na meso attā ’ ti samanupassati … pe … manaṃ ‘ netaṃ mama , nesohamasmi , na meso attā ’ ti samanupassati .

TasmāV2.361 tathāgatassa evaṃ puṭṭhassa na evaṃ veyyākaraṇaṃ hoti –

‘ sassato loko ’ tipi ,‘ asassato loko ’ tipi ,‘ antavā loko ’ tipi ,‘ anantavā loko ’ tipi ,‘ taṃ jīvaṃ taṃ sarīran ’ tipi ,‘ aññaṃ jīvaṃ aññaṃ sarīran ’ tipi ,‘ hoti tathāgato paraṃ maraṇā ’ tipi ,‘ na hoti tathāgato paraṃ maraṇā ’ tipi ,‘ hoti ca na ca hoti tathāgato paraṃ maraṇā ’ tipi ,‘ neva hoti na na hoti tathāgato paraṃ maraṇā ’ tipī ’’ ti .

‘‘ Acchariyaṃ , bho gotama , abbhutaṃ , bho gotama !

Yatra hi nāma satthu ca [ satthussa ca ( sī . pī .), satthu ceva ( khemāsutte )] sāvakassa ca atthena attho byañjanena byañjanaṃ saṃsandissati samessati na virodhayissati , yadidaṃ aggapadasmiṃ .

Idānāhaṃ , bho gotama , samaṇaṃ mahāmoggallānaṃ upasaṅkamitvāP4.395 etamatthaṃ apucchiṃ .

Samaṇopi me moggallāno etehi padehi etehi byañjanehiT4.480 tamatthaṃ byākāsi , seyyathāpi bhavaṃ gotamo .

Acchariyaṃ , bho gotama , abbhutaṃ , bho gotamaM2.561 !

Yatra hi nāma satthu ca sāvakassa ca atthena attho byañjanena byañjanaṃ saṃsandissati samessati na virodhayissati , yadidaṃ aggapadasmin ’’ ti .

Sattamaṃ .