Issues
Editor
Settings
Versions
Select Version
sāsanāre-သာသနာရေး
မြန်မာဘာသာ
Saḷāyatanavaggo
Saḷāyatanavaggo

2. Dutiyapeyyālavaggo

Author： _System_Pali_VRI_ @ Administrator

2. Dutiyapeyyālavaggo

1. Akkodhanasuttaṃ

294. Atha kho āyasmā anuruddho yena bhagavā tenupasaṅkami ;
upasaṅkamitvā … pe … ekamantaṃ nisinno kho āyasmā anuruddho bhagavantaṃ etadavoca –
‘‘ idhāhaṃ , bhante , mātugāmaṃ passāmi dibbena cakkhunā visuddhena atikkantamānusakenaM2.441 kāyassa bhedā paraṃ maraṇā sugatiṃ saggaṃ lokaṃ upapajjantaṃ .
Katīhi nu kho , bhante , dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjatī ’’ ti ?
‘‘ PañcahiT4.302 kho , anuruddha , dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjati .
Katamehi pañcahi ?
Saddho ca hoti , hirimā ca hoti , ottappī ca hoti , akkodhano ca hoti , paññavā ca hoti – imehi kho , anuruddha , pañcahi dhammehi samannāgato mātugāmoP4.244 kāyassa bhedā paraṃ maraṇā sugatiṃ saggaṃ lokaṃ upapajjatī ’’ ti .
Paṭhamaṃ .

2. Anupanāhīsuttaṃ

295.‘‘ Pañcahi , anuruddha , dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjati .
Katamehi pañcahi ?
Saddho ca hoti , hirimā ca hoti , ottappīV2.239 ca hoti , anupanāhī ca hoti , paññavā ca hoti – imehi kho , anuruddha , pañcahi dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjatī ’’ ti .
Dutiyaṃ .

3. Anissukīsuttaṃ

296.‘‘ Pañcahi , anuruddha , dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjati .
Katamehi pañcahi ?
Saddho ca hoti , hirimā ca hoti , ottappī ca hoti , anissukī ca hoti , paññavā ca hoti – imehi kho , anuruddha , pañcahi dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjatī ’’ ti .
Tatiyaṃ .

4. Amaccharīsuttaṃ

297. Amaccharī ca hoti , paññavā ca hoti … pe ….
Catutthaṃ .

5. Anaticārīsuttaṃ

298. Anaticārī ca hoti , paññavā ca hoti … pe ….
Pañcamaṃ .

6. Susīlasuttaṃ

299. Sīlavā ca hoti , paññavā ca hoti … pe ….
Chaṭṭhaṃ .

7. Bahussutasuttaṃ

300. BahussutoM2.442 ca hoti , paññavā ca hoti … pe ….
Sattamaṃ .

8. Āraddhavīriyasuttaṃ

301. ĀraddhavīriyoV2.240 ca hoti , paññavā ca hoti … pe ….
Aṭṭhamaṃ .

9. Upaṭṭhitassatisuttaṃ

302.‘‘ UpaṭṭhitassatiP4.245 caT4.303 hoti , paññavā ca hoti – imehi kho , anuruddha , pañcahi dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjatī ’’ ti .
Navamaṃ .
Ime aṭṭha suttantasaṅkhepā .

10. Pañcasīlasuttaṃ

303.‘‘ Pañcahi , anuruddha , dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjati .
Katamehi pañcahi ?
Pāṇātipātā paṭivirato ca hoti , adinnādānā paṭivirato ca hoti , kāmesumicchācārā paṭivirato ca hoti , musāvādā paṭivirato ca hoti , surāmerayamajjappamādaṭṭhānā paṭivirato ca hoti – imehi kho , anuruddha , pañcahi dhammehi samannāgato mātugāmo kāyassa bhedā paraṃ maraṇā sugatiṃ saggaṃ lokaṃ upapajjatī ’’ ti .
Dasamaṃ .
Dutiyapeyyālavaggo .
Tassuddānaṃ –
Dutiye ca [ anuruddho ( sabbattha )] akkodhano , anupanāhī anissukī ;
Amaccharī anaticārī , sīlavā ca bahussuto ;
Vīriyaṃ sati sīlañca , sukkapakkhe pakāsito .