4. Kāmaguṇasuttaṃ

Author： _System_Pali_VRI_ @ Administrator

4. Kāmaguṇasuttaṃ

117.‘‘ Pubbeva me , bhikkhave , sambodhā anabhisambuddhassa bodhisattassevaT4.122 sato etadahosi –

‘ yeme pañca kāmaguṇā cetaso samphuṭṭhapubbā atītā niruddhā vipariṇatā , tatra me cittaṃ bahulaṃ gacchamānaṃ gaccheyya paccuppannesu vā appaṃ vā anāgatesu ’.

Tassa mayhaṃ , bhikkhave , etadahosi –

‘ yeme pañca kāmaguṇā cetaso samphuṭṭhapubbā atītā niruddhā vipariṇatā , tatra me attarūpena appamādo sati cetaso ārakkho karaṇīyo ’.

Tasmātiha , bhikkhave , tumhākampi ye te pañca kāmaguṇā cetaso samphuṭṭhapubbā atītā niruddhā vipariṇatā , tatra vo cittaṃ bahulaṃ gacchamānaṃ gaccheyya paccuppannesu vā appaṃ vā anāgatesu .

Tasmātiha , bhikkhave , tumhākampi ye te pañca kāmaguṇā cetaso samphuṭṭhapubbāP4.98 atītā niruddhā vipariṇatā , tatra vo attarūpehi appamādo sati cetaso ārakkho karaṇīyo .

Tasmātiha , bhikkhave , se āyatane veditabbe yattha cakkhu ca nirujjhati , rūpasaññā ca nirujjhati , se āyatane veditabbe … pe … yattha jivhā ca nirujjhati , rasasaññā ca nirujjhati , se āyatane veditabbe … pe … yattha mano ca nirujjhati , dhammasaññā ca nirujjhati , se āyatane veditabbe ’’ ti .

Idaṃ vatvā bhagavā uṭṭhāyāsanā vihāraṃ pāvisi .

Atha kho tesaṃ bhikkhūnaṃ acirapakkantassa bhagavato etadahosi –

‘‘ idaṃ kho no , āvuso , bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho –

‘ tasmātiha , bhikkhave , se āyatane veditabbeT4.123 yattha cakkhu ca nirujjhati , rūpasaññā ca nirujjhati , se āyatane veditabbe … pe … yattha jivhā ca nirujjhati , rasasaññā ca nirujjhati , seM2.318 āyatane veditabbe … pe … yattha mano ca nirujjhati , dhammasaññā ca nirujjhati , se āyatane veditabbe ’ ti .

Ko nu kho imassa bhagavatāV2.105 saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyā ’’ ti ?

Atha kho tesaṃ bhikkhūnaṃ etadahosi –

‘‘ ayaṃ kho āyasmā ānando satthu ceva saṃvaṇṇito , sambhāvito ca viññūnaṃ sabrahmacārīnaṃ .

Pahoti cāyasmā ānando imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ .

Yaṃnūna mayaṃ yenāyasmā ānando tenupasaṅkameyyāma ;

upasaṅkamitvā āyasmantaṃ ānandaṃ etamatthaṃ paṭipuccheyyāmā ’’ ti .

Atha kho te bhikkhū yenāyasmā ānando tenupasaṅkamiṃsu ;

upasaṅkamitvā āyasmatā ānandena saddhiṃ sammodiṃsuP4.99 .

Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu .

Ekamantaṃ nisinnā kho te bhikkhū āyasmantaṃ ānandaṃ etadavocuṃ –

‘‘ Idaṃ kho no , āvuso ānanda , bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho –

‘ tasmātiha , bhikkhave , se āyatane veditabbe yattha cakkhu ca nirujjhati , rūpasaññā ca nirujjhati , se āyatane veditabbe … pe … yattha jivhā ca nirujjhatiT4.124 , rasasaññā ca nirujjhati , se āyatane veditabbe … pe … yattha mano ca nirujjhati , dhammasaññā ca nirujjhati , se āyatane veditabbe ’ ti .

Tesaṃ no , āvuso , amhākaṃ acirapakkantassa bhagavato etadahosi –

‘ idaṃ kho no , āvuso , bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – tasmātiha , bhikkhave , se āyatane veditabbe yattha cakkhu ca nirujjhati , rūpasaññā ca nirujjhati , se āyatane veditabbe … pe … yattha jivhā ca nirujjhati , rasasaññā ca nirujjhati se āyatane veditabbe … pe … yattha mano ca nirujjhati , dhammasaññā ca nirujjhati , se āyatane veditabbe ’ ti .

Ko nu kho imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyāti ?

Tesaṃ no , āvuso , amhākaṃ etadahosi –

‘ ayaṃ kho āyasmā ānando satthu ceva saṃvaṇṇito , sambhāvito ca viññūnaṃ sabrahmacārīnaṃ .

Pahoti cāyasmā ānando imassa bhagavatā saṃkhittenaM2.319 uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ .

Yaṃnūna mayaṃ yenāyasmā ānandoV2.106 tenupasaṅkameyyāma ;

upasaṅkamitvā āyasmantaṃ ānandaṃ etamatthaṃ paṭipuccheyyāmā ’ ti .

Vibhajatāyasmā ānando ’’ ti .

‘‘ Seyyathāpi , āvuso , puriso sāratthiko sāragavesī sārapariyesanaṃ caramāno mahato rukkhassa … pe … vibhajatāyasmā ānando agaruṃ karitvāti .

‘‘ TenahāvusoT4.125 , suṇātha , sādhukaṃ manasi karotha ;

bhāsissāmī ’’ ti .

‘‘ Evamāvuso ’’ tiP4.100 kho te bhikkhū āyasmato ānandassa paccassosuṃ .

Āyasmā ānando etadavoca –

‘‘ Yaṃ kho vo , āvuso , bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho –

‘ tasmātiha , bhikkhave , se āyatane veditabbe yattha cakkhu ca nirujjhati , rūpasaññā ca nirujjhati , se āyatane veditabbe … pe … yattha mano ca nirujjhati , dhammasaññā ca nirujjhati , se āyatane veditabbe ’ ti .

Imassa khvāhaṃ , āvuso , bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ ājānāmi .

Saḷāyatananirodhaṃ no etaṃ , āvuso , bhagavatā sandhāya bhāsitaṃ –

‘ tasmātiha , bhikkhave , se āyatane veditabbe , yattha cakkhu ca nirujjhati , rūpasaññā ca nirujjhati , se āyatane veditabbe … pe … yattha mano ca nirujjhati , dhammasaññā ca nirujjhati , se āyatane veditabbe ’ ti .

Ayaṃ kho , āvuso , bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho –

Imassa khvāhaṃ , āvuso , bhagavatā saṃkhittena uddesassa uddiṭṭhassa vitthārena atthaṃ avibhattassaT4.126 evaṃ vitthārena atthaṃ ājānāmi .

Ākaṅkhamānā ca pana tumhe āyasmanto bhagavantaṃyeva upasaṅkamatha ;

upasaṅkamitvā etamatthaṃ puccheyyātha .

Yathā vo bhagavā byākaroti tathā naṃ dhāreyyāthā ’’ ti .

‘‘ Evamāvuso ’’ tiM2.320 kho te bhikkhū āyasmato ānandassa paṭissutvā uṭṭhāyāsanā yena bhagavāV2.107 tenupasaṅkamiṃsu ;

upasaṅkamitvā bhagavantaṃ abhivādetvā ekamantaṃ nisīdiṃsu .

Ekamantaṃ nisinnā kho te bhikkhū bhagavantaṃ etadavocuṃ –

‘‘ Yaṃ kho no , bhante , bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho –

‘ tasmātiha , bhikkhave , se āyatane veditabbe yattha cakkhu ca nirujjhati , rūpasaññā ca nirujjhati , se āyatane veditabbe … pe … yattha jivhā ca nirujjhati , rasasaññā ca nirujjhati , se āyatane veditabbe … pe … yattha mano ca nirujjhati , dhammasaññā ca nirujjhati , se āyatane veditabbe ’ ti , tesaṃ no , bhante , amhākaṃ acirapakkantassa bhagavato etadahosi –

‘ idaṃ kho no , āvusoP4.101 , bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho – tasmātiha , bhikkhave , se āyatane veditabbe yattha cakkhu ca nirujjhati , rūpasaññā ca nirujjhati , se āyatane veditabbe … pe … yattha mano ca nirujjhati , dhammasaññā ca nirujjhati , se āyatane veditabbe ’ ti .

‘ Ko nu kho imassa bhagavatā saṃkhittenaT4.127 uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyā ’ ti ?

Tesaṃ no , bhante , amhākaṃ etadahosi –

‘ ayaṃ kho āyasmā ānando satthu ceva saṃvaṇṇito , sambhāvito ca viññūnaṃ sabrahmacārīnaṃ .

Pahoti cāyasmā ānando imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ .

Yaṃnūna mayaṃ yenāyasmā ānando tenupasaṅkameyyāma ;

upasaṅkamitvā āyasmantaṃ ānandaṃ etamatthaṃ paṭipuccheyyāmā ’ ti .

Atha kho mayaṃ , bhante , yenāyasmā ānando tenupasaṅkamimha ;

upasaṅkamitvā āyasmantaṃ ānandaṃ etamatthaṃ paṭipucchimha .

Tesaṃ no , bhante , āyasmatā ānandena imehi ākārehi , imehi padehi , imehi byañjanehi attho vibhatto ’’ ti .

‘‘ Paṇḍito , bhikkhave , ānando ;

mahāpañño , bhikkhave , ānando !

Maṃ cepi tumhe , bhikkhave , etamatthaṃ paṭipuccheyyātha , ahampi taṃ evamevaṃ byākareyyaṃ yathā taṃ ānandena byākataṃ .

Eso cevetassa attho .

Evañca naṃ dhāreyyāthā ’’ ti .

Catutthaṃ .

Issues

Select Version

Saḷāyatanavaggo

Saḷāyatanavaggo