1. Kāyagatāsatisuttaṃ
366. Sāvatthinidānaṃ
V2.334M2.535 .‘‘ Asaṅkhatañca
T4.441 vo , bhikkhave , desessāmi asaṅkhatagāmiñca maggaṃ .Taṃ suṇātha .
Katamañca , bhikkhave , asaṅkhataṃ ?
Yo , bhikkhave , rāgakkhayo dosakkhayo mohakkhayo – idaṃ vuccati , bhikkhave , asaṅkhataṃ .
Katamo ca , bhikkhave , asaṅkhatagāmimaggo ?
Kāyagatāsati .
Ayaṃ vuccati , bhikkhave , asaṅkhatagāmimaggo ’’.
‘‘ Iti kho , bhikkhave , desitaṃ vo mayā asaṅkhataṃ , desito asaṅkhatagāmimaggo .
Yaṃ , bhikkhave , satthārā karaṇīyaṃ sāvakānaṃ hitesinā anukampakena anukampaṃ upādāya , kataṃ vo taṃ mayā .
Etāni , bhikkhave , rukkhamūlāni , etāni suññāgārāni .
Jhāyatha [ nijjhāyatha ( ka .)], bhikkhave , mā pamādattha ;
mā pacchā vippaṭisārino ahuvattha .
Ayaṃ vo amhākaṃ anusāsanī ’’ ti .
Paṭhamaṃ .