Issues
Editor
Settings
Versions
Select Version
sāsanāre-သာသနာရေး
မြန်မာဘာသာ
Saḷāyatanavaggo
Saḷāyatanavaggo

1. Paṭhamapeyyālavaggo

Author： _System_Pali_VRI_ @ Administrator

1. Paṭhamapeyyālavaggo

1. Mātugāmasuttaṃ

280.‘‘ PañcahiT4.296V2.233M2.436 , bhikkhave , aṅgehi samannāgato mātugāmo ekantaamanāpo hoti purisassa .
Katamehi pañcahi ?
Na ca rūpavā hoti , na ca bhogavā hoti , na ca sīlavā hoti , alaso ca hoti , pajañcassa na labhati – imehi kho , bhikkhave , pañcahi aṅgehi samannāgato mātugāmo ekantaamanāpo hoti purisassa .
Pañcahi , bhikkhave , aṅgehi samannāgato mātugāmo ekantamanāpo hoti purisassa .
Katamehi pañcahi ?
Rūpavā ca hoti , bhogavā ca hoti , sīlavā ca hoti , dakkho ca hoti analaso , pajañcassa labhati – imehi kho , bhikkhave , pañcahi aṅgehi samannāgato mātugāmo ekantamanāpo hoti purisassā ’’ ti .
Paṭhamaṃ .

2. Purisasuttaṃ

281.‘‘ Pañcahi , bhikkhave , aṅgehi samannāgato puriso ekantaamanāpo hoti mātugāmassa .
Katamehi pañcahi ?
Na ca rūpavā hoti , na ca bhogavā hoti , na ca sīlavā hoti , alaso ca hoti , pajañcassa na labhati – imehi kho , bhikkhave , pañcahiP4.239 aṅgehi samannāgato puriso ekantaamanāpo hoti mātugāmassa .
Pañcahi , bhikkhave , aṅgehi samannāgato puriso ekantamanāpo hoti mātugāmassa .
Katamehi pañcahi ?
Rūpavā ca hoti , bhogavā ca hoti , sīlavā ca hoti , dakkho ca hoti analaso , pajañcassa labhati – imehiV2.234 kho , bhikkhave , pañcahi aṅgehi samannāgato purisoT4.297 ekantamanāpo hoti mātugāmassā ’’ ti .
Dutiyaṃ .

3. Āveṇikadukkhasuttaṃ

282.‘‘ Pañcimāni , bhikkhave , mātugāmassa āveṇikāni dukkhāni , yāni mātugāmo paccanubhoti , aññatreva purisehi .
Katamāni pañca ?
Idha , bhikkhaveM2.437 , mātugāmo daharova samāno patikulaṃ gacchati , ñātakehi vinā hoti .
Idaṃ , bhikkhave , mātugāmassa paṭhamaṃ āveṇikaṃ dukkhaṃ , yaṃ mātugāmo paccanubhoti , aññatreva purisehi .
Puna caparaṃ , bhikkhave , mātugāmo utunī hoti .
Idaṃ , bhikkhave , mātugāmassa dutiyaṃ āveṇikaṃ dukkhaṃ , yaṃ mātugāmo paccanubhoti , aññatreva purisehi .
Puna caparaṃ , bhikkhave , mātugāmo gabbhinī hoti .
Idaṃ , bhikkhave , mātugāmassa tatiyaṃ āveṇikaṃ dukkhaṃ , yaṃ mātugāmo paccanubhoti , aññatreva purisehi .
Puna caparaṃ , bhikkhave , mātugāmo vijāyati .
Idaṃ , bhikkhave , mātugāmassa catutthaṃ āveṇikaṃ dukkhaṃ , yaṃ mātugāmo paccanubhoti , aññatreva purisehi .
Puna caparaṃ , bhikkhave , mātugāmo purisassa pāricariyaṃ upeti .
Idaṃ kho , bhikkhave , mātugāmassa pañcamaṃ āveṇikaṃ dukkhaṃ , yaṃ mātugāmo paccanubhoti , aññatreva purisehi .
Imāni kho , bhikkhave , pañca mātugāmassa āveṇikāni dukkhāni , yāni mātugāmo paccanubhoti , aññatreva purisehī ’’ ti .
Tatiyaṃ .

4. Tīhidhammehisuttaṃ

283.‘‘ TīhiT4.298P4.240 , bhikkhave , dhammehi samannāgato mātugāmo yebhuyyena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati .
Katamehi tīhi ?
Idha , bhikkhave , mātugāmo pubbaṇhasamayaṃ maccheramalapariyuṭṭhitena cetasā agāraṃ ajjhāvasati .
Majjhanhikasamayaṃ issāpariyuṭṭhitena cetasā agāraṃ ajjhāvasati .
Sāyanhasamayaṃ kāmarāgapariyuṭṭhitena cetasā agāraṃ ajjhāvasati .
Imehi kho , bhikkhave , tīhi dhammehi samannāgato mātugāmo yebhuyyena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatī ’’ ti .
Catutthaṃ .

5. Kodhanasuttaṃ

284. AthaV2.235 kho āyasmā anuruddho yena bhagavā tenupasaṅkami ;
upasaṅkamitvā ekamantaṃ nisīdi .
Ekamantaṃ nisinno kho āyasmā anuruddho bhagavantaṃ etadavoca –
‘‘ idhāhaṃ , bhante , mātugāmaṃ passāmi dibbena cakkhunā visuddhena atikkantamānusakena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjantaṃ .
Katīhi nu kho , bhante , dhammehi samannāgato mātugāmoM2.438 kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatī ’’ ti ?
‘‘ Pañcahi kho , anuruddha , dhammehi samannāgato mātugāmo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati .
Katamehi pañcahi ?
Assaddho ca hoti , ahiriko ca hoti , anottappī ca hoti , kodhano ca hoti , duppañño ca hoti – imehi kho , anuruddha , pañcahi dhammehi samannāgatoP4.241 mātugāmo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatī ’’ ti .
Pañcamaṃ .

6. Upanāhīsuttaṃ

285.‘‘ PañcahiT4.299 , anuruddha , dhammehi samannāgato mātugāmo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati .
Katamehi pañcahi ?
Assaddho ca hoti , ahiriko ca hoti , anottappī ca hoti , upanāhī ca hoti , duppañño ca hoti – imehi kho , anuruddha , pañcahi dhammehi samannāgato mātugāmo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatī ’’ ti .
Chaṭṭhaṃ .

7. Issukīsuttaṃ

286.‘‘ Pañcahi , anuruddha , dhammehi samannāgato mātugāmo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati .
Katamehi pañcahi ?
Assaddho ca hoti , ahiriko ca hoti , anottappī ca hoti , issukī ca hoti , duppañño ca hoti – imehi khoV2.236 , anuruddha , pañcahi dhammehi samannāgato mātugāmo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatī ’’ ti .
Sattamaṃ .

8. Maccharīsuttaṃ

287.‘‘ Pañcahi , anuruddha , dhammehi samannāgato mātugāmo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati .
Katamehi pañcahi ?
Assaddho ca hoti , ahiriko ca hoti , anottappī ca hoti , maccharī ca hoti , duppañño ca hoti – imehi kho , anuruddha , pañcahiM2.439 dhammehi samannāgato mātugāmo … pe … apāyaṃ duggatiṃ vinipātaṃ nirayaṃ upapajjatī ’’ ti .
Aṭṭhamaṃ .

9. Aticārīsuttaṃ

288.‘‘ PañcahiT4.300P4.242 , anuruddha , dhammehi samannāgato mātugāmo … pe … apāyaṃ duggatiṃ vinipātaṃ nirayaṃ upapajjati .
Katamehi pañcahi ?
Assaddho ca hoti , ahiriko ca hoti , anottappī ca hoti , aticārī ca hoti , duppañño ca hoti – imehi kho , anuruddha , pañcahi dhammehi samannāgato mātugāmo … pe … upapajjatī ’’ ti .
Navamaṃ .

10. Dussīlasuttaṃ

289.‘‘ Pañcahi , anuruddha , dhammehi samannāgato mātugāmo … pe … nirayaṃ upapajjati .
Katamehi pañcahi ?
Assaddho ca hoti , ahiriko ca hoti , anottappī ca hoti , dussīlo ca hoti , duppañño ca hoti – imehi kho , anuruddha , pañcahi dhammehi samannāgato mātugāmo … pe … nirayaṃ upapajjatī ’’ ti .
Dasamaṃ .

11. Appassutasuttaṃ

290.‘‘ Pañcahi , anuruddha , dhammehi samannāgato mātugāmo … pe … nirayaṃ upapajjatiV2.237 .
Katamehi pañcahi ?
Assaddho ca hoti , ahiriko ca hoti , anottappī ca hoti , appassuto ca hoti , duppañño ca hoti – imehi kho , anuruddha , pañcahi dhammehi samannāgato mātugāmo … pe … nirayaṃ upapajjatī ’’ ti .
Ekādasamaṃ .

12. Kusītasuttaṃ

291.‘‘ Pañcahi , anuruddha , dhammehi samannāgato mātugāmo … pe … nirayaṃ upapajjati .
Katamehi pañcahi ?
Assaddho ca hoti , ahiriko ca hoti , anottappī ca hoti , kusīto ca hoti , duppañño ca hoti – imehi kho , anuruddha , pañcahi dhammehi samannāgato mātugāmo … pe …T4.301 apāyaṃ duggatiṃ vinipātaṃ nirayaṃ upapajjatī ’’ ti .
Dvādasamaṃ .

13. Muṭṭhassatisuttaṃ

292.‘‘ PañcahiM2.440 , anuruddha , dhammehi samannāgato mātugāmo … pe … nirayaṃ upapajjati .
Katamehi pañcahi ?
AssaddhoP4.243 ca hoti , ahiriko ca hoti , anottappī ca hoti , muṭṭhassati ca hoti , duppañño ca hoti – imehi kho , anuruddha , pañcahi dhammehi samannāgato mātugāmo … pe … nirayaṃ upapajjatī ’’ ti .
Terasamaṃ .

14. Pañcaverasuttaṃ

293.‘‘ Pañcahi , anuruddha , dhammehi samannāgato mātugāmo … pe … nirayaṃ upapajjati .
Katamehi pañcahi ?
Pāṇātipātī ca hoti , adinnādāyī ca hoti , kāmesumicchācārī ca hoti , musāvādī ca hoti , surāmerayamajjappamādaṭṭhāyī ca hoti – imehi kho , anuruddha , pañcahi dhammehi samannāgato mātugāmo kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjatī ’’ ti .
Cuddasamaṃ .
Paṭhamapeyyālavaggo .
Tassuddānaṃ –
MātugāmoV2.238 puriso ca , āveṇikā tidhammo ca [ dve manāpāmanāpāca , āveṇikā tīhi anuruddho ( sabbattha )];
Kodhano upanāhī ca , issukī maccharena ca ;
Aticārī ca dussīlo , appassuto ca kusīto ;
Muṭṭhassati pañcaveraṃ , kaṇhapakkhe pakāsito .