4. Jambukhādakasaṃyuttaṃ

Author： _System_Pali_VRI_ @ Administrator

4. Jambukhādakasaṃyuttaṃ

1. Nibbānapañhāsuttaṃ

314. EkaṃT4.310V2.246M2.447 samayaṃ āyasmā sāriputto magadhesu viharati nālakagāmake .

Atha kho jambukhādako paribbājako yenāyasmā sāriputto tenupasaṅkami ;

upasaṅkamitvā āyasmatā sāriputtena saddhiṃ sammodi .

Sammodanīyaṃ kathaṃ sāraṇīyaṃ vītisāretvā ekamantaṃ nisīdi .

Ekamantaṃ nisinno kho jambukhādako paribbājako āyasmantaṃ sāriputtaṃ etadavoca –

‘‘‘ Nibbānaṃ , nibbānan ’ ti , āvuso sāriputta , vuccati .

Katamaṃ nu kho , āvuso , nibbānan ’’ ti ?

‘‘ Yo kho , āvuso , rāgakkhayo dosakkhayo mohakkhayo – idaṃ vuccati nibbānan ’’ ti .

‘‘ Atthi panāvuso , maggo atthi paṭipadā etassa nibbānassa sacchikiriyāyā ’’ ti ?

‘‘ Atthi kho , āvuso , maggo atthi paṭipadā etassa nibbānassa sacchikiriyāyā ’’ ti .

‘‘ KatamoP4.252 panāvuso , maggo katamā paṭipadā etassa nibbānassa sacchikiriyāyā ’’ ti ?

‘‘ Ayameva kho , āvuso , ariyo aṭṭhaṅgiko maggo etassa nibbānassa sacchikiriyāya , seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi .

Ayaṃ kho , āvuso , maggo ayaṃ paṭipadā etassa nibbānassa sacchikiriyāyā ’’ ti .

‘‘ Bhaddako , āvuso , maggo bhaddikā paṭipadā etassa nibbānassa sacchikiriyāya .

Alañca panāvuso sāriputta , appamādāyā ’’ ti .

Paṭhamaṃ .

2. Arahattapañhāsuttaṃ

315.‘‘‘ Arahattaṃ , arahattan ’ ti , āvuso sāriputta , vuccati .

Katamaṃ nuT4.311 kho , āvusoV2.247 , arahattan ’’ ti ?

‘‘ Yo kho , āvuso , rāgakkhayo dosakkhayo mohakkhayo – idaṃ vuccati arahattan ’’ ti .

‘‘ Atthi panāvuso , maggo atthi paṭipadā etassa arahattassa sacchikiriyāyā ’’ ti ?

‘‘ Atthi kho , āvuso , maggo atthi paṭipadā etassa arahattassa sacchikiriyāyā ’’ ti .

‘‘ KatamoM2.448 panāvuso , maggo katamā paṭipadā etassa arahattassa sacchikiriyāyā ’’ ti ?

‘‘ Ayameva kho , āvuso , ariyo aṭṭhaṅgiko maggo etassa arahattassa sacchikiriyāya , seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi .

Ayaṃ kho āvuso , maggo , ayaṃ paṭipadā etassa arahattassa sacchikiriyāyā ’’ ti .

‘‘ Bhaddako , āvuso , maggo bhaddikā paṭipadā etassa arahattassa sacchikiriyāya .

Alañca panāvuso sāriputta , appamādāyā ’’ ti .

Dutiyaṃ .

3. Dhammavādīpañhāsuttaṃ

316.‘‘ Ke nu kho , āvuso sāriputta , loke dhammavādino , ke loke suppaṭipannā , ke loke sugatā ’’ ti ?

‘‘ Ye kho , āvuso , rāgappahānāya dhammaṃ desenti , dosappahānāyaP4.253 dhammaṃ desenti , mohappahānāya dhammaṃ desenti , te loke dhammavādino .

Ye kho , āvuso , rāgassa pahānāya paṭipannā , dosassa pahānāya paṭipannā , mohassa pahānāya paṭipannā , te loke suppaṭipannā .

Yesaṃ kho , āvuso , rāgo pahīno ucchinnamūlo tālāvatthukato anabhāvaṅkato āyatiṃ anuppādadhammo , doso pahīno ucchinnamūlo tālāvatthukato anabhāvaṅkato āyatiṃ anuppādadhammo , moho pahīno ucchinnamūloT4.312 tālāvatthukato anabhāvaṅkato āyatiṃ anuppādadhammo , te loke sugatā ’’ ti .

‘‘ Atthi panāvuso , maggo atthi paṭipadā etassa rāgassa dosassa mohassa pahānāyā ’’ ti ?

‘‘ Atthi kho , āvuso , maggo atthi paṭipadā etassa rāgassa dosassa mohassa pahānāyā ’’ ti .

‘‘ Katamo , panāvuso , maggo katamā paṭipadā etassa rāgassa dosassa mohassa pahānāyā ’’ ti ?

‘‘ Ayameva kho , āvuso , ariyo aṭṭhaṅgiko maggo etassa rāgassa dosassa mohassa pahānāya , seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi .

Ayaṃ kho , āvuso , maggo ayaṃ paṭipadā etassa rāgassa dosassa mohassa pahānāyā ’’ ti .

‘‘ Bhaddako , āvuso , maggoV2.248 bhaddikā paṭipadā , etassa rāgassa dosassa mohassa pahānāya .

Alañca panāvuso sāriputta , appamādāyā ’’ ti .

Tatiyaṃ .

4. Kimatthiyasuttaṃ

317.‘‘ KimatthiyaṃM2.449 , āvuso sāriputta , samaṇe gotame brahmacariyaṃ vussatī ’’ ti ?

‘‘ Dukkhassa kho , āvuso , pariññatthaṃ bhagavati brahmacariyaṃ vussatī ’’ ti .

‘‘ Atthi panāvuso , maggo atthi paṭipadā etassa dukkhassa pariññāyā ’’ ti ?

‘‘ Atthi kho , āvuso , maggo atthi paṭipadā , etassa dukkhassa pariññāyā ’’ ti ?

‘‘ Katamo panāvuso , maggo katamā paṭipadā , etassa dukkhassa pariññāyā ’’ ti ?

‘‘ AyamevaP4.254 kho , āvuso , ariyo aṭṭhaṅgiko maggo , etassa dukkhassa pariññāya , seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi .

Ayaṃ kho , āvuso , maggoT4.313 ayaṃ paṭipadā etassa dukkhassa pariññāyā ’’ ti .

‘‘ Bhaddako , āvuso , maggo bhaddikā paṭipadā , etassa dukkhassa pariññāya .

Alañca panāvuso sāriputta , appamādāyā ’’ ti .

Catutthaṃ .

5. Assāsappattasuttaṃ

318.‘‘‘ Assāsappatto , assāsappatto ’ ti , āvuso sāriputta , vuccati .

Kittāvatā nu kho , āvuso , assāsappatto hotī ’’ ti ?

‘‘ Yato kho , āvuso , bhikkhu channaṃ phassāyatanānaṃ samudayañca atthaṅgamañca assādañca ādīnavañca nissaraṇañca yathābhūtaṃ pajānāti , ettāvatā kho , āvuso , assāsappatto hotī ’’ ti .

‘‘ Atthi panāvuso , maggo atthi paṭipadā , etassa assāsassa sacchikiriyāyā ’’ ti ?

‘‘ Atthi kho , āvuso , maggo atthi paṭipadā , etassa assāsassa sacchikiriyāyā ’’ ti .

‘‘ Katamo panāvuso , maggo katamā paṭipadā , etassa assāsassa sacchikiriyāyā ’’ ti ?

‘‘ Ayameva kho , āvuso , ariyo aṭṭhaṅgiko maggo etassa assāsassa sacchikiriyāya , seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi .

Ayaṃ kho , āvusoV2.249 , maggo ayaṃ paṭipadā , etassa assāsassa sacchikiriyāyā ’’ ti .

‘‘ Bhaddako , āvuso , maggo bhaddikā paṭipadā , etassa assāsassa sacchikiriyāya .

Alañca panāvuso sāriputta , appamādāyā ’’ ti .

Pañcamaṃ .

6. Paramassāsappattasuttaṃ

319.‘‘‘ Paramassāsappatto , paramassāsappatto ’ ti , āvuso sāriputta , vuccati .

Kittāvatā nu kho , āvuso , paramassāsappatto hotī ’’ ti ?

‘‘ YatoM2.450 kho , āvuso , bhikkhu channaṃ phassāyatanānaṃ samudayañcaP4.255 atthaṅgamañca assādañcaT4.314 ādīnavañca nissaraṇañca yathābhūtaṃ viditvā anupādāvimutto hoti , ettāvatā kho , āvuso , paramassāsappatto hotī ’’ ti .

‘‘ Atthi panāvuso , maggo atthi paṭipadā , etassa paramassāsassa sacchikiriyāyā ’’ ti ?

‘‘ Atthi kho , āvuso , maggo atthi paṭipadā , etassa paramassāsassa sacchikiriyāyā ’’ ti .

‘‘ Katamo pana , āvuso , maggo katamā paṭipadā , etassa paramassāsassa sacchikiriyāyā ’’ ti ?

‘‘ Ayameva kho , āvuso , ariyo aṭṭhaṅgiko maggo etassa paramassāsassa sacchikiriyāya , seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi .

Ayaṃ kho , āvuso , maggo ayaṃ paṭipadā , etassa paramassāsassa sacchikiriyāyā ’’ ti .

‘‘ Bhaddako , āvuso , maggo bhaddikā paṭipadā , etassa paramassāsassa sacchikiriyāya .

Alañca panāvuso sāriputta , appamādāyā ’’ ti .

Chaṭṭhaṃ .

7. Vedanāpañhāsuttaṃ

320.‘‘‘ Vedanā , vedanā ’ ti , āvuso sāriputta , vuccati .

Katamā nu kho , āvuso , vedanā ’’ ti ?

‘‘ Tisso imāvuso , vedanā .

Katamā tisso ?

Sukhā vedanā , dukkhā vedanā , adukkhamasukhā vedanā – imā kho , āvuso , tisso vedanā ’’ ti .

‘‘ Atthi panāvuso , maggo atthi paṭipadā , etāsaṃ tissannaṃ vedanānaṃ pariññāyā ’’ ti ?

‘‘ Atthi kho , āvuso , maggo atthi paṭipadā , etāsaṃ tissannaṃ vedanānaṃ pariññāyā ’’ ti .

‘‘ Katamo panāvuso , maggo katamā paṭipadā , etāsaṃ tissannaṃ vedanānaṃ pariññāyā ’’ ti ?

‘‘ Ayameva kho , āvuso , ariyo aṭṭhaṅgikoT4.315 maggo , etāsaṃ tissannaṃ vedanānaṃ pariññāya , seyyathidaṃ – sammādiṭṭhi sammāsaṅkappoV2.250 sammāvācā sammākammanto sammāājīvo sammāvāyāmo sammāsati sammāsamādhi .

Ayaṃ kho , āvuso , maggo ayaṃ paṭipadā , etāsaṃ tissannaṃ vedanānaṃ pariññāyā ’’ ti .

‘‘ Bhaddako , āvuso , maggo bhaddikā paṭipadā , etāsaṃ tissannaṃ vedanānaṃ pariññāya .

Alañca panāvuso sāriputta , appamādāyā ’’ ti .

Sattamaṃ .

8. Āsavapañhāsuttaṃ

321.‘‘‘ ĀsavoP4.256 , āsavo ’ ti , āvuso sāriputta , vuccati .

Katamo nu kho , āvuso , āsavo ’’ ti ?

‘‘ Tayo me , āvuso , āsavāM2.451 .

Kāmāsavo , bhavāsavo , avijjāsavo – ime kho , āvuso , tayo āsavā ’’ ti .

‘‘ Atthi panāvuso , maggo atthi paṭipadā etesaṃ āsavānaṃ pahānāyā ’’ ti ?

‘‘ Atthi kho , āvuso , maggo atthi paṭipadā etesaṃ āsavānaṃ pahānāyā ’’ ti .

‘‘ Katamo panāvuso , maggo katamā paṭipadā etesaṃ āsavānaṃ pahānāyā ’’ ti ?

‘‘ Ayameva kho , āvuso , ariyo aṭṭhaṅgiko maggo etesaṃ āsavānaṃ pahānāya , seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi .

Ayaṃ kho , āvuso , maggo ayaṃ paṭipadā , etesaṃ āsavānaṃ pahānāyā ’’ ti .

‘‘ Bhaddako , āvuso , maggo bhaddikā paṭipadā , etesaṃ āsavānaṃ pahānāya .

Alañca panāvuso sāriputta , appamādāyā ’’ ti .

Aṭṭhamaṃ .

9. Avijjāpañhāsuttaṃ

322.‘‘‘ Avijjā , avijjā ’ ti , āvuso sāriputta , vuccati .

Katamā nu kho , āvuso , avijjā ’’ ti ?

‘‘ Yaṃ kho , āvuso , dukkhe aññāṇaṃ , dukkhasamudaye aññāṇaṃ , dukkhanirodhe aññāṇaṃ , dukkhanirodhagāminiyā paṭipadāyaT4.316 aññāṇaṃ – ayaṃ vuccatāvuso , avijjā ’’ ti .

‘‘ Atthi panāvuso , maggo atthi paṭipadā , etissā avijjāya pahānāyā ’’ ti ?

‘‘ Atthi kho , āvuso , maggo atthi paṭipadā , etissā avijjāya pahānāyā ’’ ti .

‘‘ Katamo panāvuso , maggo katamā paṭipadā , etissā avijjāya pahānāyā ’’ ti ?

‘‘ Ayameva kho , āvuso , ariyo aṭṭhaṅgiko maggo , etissā avijjāya pahānāya , seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmoV2.251 sammāsati sammāsamādhi .

Ayaṃ kho , āvuso , maggo ayaṃ paṭipadā , etissā avijjāya pahānāyā ’’ ti .

‘‘ Bhaddako , āvuso , maggo bhaddikā paṭipadā , etissā avijjāyaP4.257 pahānāya .

Alañca panāvuso sāriputta , appamādāyā ’’ ti .

Navamaṃ .

10. Taṇhāpañhāsuttaṃ

323.‘‘‘ Taṇhā , taṇhā ’ ti , āvuso sāriputta , vuccati .

Katamā nu kho , āvuso , taṇhā ’’ ti ?

‘‘ Tisso imā , āvuso , taṇhā .

Kāmataṇhā , bhavataṇhā , vibhavataṇhā – imā kho , āvuso , tisso taṇhā ’’ ti .

‘‘ Atthi panāvuso , maggo atthi paṭipadā , etāsaṃ taṇhānaṃ pahānāyā ’’ ti ?

‘‘ Atthi kho , āvuso , maggo atthi paṭipadā , etāsaṃ taṇhānaṃ pahānāyā ’’ ti .

‘‘ KatamoM2.452 panāvuso , maggo katamā paṭipadā , etāsaṃ taṇhānaṃ pahānāyā ’’ ti ?

‘‘ Ayameva kho , āvuso , ariyo aṭṭhaṅgiko maggo , etāsaṃ taṇhānaṃ pahānāya , seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi .

Ayaṃ kho , āvuso , maggo ayaṃ paṭipadā , etāsaṃ taṇhānaṃ pahānāyā ’’ ti .

‘‘ Bhaddako , āvuso , maggo bhaddikā paṭipadāT4.317 , etāsaṃ taṇhānaṃ pahānāya .

Alañca panāvuso sāriputta , appamādāyā ’’ ti .

Dasamaṃ .

11. Oghapañhāsuttaṃ

324.‘‘‘ Ogho , ogho ’ ti , āvuso sāriputta , vuccati .

Katamo nu kho , āvuso , ogho ’’ ti ?

‘‘ Cattārome , āvuso , oghā .

Kāmogho , bhavogho , diṭṭhogho , avijjogho – ime kho , āvuso , cattāro oghā ’’ ti .

‘‘ Atthi panāvuso , maggo atthi paṭipadā , etesaṃ oghānaṃ pahānāyā ’’ ti ?

‘‘ Atthi kho , āvuso , maggo atthi paṭipadā , etesaṃ oghānaṃ pahānāyā ’’ ti .

‘‘ Katamo panāvuso , maggo katamā paṭipadā , etesaṃ oghānaṃ pahānāyā ’’ ti ?

‘‘ Ayameva kho , āvuso , ariyo aṭṭhaṅgiko maggo , etesaṃ oghānaṃ pahānāya , seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhiP4.258 .

Ayaṃ kho , āvuso , maggo ayaṃ paṭipadā , etesaṃ oghānaṃ pahānāyā ’’ ti .

‘‘ BhaddakoV2.252 , āvuso , maggo bhaddikā paṭipadā , etesaṃ oghānaṃ pahānāya .

Alañca panāvuso sāriputta , appamādāyā ’’ ti .

Ekādasamaṃ .

12. Upādānapañhāsuttaṃ

325.‘‘‘ Upādānaṃ , upādānan ’ ti , āvuso sāriputta , vuccati .

Katamaṃ nu kho , āvuso , upādānan ’’ ti ?

‘‘ Cattārimāni , āvuso , upādānāni .

Kāmupādānaṃ , diṭṭhupādānaṃ sīlabbatupādānaṃ , attavādupādānaṃ – imāni kho , āvuso , cattāri upādānānī ’’ ti .

‘‘ Atthi panāvuso , maggo atthi paṭipadā , etesaṃ upādānānaṃ pahānāyā ’’ ti ?

‘‘ Atthi kho , āvuso , maggo atthi paṭipadā , etesaṃ upādānānaṃ pahānāyā ’’ tiT4.318 .

‘‘ Katamo panāvuso , maggo katamā paṭipadā , etesaṃ upādānānaṃ pahānāyā ’’ ti ?

‘‘ Ayameva kho , āvuso , ariyo aṭṭhaṅgiko maggo , etesaṃ upādānānaṃ pahānāya , seyyathidaṃM2.453 – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi .

Ayaṃ kho , āvuso , maggo ayaṃ paṭipadā , etesaṃ upādānānaṃ pahānāyā ’’ ti .

‘‘ Bhaddako , āvuso , maggo bhaddikā paṭipadā , etesaṃ upādānānaṃ pahānāya .

Alañca panāvuso sāriputta , appamādāyā ’’ ti .

Dvādasamaṃ .

13. Bhavapañhāsuttaṃ

326.‘‘‘ Bhavo , bhavo ’ ti , āvuso sāriputta , vuccati .

Katamo nu kho , āvuso , bhavo ’’ ti ?

‘‘ Tayo me , āvuso , bhavā .

Kāmabhavo , rūpabhavo , arūpabhavo – ime kho , āvuso , tayo bhavā ’’ ti .

‘‘ Atthi panāvuso , maggo atthi paṭipadā , etesaṃ bhavānaṃ pariññāyā ’’ ti ?

‘‘ Atthi kho , āvuso , maggo atthi paṭipadā , etesaṃ bhavānaṃ pariññāyā ’’ ti .

‘‘ Katamo , panāvuso , maggo katamā paṭipadā , etesaṃ bhavānaṃ pariññāyā ’’ ti ?

‘‘ AyamevaP4.259 kho , āvuso , ariyo aṭṭhaṅgiko maggo , etesaṃ bhavānaṃ pariññāya , seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi .

Ayaṃ kho , āvuso , maggo ayaṃ paṭipadā , etesaṃ bhavānaṃ pariññāyā ’’ ti .

‘‘ Bhaddako , āvuso , maggo bhaddikā paṭipadā , etesaṃ bhavānaṃ pariññāya .

Alañca panāvuso sāriputta , appamādāyā ’’ ti .

Terasamaṃ .

14. Dukkhapañhāsuttaṃ

327.‘‘‘ DukkhaṃV2.253 , dukkhan ’ ti , āvuso sāriputta , vuccati .

Katamaṃ nu kho , āvuso , dukkhan ’’ ti ?

‘‘ Tisso imā , āvuso , dukkhatā .

Dukkhadukkhatā , saṅkhāradukkhatāT4.319 , vipariṇāmadukkhatā – imā kho , āvuso , tisso dukkhatā ’’ ti .

‘‘ Atthi panāvuso maggo atthi paṭipadā , etāsaṃ dukkhatānaṃ pariññāyā ’’ ti ?

‘‘ Atthi kho , āvuso , maggo atthi paṭipadā , etāsaṃ dukkhatānaṃ pariññāyā ’’ ti .

‘‘ Katamo panāvuso , maggo katamā paṭipadā , etāsaṃ dukkhatānaṃ pariññāyā ’’ ti ?

‘‘ Ayameva kho , āvuso , ariyo aṭṭhaṅgiko maggo , etāsaṃ dukkhatānaṃ pariññāya , seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi .

Ayaṃ kho , āvuso , maggo ayaṃ paṭipadā , etāsaṃ dukkhatānaṃ pariññāyā ’’ ti .

‘‘ Bhaddako , āvuso , maggo bhaddikā paṭipadā , etāsaṃ dukkhatānaṃ pariññāya .

Alañca panāvuso sāriputta , appamādāyā ’’ ti .

Cuddasamaṃ .

15. Sakkāyapañhāsuttaṃ

328.‘‘‘ SakkāyoM2.454 , sakkāyo ’ ti , āvuso sāriputta , vuccati .

Katamo nu kho , āvuso , sakkāyo ’’ ti ?

‘‘ Pañcime , āvuso , upādānakkhandhā sakkāyo vutto bhagavatā , seyyathidaṃ – rūpupādānakkhandho , vedanupādānakkhandho , saññupādānakkhandho , saṅkhārupādānakkhandho , viññāṇupādānakkhandhoP4.260 .

Ime kho , āvuso , pañcupādānakkhandhā sakkāyo vutto bhagavatā ’’ ti .

‘‘ Atthi panāvuso , maggo atthi paṭipadā , etassa sakkāyassa pariññāyā ’’ ti ?

‘‘ Atthi kho , āvuso , maggo atthi paṭipadā , etassa sakkāyassa pariññāyā ’’ ti .

‘‘ Katamo panāvuso , maggo katamā paṭipadā , etassa sakkāyassa pariññāyā ’’ ti ?

‘‘ Ayameva kho , āvuso , ariyo aṭṭhaṅgiko maggo , etassa sakkāyassa pariññāyaT4.320 , seyyathidaṃ – sammādiṭṭhi sammāsaṅkappo sammāvācā sammākammanto sammāājīvo sammāvāyāmo sammāsati sammāsamādhi .

Ayaṃ kho , āvuso , maggo ayaṃ paṭipadā , etassa sakkāyassa pariññāyā ’’ ti .

‘‘ Bhaddako , āvuso , maggo bhaddikā paṭipadā , etassa sakkāyassa pariññāya .

Alañca panāvuso sāriputta , appamādāyā ’’ ti .

Pannarasamaṃ .

16. Dukkarapañhāsuttaṃ

329.‘‘ KiṃV2.254 nu kho , āvuso sāriputta , imasmiṃ dhammavinaye dukkaran ’’ ti ?

‘‘ Pabbajjā kho , āvuso , imasmiṃ dhammavinaye dukkarā ’’ ti .

‘‘ Pabbajitena panāvuso , kiṃ dukkaran ’’ ti ?

‘‘ Pabbajitena kho , āvuso , abhirati dukkarā ’’ ti .

‘‘ Abhiratena panāvuso , kiṃ dukkaran ’’ ti ?

‘‘ Abhiratena kho , āvuso , dhammānudhammappaṭipatti dukkarā ’’ ti .

‘‘ Kīvaciraṃ panāvuso , dhammānudhammappaṭipanno bhikkhu arahaṃ assā ’’ ti ?

‘‘ Naciraṃ , āvuso ’’ ti .

Soḷasamaṃ .

Jambukhādakasaṃyuttaṃ samattaṃ .

Tassuddānaṃ –

Nibbānaṃ arahattañca , dhammavādīP4.261 kimatthiyaṃ ;

Assāso paramassāso , vedanā āsavāvijjā ;

Taṇhā oghā upādānaṃ , bhavo dukkhañca sakkāyo .

Imasmiṃ dhammavinaye dukkaranti .

Issues

Select Version

Saḷāyatanavaggo

Saḷāyatanavaggo