5. Dutiyadārukkhandhopamasuttaṃ
242. Ekaṃ
V2.184 samayaṃ bhagavā kimilāyaṃ [ kimbilāyaṃ ( sī . pī .), kimmilāyaṃ ( syā . kaṃ .)] viharati gaṅgāya nadiyā tīre .Addasā kho bhagavā mahantaṃ dārukkhandhaṃ gaṅgāya nadiyā sotena vuyhamānaṃ .
Disvāna bhikkhū āmantesi –
‘‘ passatha no tumhe , bhikkhave , amuṃ mahantaṃ
P4.182 dārukkhandhaṃ gaṅgāya nadiyā sotena vuyhamānan ’’ ti ?‘‘ Evaṃ bhante ’’… pe … evaṃ vutte , āyasmā kimilo bhagavantaṃ etadavoca – kiṃ nu kho , bhante , orimaṃ tīraṃ … pe … katamo ca , kimila , antopūtibhāvo .
Idha , kimila , bhikkhu aññataraṃ saṃkiliṭṭhaṃ āpattiṃ
T4.227 āpanno hoti yathārūpāya āpattiyā na vuṭṭhānaṃ paññāyati .Ayaṃ vuccati , kimila , antopūtibhāvoti .
Pañcamaṃ .