7. Godattasuttaṃ
349. Ekaṃ samayaṃ āyasmā godatto macchikāsaṇḍe viharati ambāṭakavane .
Atha
P4.296 kho citto gahapati yenāyasmā godatto tenupasaṅkami ;upasaṅkamitvā āyasmantaṃ godattaṃ abhivādetvā ekamantaṃ nisīdi .
Ekamantaṃ nisinnaṃ kho cittaṃ gahapatiṃ āyasmā godatto etadavoca –
‘‘ yā cāyaṃ , gahapati , appamāṇā cetovimutti , yā ca ākiñcaññā cetovimutti , yā ca suññatā cetovimutti , yā ca animittā cetovimutti , ime dhammā nānatthā nānābyañjanā udāhu ekatthā byañjanameva nānan ’’ ti ?
‘‘ Atthi , bhante , pariyāyo yaṃ pariyāyaṃ āgamma ime dhammā nānatthā ceva nānābyañjanā ca .
Atthi pana , bhante , pariyāyo yaṃ pariyāyaṃ āgamma ime dhammā ekatthā byañjanameva nānan ’’ ti .
‘‘ Katamo ca , bhante , pariyāyo yaṃ pariyāyaṃ āgamma ime dhammā nānatthā ceva nānābyañjanā ca ?
Idha , bhante , bhikkhu mettāsahagatena cetasā ekaṃ disaṃ pharitvā viharati , tathā
V2.287 dutiyaṃ , tathā tatiyaṃ , tathā catutthaṃ [ catutthiṃ (?)].Iti uddhamadho tiriyaṃ sabbadhi sabbattatāya
T4.365 sabbāvantaṃ lokaṃM2.486 mettāsahagatena cetasā vipulena mahaggatena appamāṇena averena abyāpajjena [ abyāpajjhena ( sī . syā . kaṃ . pī .), abyābajjhena (?)] pharitvā viharati .Karuṇāsahagatena cetasā … pe … muditāsahagatena cetasā … pe … upekkhāsahagatena cetasā ekaṃ disaṃ pharitvā viharati , tathā dutiyaṃ , tathā tatiyaṃ , tathā catutthaṃ .
Iti uddhamadho tiriyaṃ sabbadhi sabbattatāya sabbāvantaṃ lokaṃ upekkhāsahagatena cetasā vipulena mahaggatena appamāṇena averena abyāpajjena pharitvā viharati .
Ayaṃ vuccati , bhante , appamāṇā cetovimutti .
‘‘ Katamā ca , bhante , ākiñcaññā cetovimutti ?
Idha , bhante , bhikkhu sabbaso viññāṇañcāyatanaṃ samatikkamma ,‘ natthi kiñcī ’ ti ākiñcaññāyatanaṃ upasampajja viharati .
Ayaṃ vuccati , bhante , ākiñcaññā cetovimutti .
‘‘ Katamā ca , bhante , suññatā cetovimutti ?
Idha , bhante , bhikkhu araññagato vā rukkhamūlagato vā suññāgāragato vā iti paṭisañcikkhati –
‘ suññamidaṃ attena vā
P4.297 attaniyena vā ’ ti .Ayaṃ vuccati , bhante , suññatā cetovimutti .
‘‘ Katamā ca , bhante , animittā cetovimutti ?
Idha , bhante , bhikkhu sabbanimittānaṃ amanasikārā animittaṃ cetosamādhiṃ upasampajja viharati .
Ayaṃ vuccati , bhante , animittā cetovimutti .
Ayaṃ kho , bhante , pariyāyo yaṃ pariyāyaṃ āgamma ime dhammā nānatthā ceva
T4.366 nānābyañjanā ca .‘‘ Katamo ca , bhante , pariyāyo yaṃ pariyāyaṃ āgamma ime dhammā ekatthā byañjanameva nānaṃ ?
Rāgo , bhante , pamāṇakaraṇo , doso pamāṇakaraṇo , moho pamāṇakaraṇo .
Te khīṇāsavassa bhikkhuno pahīnā ucchinnamūlā tālāvatthukatā anabhāvaṅkatā āyatiṃ anuppādadhammā .
Yāvatā kho , bhante , appamāṇā cetovimuttiyo , akuppā tāsaṃ cetovimutti aggamakkhāyati .
Sā kho pana akuppā cetovimutti suññā rāgena , suññā dosena , suññā mohena .
Rāgo kho , bhante , kiñcanaṃ , doso kiñcanaṃ , moho kiñcanaṃ .
Te khīṇāsavassa bhikkhuno pahīnā ucchinnamūlā tālāvatthukatā anabhāvaṅkatā āyatiṃ anuppādadhammā .
Yāvatā kho
V2.288 , bhante , ākiñcaññā cetovimuttiyo , akuppā tāsaṃ cetovimutti aggamakkhāyati .Sā kho
M2.487 pana akuppā cetovimutti suññā rāgena , suññā dosena , suññā mohena .Rāgo kho , bhante , nimittakaraṇo , doso nimittakaraṇo , moho nimittakaraṇo .
Te khīṇāsavassa bhikkhuno pahīnā ucchinnamūlā tālāvatthukatā anabhāvaṅkatā āyatiṃ anuppādadhammā .
Yāvatā kho , bhante , animittā cetovimuttiyo , akuppā tāsaṃ cetovimutti aggamakkhāyati .
Sā kho pana akuppā cetovimutti suññā rāgena , suññā dosena , suññā mohena .
Ayaṃ kho , bhante , pariyāyo yaṃ pariyāyaṃ āgamma
T4.367 ime dhammā ekatthā byañjanameva nānan ’’ ti .‘‘ Lābhā te , gahapati , suladdhaṃ te , gahapati !
Yassa te gambhīre buddhavacane paññācakkhu kamatī ’’ ti .
Sattamaṃ .