11. Bhadrakasuttaṃ

Author： _System_Pali_VRI_ @ Administrator

11. Bhadrakasuttaṃ

363. Ekaṃ samayaṃ bhagavā mallesu viharati uruvelakappaṃ nāma mallānaṃ nigamo .

Atha kho bhadrako gāmaṇi yena bhagavā tenupasaṅkami ;

upasaṅkamitvā bhagavantaṃ abhivādetvā ekamantaṃ nisīdi .

Ekamantaṃ nisinno kho bhadrako gāmaṇi bhagavantaṃ etadavoca –

‘‘ sādhu me , bhante , bhagavā dukkhassa samudayañca atthaṅgamañca desetū ’’ ti .

‘‘ Ahañce [ ahañca ( syā . kaṃ . ka .)] te , gāmaṇi , atītamaddhānaṃ ārabbhaM2.511 dukkhassa samudayañca atthaṅgamañca deseyyaṃ –

‘ evaṃ ahosi atītamaddhānan ’ ti , tatra te siyā kaṅkhā , siyā vimati .

Ahaṃ ce [ ahañca ( syā . kaṃ . ka .)] te , gāmaṇi , anāgatamaddhānaṃ ārabbha dukkhassa samudayañca atthaṅgamañca deseyyaṃ –

‘ evaṃ bhavissati anāgatamaddhānan ’ ti , tatrāpi te siyā kaṅkhā , siyā vimati .

Api cāhaṃ , gāmaṇi , idheva nisinnoV2.312 ettheva te nisinnassa dukkhassa samudayañca atthaṅgamañca desessāmi .

Taṃ suṇāhiT4.404 , sādhukaṃ manasi karohi ;

bhāsissāmī ’’ ti .

‘‘ Evaṃ , bhante ’’ ti kho bhadrako gāmaṇi bhagavato paccassosi .

Bhagavā etadavoca –

‘‘ Taṃ kiṃ maññasi , gāmaṇi , atthi te uruvelakappe manussā yesaṃ te vadhena vā bandhena vā jāniyā vā garahāya vā uppajjeyyuṃ sokaparidevadukkhadomanassupāyāsā ’’ ti ?

‘‘ Atthi me , bhante , uruvelakappe manussā yesaṃ me vadhena vā bandhena vā jāniyā vā garahāya vā uppajjeyyuṃ sokaparidevadukkhadomanassupāyāsā ’’ ti .

‘‘ Atthi pana te , gāmaṇi , uruvelakappe manussā yesaṃ teP4.328 vadhena vā bandhena vā jāniyā vā garahāya vā nuppajjeyyuṃ sokaparidevadukkhadomanassupāyāsā ’’ ti ?

‘‘ Atthi me , bhante , uruvelakappe manussā yesaṃ me vadhena vā bandhena vā jāniyā vā garahāya vā nuppajjeyyuṃ sokaparidevadukkhadomanassupāyāsā ’’ ti .

‘‘ Ko nu kho , gāmaṇi , hetu , ko paccayo yena te ekaccānaṃ uruvelakappiyānaṃ manussānaṃ vadhena vā bandhena vā jāniyā vā garahāya vā uppajjeyyuṃ sokaparidevadukkhadomanassupāyāsā ’’ ti ?

‘‘ Yesaṃ me , bhante , uruvelakappiyānaṃ manussānaṃ vadhena vā bandhena vā jāniyā vā garahāya vā uppajjeyyuṃ sokaparidevadukkhadomanassupāyāsā , atthi me tesu chandarāgoT4.405 .

Yesaṃ pana , bhante , uruvelakappiyānaṃ manussānaṃ vadhena vā bandhena vā jāniyā vā garahāya vā nuppajjeyyuṃ sokaparidevadukkhadomanassupāyāsā , natthi me tesu chandarāgo ’’ ti .

‘‘ Iminā tvaṃ , gāmaṇi , dhammena diṭṭhena viditena akālikena pattena pariyogāḷhena atītānāgate nayaṃ nehi –

‘ yaṃ kho kiñci atītamaddhānaṃ dukkhaṃ uppajjamānaṃ uppajji [ uppajjati ( sabbattha )] sabbaṃ taṃ chandamūlakaṃ chandanidānaṃ .

Chando hi mūlaṃ dukkhassa .

Yampi hi kiñci anāgatamaddhānaṃ dukkhaṃ uppajjamānaṃ uppajjissati , sabbaṃ taṃ chandamūlakaṃ chandanidānaṃ .

Chando hi mūlaṃ dukkhassā ’’’ tiM2.512 .

‘‘ Acchariyaṃ , bhante , abbhutaṃ , bhante !

Yāva subhāsitaṃ cidaṃ [ subhāsitamidaṃ ( sī . pī .)], bhante , bhagavatā [ yaṅkiñci atītamaddhānaṃ dukkhaṃ uppajjamānaṃ uppajjati , sabbantaṃ chandamūlakaṃ chandanidānaṃ , chando hi mūlaṃ dukkhassāti , yaṅkiñci anāgatamaddhānaṃ dukkhaṃ uppajjamānaṃ uppajjissati sabbantaṃ chandamūlakaṃ chandanidānaṃ , chando hi mūlaṃ dukkhassā ’’ ti ( syā . kaṃ .)]–

‘ yaṃ kiñci dukkhaṃ uppajjamānaṃP4.329 uppajjati , sabbaṃ taṃ chandamūlakaṃ chandanidānaṃ .

Chando hi mūlaṃ dukkhassā ’ ti .[‘‘ yaṅkiñci atītamaddhānaṃ dukkhaṃ uppajjamānaṃ uppajjati , sabbantaṃ chandamūlakaṃ chandanidānaṃ , chando hi mūlaṃ dūkkhassāti , yaṅkiñci anāgatamaddhānaṃ dukkhaṃ uppajjamānaṃ uppajjissati , sabbantaṃ chandamūlakaṃ chandanidānaṃ , chando hi mūlaṃ dukkhassā ’’ ti ( syā . kaṃ )] Atthi me , bhante , ciravāsī nāma kumāro bahi āvasathe [ āvesane (?)] paṭivasati .

So khvāhaṃ , bhante , kālasseva vuṭṭhāya purisaṃ uyyojemi [ uyyojesiṃ ( ka .)]–

‘ gaccha , bhaṇe , ciravāsiṃ kumāraṃ jānāhī ’ ti .

Yāvakīvañca , bhante , so puriso nāgacchati , tassa me hoteva aññathattaṃ –

‘ mā heva ciravāsissa kumārassa kiñci ābādhayitthā ’’’ ti [ ābādhayethāti ( syā . kaṃ . pī . ka .)].

‘‘ TaṃV2.313 kiṃ maññasi , gāmaṇi , ciravāsissa kumārassa vadhena vā bandhena vā jāniyā vā garahāya vā uppajjeyyuṃ sokaparidevadukkhadomanassupāyāsā ’’ tiT4.406 ?

‘‘ Ciravāsissa me , bhante , kumārassa vadhena vā bandhena vā jāniyā vā garahāya vā jīvitassapi siyā aññathattaṃ , kiṃ pana me nuppajjissanti sokaparidevadukkhadomanassupāyāsā ’’ ti .

‘‘ Imināpi kho etaṃ , gāmaṇi , pariyāyena veditabbaṃ –

‘ yaṃ kiñci dukkhaṃ uppajjamānaṃ uppajjati , sabbaṃ taṃ chandamūlakaṃ chandanidānaṃ .

Chando hi mūlaṃ dukkhassā ’’’ ti .

‘‘ Taṃ kiṃ maññasi , gāmaṇi , yadā te ciravāsimātā [ ciravāsissa mātā ( sī . pī .)] adiṭṭhā ahosi , assutā ahosi , te ciravāsimātuyā chando vā rāgo vā pemaṃ vā ’’ ti ?

‘‘ No hetaṃ , bhante ’’.

‘‘ Dassanaṃ vā te , gāmaṇi , āgamma savanaṃ vā evaṃ te ahosi –

‘ ciravāsimātuyā chando vā rāgo vā pemaṃ vā ’’’ ti ?

‘‘ Evaṃ , bhante ’’.

‘‘ Taṃ kiṃ maññasi , gāmaṇi , ciravāsimātuyā te vadhena vā bandhena vā jāniyā vā garahāya vā uppajjeyyuṃ sokaparidevadukkhadomanassupāyāsā ’’ ti ?

‘‘ CiravāsimātuyāP4.330 me , bhante , vadhena vā bandhena vā jāniyā vā garahāya vā jīvitassapi siyā aññathattaṃ , kiṃ pana me nuppajjissanti sokaparidevadukkhadomanassupāyāsā ’’ ti !

‘‘ Imināpi kho etaṃ , gāmaṇi , pariyāyena veditabbaṃ –

‘ yaṃ kiñci dukkhaṃ uppajjamānaṃ uppajjati , sabbaṃ taṃ chandamūlakaṃ chandanidānaṃ .

Chando hi mūlaṃ dukkhassā ’’’ ti .

Ekādasamaṃ .

Issues

Select Version

Saḷāyatanavaggo

Saḷāyatanavaggo