2. Dutiyamārapāsasuttaṃ
115.‘‘ Santi , bhikkhave , cakkhuviññeyyā rūpā , iṭṭhā kantā manāpā piyarūpā kāmūpasaṃhitā rajanīyā .
Tañce bhikkhu abhinandati abhivadati ajjhosāya tiṭṭhati – ayaṃ vuccati , bhikkhave , bhikkhu baddho cakkhuviññeyyesu rūpesu , āvāsagato mārassa , mārassa vasaṃ gato , paṭimukkassa mārapāso .
Baddho so mārabandhanena yathākāmakaraṇīyo pāpimato … pe ….
‘‘ Santi , bhikkhave , jivhāviññeyyā rasā … pe … santi , bhikkhave , manoviññeyyā dhammā , iṭṭhā kantā manāpā piyarūpā kāmūpasaṃhitā rajanīyā .
Tañce bhikkhu abhinandati
M2.313 abhivadatiV2.100 ajjhosāya tiṭṭhati – ayaṃ vuccati , bhikkhave , bhikkhu baddho manoviññeyyesu dhammesu , āvāsagato mārassa , mārassa vasaṃ gato , paṭimukkassa mārapāso .Baddho so mārabandhanena yathākāmakaraṇīyo pāpimato … pe ….
‘‘ Santi ca kho , bhikkhave , cakkhuviññeyyā rūpā , iṭṭhā kantā manāpā piyarūpā kāmūpasaṃhitā rajanīyā .
Tañce bhikkhu nābhinandati nābhivadati nājjhosāya tiṭṭhati – ayaṃ vuccati , bhikkhave
T4.116 , bhikkhu mutto cakkhuviññeyyehi rūpehi , nāvāsagato mārassa , na mārassa vasaṃ gato , ummukkassa mārapāso .Mutto so mārabandhanena na yathākāmakaraṇīyo pāpimato … pe ….
‘‘ Santi , bhikkhave , jivhāviññeyyā rasā … pe … santi , bhikkhave , manoviññeyyā dhammā , iṭṭhā kantā manāpā piyarūpā kāmūpasaṃhitā rajanīyā .
Tañce
P4.93 bhikkhu nābhinandati nābhivadati nājjhosāya tiṭṭhati – ayaṃ vuccati , bhikkhave , bhikkhu mutto manoviññeyyehi dhammehi , nāvāsagato mārassa , na mārassa vasaṃ gato , ummukkassa mārapāso .Mutto so mārabandhanena na yathākāmakaraṇīyo pāpimato ’’ ti .
Dutiyaṃ .