37. Ajjhattātītayadaniccasuttaṃ
204.‘‘ Cakkhu , bhikkhave , aniccaṃ atītaṃ .
Yadaniccaṃ , taṃ
P4.153 dukkhaṃ .Yaṃ dukkhaṃ , tadanattā .
Yadanattā , taṃ ‘ netaṃ mama , nesohamasmi , na meso attā ’ ti evametaṃ yathābhūtaṃ sammappaññāya daṭṭhabbaṃ … pe … jivhā aniccā atītā .
Yadaniccaṃ , taṃ dukkhaṃ .
Yaṃ dukkhaṃ , tadanattā .
Yadanattā , taṃ ‘ netaṃ mama , nesohamasmi , na meso attā ’ ti evametaṃ yathābhūtaṃ sammappaññāya daṭṭhabbaṃ … pe … mano anicco atīto .
Yadaniccaṃ , taṃ dukkhaṃ .
Yaṃ dukkhaṃ , tadanattā .
Yadanattā , taṃ ‘ netaṃ mama , nesohamasmi
T4.192 , na meso attā ’ ti evametaṃ yathābhūtaṃ sammappaññāya daṭṭhabbaṃ .Evaṃ passaṃ … pe … nāparaṃ itthattāyāti pajānātī ’’ ti .