5. Paṭhamakāmabhūsuttaṃ
347. Ekaṃ
T4.359 samayaṃ āyasmā kāmabhū macchikāsaṇḍe viharati ambāṭakavane .Atha kho citto gahapati yenāyasmā kāmabhū tenupasaṅkami ;
upasaṅkamitvā āyasmantaṃ kāmabhuṃ abhivādetvā ekamantaṃ nisīdi
M2.482 .Ekamantaṃ nisinnaṃ kho cittaṃ gahapatiṃ āyasmā kāmabhū etadavoca –
‘‘ Vuttamidaṃ
V2.283 , gahapati –‘‘ Nelaṅgo setapacchādo , ekāro vattatī ratho ;
Anīghaṃ passa āyantaṃ [ appattaṃ ( syā . kaṃ . ka .)], chinnasotaṃ abandhanan ’’ ti .
‘‘ Imassa nu kho , gahapati , saṃkhittena bhāsitassa kathaṃ vitthārena attho daṭṭhabbo ’’ ti ?
‘‘ Kiṃ nu kho etaṃ , bhante , bhagavatā bhāsitan ’’ ti ?
‘‘ Evaṃ , gahapatī ’’ ti .
‘‘ Tena hi , bhante , muhuttaṃ āgamehi yāvassa atthaṃ pekkhāmī ’’ ti .
Atha kho citto gahapati muhuttaṃ tuṇhī hutvā āyasmantaṃ kāmabhuṃ etadavoca –
‘‘‘ Nelaṅgan ’ ti
P4.292 kho , bhante , sīlānametaṃ adhivacanaṃ .‘ Setapacchādo ’ ti kho , bhante , vimuttiyā etaṃ adhivacanaṃ .
‘ Ekāro ’ ti kho , bhante , satiyā etaṃ adhivacanaṃ .
‘ Vattatī ’ ti kho , bhante , abhikkamapaṭikkamassetaṃ adhivacanaṃ .
‘ Ratho ’ ti kho , bhante , imassetaṃ cātumahābhūtikassa kāyassa adhivacanaṃ mātāpettikasambhavassa odanakummāsūpacayassa aniccucchādanaparimaddanabhedanaviddhaṃsanadhammassa .
Rāgo kho , bhante , nīgho , doso nīgho , moho nīgho .
Te khīṇāsavassa bhikkhuno pahīnā ucchinnamūlā tālāvatthukatā anabhāvaṅkatā āyatiṃ anuppādadhammā .
Tasmā khīṇāsavo bhikkhu ‘ anīgho ’ ti vuccati .
‘ Āyantan ’ ti
T4.360 kho , bhante , arahato etaṃ adhivacanaṃ .‘ Soto ’ ti kho , bhante , taṇhāyetaṃ adhivacanaṃ .
Sā khīṇāsavassa bhikkhuno pahīnā ucchinnamūlā tālāvatthukatā anabhāvaṅkatā āyatiṃ anuppādadhammā .
Tasmā khīṇāsavo bhikkhu ‘ chinnasoto ’ ti vuccati .
Rāgo kho , bhante , bandhanaṃ , doso bandhanaṃ , moho bandhanaṃ .
Te khīṇāsavassa bhikkhuno pahīnā ucchinnamūlā tālāvatthukatā anabhāvaṅkatā āyatiṃ anuppādadhammā .
Tasmā khīṇāsavo bhikkhu ‘ abandhano ’ ti vuccati .
Iti kho , bhante , yaṃ taṃ bhagavatā vuttaṃ –
‘‘ Nelaṅgo setapacchādo , ekāro vattatī ratho ;
Anīghaṃ passa āyantaṃ , chinnasotaṃ abandhanan ’’ ti .
‘‘ Imassa
M2.483 kho , bhante , bhagavatā saṃkhittena bhāsitassa evaṃ vitthārena atthaṃ ājānāmī ’’ tiV2.284 .‘‘ Lābhā te , gahapati , suladdhaṃ te , gahapati !
Yassa te gambhīre buddhavacane paññācakkhu kamatī ’’ ti .
Pañcamaṃ .