Abhiññātānaṃ pabbajjā
63. Tena kho pana samayena abhiññātā abhiññātā māgadhikā kulaputtā bhagavati brahmacariyaṃ caranti .
Manussā ujjhāyanti khiyyanti vipācenti – aputtakatāya paṭipanno samaṇo gotamo , vedhabyāya paṭipanno samaṇo gotamo , kulupacchedāya paṭipanno samaṇo gotamo , idāni anena jaṭilasahassaṃ pabbājitaṃ , imāni ca aḍḍhateyyāni paribbājakasatāni sañcayāni [ sañjeyyāni ( sī .), sañjayāni ( syā .)] pabbājitāni .
Ime ca abhiññātā abhiññātā māgadhikā
M0.55 kulaputtā samaṇe gotame brahmacariyaṃ carantīti .Apissu bhikkhū disvā imāya gāthāya codenti –
‘‘ Āgato
T1.79V0.49 kho mahāsamaṇo , māgadhānaṃ giribbajaṃ ;Sabbe sañcaye netvāna [ sañjeyyake netvā ( sī .)], kaṃsu dāni nayissatī ’’ ti .
Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ .
Atha kho te bhikkhū bhagavato etamatthaṃ ārocesuṃ … pe … na , bhikkhave , so saddo ciraṃ bhavissati , sattāhameva bhavissati , sattāhassa accayena antaradhāyissati .
Tena hi , bhikkhave , ye tumhe imāya gāthāya codenti –
‘‘ Āgato kho mahāsamaṇo , māgadhānaṃ giribbajaṃ ;
Sabbe sañcaye netvāna , kaṃsu dāni nayissatī ’’ ti .
Te tumhe imāya gāthāya paṭicodetha –
‘‘ Nayanti ve mahāvīrā , saddhammena tathāgatā ;
Dhammena nayamānānaṃ [ nīyamānānaṃ ( ka .)], kā usūyā [ ussuyā ( ka .)] vijānatan ’’ ti .
Tena kho pana samayena manussā bhikkhū disvā imāya gāthāya codenti –
‘‘ Āgato kho mahāsamaṇo , māgadhānaṃ giribbajaṃ ;
Sabbe sañcaye netvāna , kaṃsu dāni nayissatī ’’ ti .
Bhikkhū te manusse imāya gāthāya paṭicodenti –
‘‘ Nayanti ve mahāvīrā , saddhammena tathāgatā ;
Dhammena nayamānānaṃ , kā usūyā vijānatan ’’ ti .
Manussā
P1.44 dhammena kira samaṇā sakyaputtiyā nentiT1.80 no adhammenāti sattāhameva so saddo ahosi , sattāhassa accayena antaradhāyi .Sāriputtamoggallānapabbajjākathā niṭṭhitā .
Catutthabhāṇavāro niṭṭhito .