156. Gihivikatānuññātādi
256. Tena
P1.194M0.283 kho pana samayena manussānaṃ mañcampi pīṭhampi cammonaddhāni honti , cammavinaddhāni .Bhikkhū kukkuccāyantā nābhinisīdanti .
Bhagavato etamatthaṃ ārocesuṃ .
Anujānāmi , bhikkhave , gihivikataṃ abhinisīdituṃ , na tveva abhinipajjitunti .
Tena kho pana samayena vihārā cammavaddhehi ogumphiyanti [ ogumbhiyanti ( ka .)].
Bhikkhū kukkuccāyantā nābhinisīdanti .
Bhagavato etamatthaṃ ārocesuṃ .
Anujānāmi , bhikkhave , bandhanamattaṃ abhinisīditunti .
Tena kho pana samayena chabbaggiyā bhikkhū saupāhanā gāmaṃ pavisanti .
Manussā ujjhāyanti khiyyanti vipācenti –
‘‘ seyyathāpi gihī kāmabhogino ’’ ti .
Bhagavato etamatthaṃ ārocesuṃ
V0.268 .Na , bhikkhave , saupāhanena
T2.29 gāmo pavisitabbo .Yo paviseyya , āpatti dukkaṭassāti .
Tena kho pana samayena aññataro bhikkhu gilāno hoti , na sakkoti vinā upāhanena gāmaṃ pavisituṃ .
Bhagavato etamatthaṃ ārocesuṃ .
Anujānāmi , bhikkhave , gilānena bhikkhunā saupāhanena gāmaṃ pavisitunti .
Gihivikatānuññātādi niṭṭhitā .