35. Kammārabhaṇḍuvatthu
98. Tena kho pana samayena aññataro kammārabhaṇḍu mātāpitūhi saddhiṃ bhaṇḍitvā ārāmaṃ gantvā bhikkhūsu pabbajito hoti .
Atha kho tassa kammārabhaṇḍussa mātāpitaro taṃ kammārabhaṇḍuṃ vicinantā ārāmaṃ gantvā bhikkhū pucchiṃsu –
‘‘ api , bhante , evarūpaṃ dārakaṃ passeyyāthā ’’ ti ?
Bhikkhū ajānaṃyeva āhaṃsu –
‘‘ na jānāmā ’’ ti , apassaṃyeva āhaṃsu –
‘‘ na passāmā ’’ ti .
Atha kho tassa kammārabhaṇḍussa mātāpitaro taṃ kammārabhaṇḍuṃ vicinantā
P1.77 bhikkhūsu pabbajitaṃ disvā ujjhāyanti khiyyanti vipācenti –‘‘ alajjino ime samaṇā sakyaputtiyā , dussīlā musāvādino .
Jānaṃyeva āhaṃsu –
‘ na jānāmā ’ ti , passaṃyeva āhaṃsu –
‘ na passāmā ’ ti .
Ayaṃ dārako bhikkhūsu
T1.157 pabbajito ’’ ti .Assosuṃ kho bhikkhū tassa kammārabhaṇḍussa mātāpitūnaṃ ujjhāyantānaṃ khiyyantānaṃ vipācentānaṃ .
Atha kho te bhikkhū
V0.97 bhagavato etamatthaṃ ārocesuṃ .Anujānāmi , bhikkhave , saṅghaṃ apaloketuṃ bhaṇḍukammāyāti .
Kammārabhaṇḍuvatthu niṭṭhitaṃ .