96. Vaggāvaggasaññīpannarasakaṃ
173. Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te jānanti ‘‘ atthaññe āvāsikā bhikkhū anāgatā ’’ ti .
Te dhammasaññino vinayasaññino vaggā vaggasaññino uposathaṃ karonti
T1.256 , pātimokkhaṃ uddisanti .Tehi uddissamāne pātimokkhe , athaññe āvāsikā bhikkhū āgacchanti
V0.165 bahutarā .Tehi , bhikkhave , bhikkhūhi puna pātimokkhaṃ uddisitabbaṃ .
Uddesakānaṃ āpatti dukkaṭassa .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te jānanti atthaññe āvāsikā bhikkhū anāgatāti , te dhammasaññino vinayasaññino vaggā samaggasaññino uposathaṃ karonti pātimokkhaṃ uddisanti .
Tehi uddissamāne pātimokkhe , athaññe āvāsikā bhikkhū āgacchanti samasamā
M0.177 .Uddiṭṭhaṃ suuddiṭṭhaṃ , avasesaṃ sotabbaṃ .
Uddesakānaṃ āpatti dukkaṭassa .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te jānanti atthaññe āvāsikā bhikkhū anāgatāti te dhammasaññino vinayasaññino vaggā vaggasaññino uposathaṃ karonti pātimokkhaṃ uddisanti .
Tehi uddissamāne pātimokkhe , athaññe āvāsikā bhikkhū āgacchanti thokatarā .
Uddiṭṭhaṃ suuddiṭṭhaṃ , avasesaṃ sotabbaṃ .
Uddesakānaṃ āpatti dukkaṭassa .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te jānanti ‘‘ atthaññe āvāsikā bhikkhū anāgatā ’’ ti .
Te dhammasaññino vinayasaññino vaggā vaggasaññino uposathaṃ karonti , pātimokkhaṃ uddisanti .
Tehi uddiṭṭhamatte pātimokkhe … pe … avuṭṭhitāya
T1.257 parisāya … pe … ekaccāya vuṭṭhitāya parisāya … pe … sabbāya vuṭṭhitāyaP1.131 parisāya athaññe āvāsikā bhikkhū āgacchanti bahutarā … pe … samasamā … pe … thokatarā .Uddiṭṭhaṃ suuddiṭṭhaṃ , tesaṃ santike pārisuddhi ārocetabbā .
Uddesakānaṃ āpatti dukkaṭassa .
Vaggāvaggasaññipannarasakaṃ niṭṭhitaṃ .