14. Sāriputtamoggallānapabbajjākathā

Author： _System_Pali_VRI_ @ Administrator

No version selected — showing the Pali original by default.

14. Sāriputtamoggallānapabbajjākathā

60. TenaV0.45 kho pana samayena sañcayo [ sañjayo ( sī . syā .)] paribbājako rājagahe paṭivasati mahatiyā paribbājakaparisāya saddhiṃ aḍḍhateyyehi paribbājakasatehi .

Tena kho pana samayena sāriputtamoggallānā sañcaye paribbājake brahmacariyaṃ caranti .

Tehi katikā katā hoti – yo paṭhamaṃ amataṃ adhigacchati , so itarassa ārocetūti .

Atha kho āyasmā assaji pubbaṇhasamayaṃ nivāsetvā pattacīvaramādāya rājagahaṃ piṇḍāya pāvisi pāsādikena abhikkantena paṭikkantena ālokitena vilokitena samiñjitena pasāritena , okkhittacakkhu iriyāpathasampanno .

Addasā kho sāriputto paribbājako āyasmantaṃ assajiṃ rājagahe piṇḍāya carantaṃ pāsādikena abhikkantena paṭikkantena ālokitena vilokitena samiñjitena pasāritena okkhittacakkhuṃ iriyāpathasampannaṃ .

Disvānassa etadahosi –

‘‘ ye vata loke arahanto vā arahattamaggaṃ vā samāpannā , ayaṃ tesaṃ bhikkhu aññataro .

YaṃnūnāhaṃP1.40 imaṃ bhikkhuṃ upasaṅkamitvāM0.51 puccheyyaṃ –

‘ kaṃsi tvaṃ , āvuso , uddissa pabbajito , ko vā te satthā , kassa vā tvaṃ dhammaṃ rocesī ’’’ ti ?

AthaT1.73 kho sāriputtassa paribbājakassa etadahosi –

‘‘ akālo kho imaṃ bhikkhuṃ pucchituṃ , antaragharaṃ paviṭṭho piṇḍāya carati .

Yaṃnūnāhaṃ imaṃ bhikkhuṃ piṭṭhito piṭṭhito anubandheyyaṃ , atthikehi upaññātaṃ maggan ’’ ti .

Atha kho āyasmā assaji rājagahe piṇḍāya caritvā piṇḍapātaṃ ādāya paṭikkami .

Atha kho sāriputtopi paribbājako yenāyasmā assaji tenupasaṅkami , upasaṅkamitvā āyasmatā assajinā saddhiṃ sammodi , sammodanīyaṃ kathaṃ sāraṇīyaṃ vītisāretvā ekamantaṃ aṭṭhāsi .

Ekamantaṃ ṭhito kho sāriputto paribbājako āyasmantaṃ assajiṃ etadavoca –

‘‘ vippasannāni kho te , āvuso , indriyāni , parisuddho chavivaṇṇo pariyodāto .

Kaṃsi tvaṃ , āvuso , uddissa pabbajito , ko vā te satthā , kassa vā tvaṃ dhammaṃ rocesī ’’ ti ?

‘‘ Atthāvuso , mahāsamaṇo sakyaputto sakyakulā pabbajito , tāhaṃ bhagavantaṃ uddissa pabbajito , so ca me bhagavā satthā , tassa cāhaṃ bhagavato dhammaṃ rocemī ’’ ti .

‘‘ Kiṃvādī panāyasmato satthā , kimakkhāyī ’’ ti ?

‘‘ Ahaṃ kho , āvuso , navo acirapabbajito , adhunāgato imaṃ dhammavinayaṃ , na tāhaṃ sakkomi vitthārena dhammaṃ desetuṃ , api ca te saṃkhittena atthaṃ vakkhāmī ’’ ti .

Atha kho sāriputto paribbājako āyasmantaṃ assajiṃ etadavoca –

‘‘ hotu , āvuso –

‘‘ AppaṃT1.74 vā bahuṃ vā bhāsassu , atthaṃyeva me brūhi ;

Attheneva me attho , kiṃ kāhasi byañjanaṃ bahun ’’ ti .

AthaV0.46 kho āyasmā assaji sāriputtassa paribbājakassa imaṃ dhammapariyāyaṃ abhāsi –

[ apa .1.1.286 therāpadānepi ]‘‘ Ye dhammā hetuppabhavā , tesaṃ hetuṃ tathāgato āha ;

Tesañca yo nirodho , evaṃvādī mahāsamaṇo ’’ ti .

Atha kho sāriputtassa paribbājakassa imaṃ dhammapariyāyaṃ sutvā virajaṃ vītamalaṃ dhammacakkhuṃ udapādi –

‘‘ yaṃ kiñci samudayadhammaṃ , sabbaṃ taṃ nirodhadhamman ’’ ti .

[ apa .1.1.289 therāpadānepi ] EsevaM0.52 dhammo yadi tāvadeva , paccabyattha padamasokaṃ ;

Adiṭṭhaṃ abbhatītaṃ , bahukehi kappanahutehīti .

61. Atha kho sāriputto paribbājako yena moggallāno paribbājako tenupasaṅkami .

Addasā kho moggallāno paribbājako sāriputtaṃ paribbājakaṃ dūratova āgacchantaṃ , disvāna sāriputtaṃP1.41 paribbājakaṃ etadavoca –

‘‘ vippasannāni kho te , āvuso , indriyāni , parisuddho chavivaṇṇo pariyodāto .

Kacci nu tvaṃ , āvuso , amataṃ adhigato ’’ ti ?

‘‘ Āmāvuso , amataṃ adhigato ’’ ti .

‘‘ Yathākathaṃ pana tvaṃ , āvuso , amataṃ adhigato ’’ ti ?

‘‘ Idhāhaṃ , āvuso , addasaṃ assajiṃT1.75 bhikkhuṃ rājagahe piṇḍāya carantaṃ pāsādikena abhikkantena paṭikkantena ālokitena vilokitena samiñjitena pasāritena okkhittacakkhuṃ iriyāpathasampannaṃ .

Disvāna me etadahosi –

‘ ye vata loke arahanto vā arahattamaggaṃ vā samāpannā , ayaṃ tesaṃ bhikkhu aññataro .

Yaṃnūnāhaṃ imaṃ bhikkhuṃ upasaṅkamitvā puccheyyaṃ – kaṃsi tvaṃ , āvuso uddissa pabbajito , ko vā te satthā , kassa vā tvaṃ dhammaṃ rocesī ’’’ ti .

Tassa mayhaṃ , āvuso , etadahosi –

‘‘ akālo kho imaṃ bhikkhuṃ pucchituṃ antaragharaṃ paviṭṭho piṇḍāya carati , yaṃnūnāhaṃ imaṃ bhikkhuṃ piṭṭhito piṭṭhito anubandheyyaṃ atthikehi upaññātaṃ maggan ’’ ti .

Atha kho , āvuso , assaji bhikkhu rājagahe piṇḍāya caritvā piṇḍapātaṃ ādāya paṭikkami .

Atha khvāhaṃ , āvuso , yena assaji bhikkhu tenupasaṅkamiṃ , upasaṅkamitvā assajinā bhikkhunā saddhiṃ sammodiṃ , sammodanīyaṃ kathaṃ sāraṇīyaṃ vītisāretvā ekamantaṃ aṭṭhāsiṃ .

Ekamantaṃ ṭhito kho ahaṃ , āvuso , assajiṃ bhikkhuṃ etadavocaṃ –

‘‘ vippasannāni kho te , āvuso , indriyāni , parisuddho chavivaṇṇo pariyodāto .

‘ Kaṃsi tvaṃ , āvuso , uddissa pabbajito , ko vā te satthā , kassa vā tvaṃ dhammaṃ rocesī ’’’ ti ?

‘ Atthāvuso , mahāsamaṇo sakyaputto sakyakulā pabbajito , tāhaṃ bhagavantaṃ uddissaV0.47 pabbajito , so ca me bhagavā satthā , tassa cāhaṃ bhagavato dhammaṃ rocemī ’ ti .

‘ Kiṃvādī panāyasmato satthā kimakkhāyī ’ tiT1.76 .

‘ Ahaṃ kho , āvuso , navo acirapabbajito adhunāgato imaṃ dhammavinayaṃ , na tāhaṃ sakkomi vitthārena dhammaṃ desetuṃ , api ca te saṃkhittena atthaṃ vakkhāmī ’’’ tiM0.53 .

Atha khvāhaṃ , āvuso , assajiṃ bhikkhuṃ etadavocaṃ –

‘‘ hotu , āvuso ,

Appaṃ vā bahuṃ vā bhāsassu , atthaṃyeva me brūhi ;

Attheneva me attho , kiṃ kāhasi byañjanaṃ bahun ’’ ti .

Atha kho , āvuso , assaji bhikkhu imaṃ dhammapariyāyaṃ abhāsi –

‘‘ Ye dhammā hetuppabhavā , tesaṃ hetuṃ tathāgato āha ;

Tesañca yo nirodho , evaṃvādī mahāsamaṇo ’’ ti .

Atha kho moggallānassa paribbājakassa imaṃ dhammapariyāyaṃP1.42 sutvā virajaṃ vītamalaṃ dhammacakkhuṃ udapādi – yaṃ kiñci samudayadhammaṃ , sabbaṃ taṃ nirodhadhammanti .

Eseva dhammo yadi tāvadeva , paccabyattha padamasokaṃ ;

Adiṭṭhaṃ abbhatītaṃ , bahukehi kappanahutehīti .

62. Atha kho moggallāno paribbājako sāriputtaṃ paribbājakaṃ etadavoca ‘‘ gacchāma mayaṃ , āvuso , bhagavato santike , so no bhagavā satthā ’’ ti .

‘‘ Imāni kho , āvuso , aḍḍhateyyāni paribbājakasatāni amhe nissāya amhe sampassantā idha viharanti , tepi tāva apalokema [ apalokāma ( ka )].

Yathā te maññissanti , tathā te karissantī ’’ ti .

Atha kho sāriputtamoggallānā yena te paribbājakā tenupasaṅkamiṃsu , upasaṅkamitvā teT1.77 paribbājake etadavocuṃ –

‘‘ gacchāma mayaṃ , āvuso , bhagavato santike , so no bhagavā satthā ’’ ti .

‘‘ Mayaṃ āyasmante nissāya āyasmante sampassantā idha viharāma , sace āyasmantā mahāsamaṇe brahmacariyaṃ carissanti , sabbeva mayaṃ mahāsamaṇe brahmacariyaṃ carissāmā ’’ ti .

Atha kho sāriputtamoggallānā yena sañcayo paribbājako tenupasaṅkamiṃsu , upasaṅkamitvā sañcayaṃ paribbājakaṃ etadavocuṃ –

‘‘ gacchāma mayaṃ , āvuso , bhagavato santike , so no bhagavā satthā ’’ ti .

‘‘ Alaṃ , āvuso , māV0.48 agamittha , sabbeva tayo imaṃ gaṇaṃ pariharissāmā ’’ ti .

Dutiyampi kho … pe … tatiyampi kho sāriputtamoggallānāM0.54 sañcayaṃ paribbājakaṃ etadavocuṃ –

‘‘ gacchāma mayaṃ , āvuso , bhagavato santike , so no bhagavā satthā ’’ ti .

‘‘ Alaṃ , āvuso , mā agamittha , sabbeva tayo imaṃ gaṇaṃ pariharissāmā ’’ ti .

Atha kho sāriputtamoggallānā tāni aḍḍhateyyāni paribbājakasatāni ādāya yena veḷuvanaṃ tenupasaṅkamiṃsu .

Sañcayassa pana paribbājakassa tattheva uṇhaṃ lohitaṃ mukhato uggañchi .

Addasā kho bhagavā [ bhagavāte ( ka )] sāriputtamoggallāne dūratova āgacchante , disvāna bhikkhū āmantesi –

‘‘ ete , bhikkhave , dve sahāyakā āgacchanti , kolito upatisso ca .

Etaṃ me sāvakayugaṃ bhavissati aggaṃ bhaddayugan ’’ ti .

GambhīreT1.78 ñāṇavisaye , anuttare upadhisaṅkhaye ;

Vimutte appatte veḷuvanaṃ , atha ne satthā byākāsi .

Ete dve sahāyakā , āgacchanti kolito upatisso ca ;

Etaṃ me sāvakayugaṃ , bhavissati aggaṃ bhaddayuganti .

Atha kho sāriputtamoggallānā yena bhagavā tenupasaṅkamiṃsuP1.43 , upasaṅkamitvā

Bhagavato pādesu sirasā nipatitvā bhagavantaṃ etadavocuṃ –

‘‘ labheyyāma mayaṃ , bhante , bhagavato santike pabbajjaṃ , labheyyāma upasampadan ’’ ti .

‘‘ Etha bhikkhavo ’’ ti bhagavā avoca –

‘‘ svākkhāto dhammo , caratha brahmacariyaṃ sammā dukkhassa antakiriyāyā ’’ ti .

Sāva tesaṃ āyasmantānaṃ upasampadā ahosi .

Issues

Select Version

Mahāvaggapāḷi

Mahāvaggapāḷi