132. Bhedapurekkhārapannarasakaṃ
226. Idha pana , bhikkhave , aññatarasmiṃ āvāse tadahu pavāraṇāya
P1.167 sambahulā āvāsikā bhikkhū sannipatanti , pañca vā atirekā vā .Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ nassantete , vinassantete , ko tehi attho ’’ ti bhedapurekkhārā pavārenti .
Tehi pavāriyamāne athaññe āvāsikā bhikkhū āgacchanti bahutarā
T1.334 .Tehi , bhikkhave , bhikkhūhi puna pavāretabbaṃ .
Pavāritānaṃ āpatti thullaccayassa .
Idha pana , bhikkhave , aññatarasmiṃ āvāse tadahu pavāraṇāya sambahulā āvāsikā bhikkhū sannipatanti , pañca vā atirekā vā .
Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ nassantete , vinassantete , ko tehi attho ’’ ti bhedapurekkhārā pavārenti .
Tehi pavāriyamāne athaññe āvāsikā bhikkhū āgacchanti samasamā .
Pavāritā suppavāritā , avasesehi pavāretabbaṃ .
Pavāritānaṃ āpatti thullaccayassa .
Idha pana , bhikkhave , aññatarasmiṃ āvāse tadahu pavāraṇāya sambahulā āvāsikā bhikkhū sannipatanti , pañca vā atirekā vā .
Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ nassantete , vinassantete
M0.241 , ko tehi attho ’’ ti – bhedapurekkhārā pavārenti .Tehi pavāriyamāne athaññe āvāsikā bhikkhū āgacchanti thokatarā .
Pavāritā suppavāritā , avasesehi pavāretabbaṃ .
Pavāritānaṃ āpatti thullaccayassa .
Idha
V0.229 pana , bhikkhave , aññatarasmiṃ āvāse tadahu pavāraṇāya sambahulā āvāsikā bhikkhū sannipatanti , pañca vā atirekā vā .Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ nassantete , vinassantete , ko tehi attho ’’ ti – bhedapurekkhārā pavārenti .
Tehi pavāritamatte athaññe āvāsikā bhikkhū āgacchanti bahutarā , tehi bhikkhave bhikkhūhi puna pavāretabbaṃ , pavāritānaṃ āpatti thullaccayassa .
Idha pana , bhikkhave , aññatarasmiṃ āvāse tadahu pavāraṇāya sambahulā āvāsikā bhikkhū sannipatanti , pañca vā atirekā vā .
Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ nassantete , vinassantete , ko tehi attho ’’ ti bhedapurekkhārā pavārenti .
Tehi pavāritamatte athaññe āvāsikā bhikkhū āgacchanti samasamā .
Pavāritā suppavāritā , tesaṃ santike pavāretabbaṃ .
Pavāritānaṃ āpatti thullaccayassa .
Idha pana , bhikkhave , aññatarasmiṃ āvāse tadahu pavāraṇāya sambahulā āvāsikā bhikkhū sannipatanti , pañca vā atirekā vā .
Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ nassantete , vinassantete , ko tehi attho ’’ ti bhedapurekkhārā pavārenti .
Tehi pavāritamatte athaññe āvāsikā bhikkhū āgacchanti thokatarā .
Pavāritā suppavāritā , tesaṃ santike pavāretabbaṃ .
Pavāritānaṃ āpatti thullaccayassa .
Idha pana , bhikkhave , aññatarasmiṃ āvāse tadahu pavāraṇāya sambahulā āvāsikā bhikkhū sannipatanti , pañca vā atirekā vā .
Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ nassantete , vinassantete , ko tehi attho ’’ ti bhedapurekkhārā pavārenti .
Tehi pavāritamatte , avuṭṭhitāya parisāya , athaññe āvāsikā bhikkhū
M0.242 āgacchanti bahutarā .Tehi , bhikkhave , bhikkhūhi puna pavāretabbaṃ .
Pavāritānaṃ āpatti thullaccayassa .
Idha pana , bhikkhave , aññatarasmiṃ āvāse tadahu pavāraṇāya sambahulā āvāsikā bhikkhū sannipatanti , pañca vā atirekā vā .
Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ nassantete , vinassantete , ko tehi attho ’’ ti bhedapurekkhārā pavārenti .
Tehi pavāritamatte , avuṭṭhitāya parisāya , athaññe āvāsikā bhikkhū āgacchanti samasamā .
Pavāritā suppavāritā , tesaṃ santike pavāretabbaṃ .
Pavāritānaṃ āpatti thullaccayassa .
Idha
V0.230 pana , bhikkhave , aññatarasmiṃ āvāse tadahu pavāraṇāya sambahulā āvāsikā bhikkhū sannipatanti , pañca vā atirekā vā .Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ nassantete , vinassantete , ko tehi attho ’’ ti bhedapurekkhārā pavārenti .
Tehi pavāritamatte , avuṭṭhitāya parisāya , athaññe āvāsikā bhikkhū āgacchanti thokatarā .
Pavāritā suppavāritā , tesaṃ santike pavāretabbaṃ .
Pavāritānaṃ āpatti thullaccayassa .
Idha pana , bhikkhave , aññatarasmiṃ āvāse tadahu pavāraṇāya sambahulā āvāsikā bhikkhū sannipatanti , pañca vā atirekā vā .
Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ nassantete , vinassantete , ko tehi attho ’’ ti bhedapurekkhārā pavārenti .
Tehi pavāritamatte , ekaccāya vuṭṭhitāya parisāya , athaññe āvāsikā bhikkhū āgacchanti bahutarā .
Tehi , bhikkhave , bhikkhūhi puna pavāretabbaṃ .
Pavāritānaṃ āpatti thullaccayassa .
Idha pana , bhikkhave , aññatarasmiṃ āvāse tadahu pavāraṇāya sambahulā āvāsikā bhikkhū sannipatanti , pañca vā atirekā vā .
Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ nassantete , vinassantete , ko tehi attho ’’ ti bhedapurekkhārā pavārenti .
Tehi pavāritamatte , ekaccāya vuṭṭhitāya parisāya , athaññe āvāsikā bhikkhū āgacchanti samasamā .
Pavāritā suppavāritā , tesaṃ santike pavāretabbaṃ .
Pavāritānaṃ āpatti thullaccayassa .
Idha
M0.243 pana , bhikkhave , aññatarasmiṃ āvāse tadahu pavāraṇāya sambahulā āvāsikā bhikkhū sannipatanti , pañca vā atirekā vā .Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ nassantete , vinassantete , ko tehi attho ’’ ti bhedapurekkhārā pavārenti .
Tehi pavāritamatte , ekaccāya vuṭṭhitāya parisāya , athaññe āvāsikā bhikkhū āgacchanti thokatarā .
Pavāritā suppavāritā , tesaṃ santike pavāretabbaṃ .
Pavāritānaṃ āpatti thullaccayassa .
Idha pana , bhikkhave , aññatarasmiṃ āvāse tadahu pavāraṇāya sambahulā āvāsikā bhikkhū sannipatanti , pañca vā atirekā vā .
Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ nassantete , vinassantete , ko tehi attho ’’ ti bhedapurekkhārā pavārenti .
Tehi
V0.231 pavāritamatte , sabbāya vuṭṭhitāya parisāya , athaññe āvāsikā bhikkhū āgacchanti bahutarā .Tehi , bhikkhave , bhikkhūhi puna pavāretabbaṃ .
Pavāritānaṃ āpatti thullaccayassa .
Idha pana , bhikkhave , aññatarasmiṃ āvāse tadahu pavāraṇāya sambahulā āvāsikā bhikkhū sannipatanti , pañca vā atirekā vā .
Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ nassantete , vinassantete , ko tehi attho ’’ ti bhedapurekkhārā pavārenti .
Tehi pavāritamatte , sabbāya vuṭṭhitāya parisāya , athaññe āvāsikā bhikkhū āgacchanti samasamā .
Pavāritā suppavāritā , tesaṃ santike pavāretabbaṃ .
Pavāritānaṃ āpatti thullaccayassa .
Idha pana , bhikkhave , aññatarasmiṃ āvāse tadahu pavāraṇāya sambahulā āvāsikā
Bhikkhū sannipatanti , pañca vā atirekā vā .
Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ nassantete , vinassantete , ko tehi attho ’’ ti bhedapurekkhārā pavārenti .
Tehi pavāritamatte , sabbāya vuṭṭhitāya parisāya , athaññe āvāsikā bhikkhū āgacchanti thokatarā .
Pavāritā suppavāritā , tesaṃ santike pavāretabbaṃ .
Pavāritānaṃ āpatti thullaccayassa .
Bhedapurekkhārapannarasakaṃ niṭṭhitaṃ .
Pañcavīsattikā niṭṭhitā .