83. Pātimokkhuddesakaajjhesanādi

Author： _System_Pali_VRI_ @ Administrator

No version selected — showing the Pali original by default.

83. Pātimokkhuddesakaajjhesanādi

155. AthaM0.156V0.145T1.227 kho bhagavā rājagahe yathābhirantaṃ viharitvā yena codanāvatthu tena cārikaṃ pakkāmi .

Anupubbena cārikaṃ caramāno yena codanāvatthu tadavasari .

Tena kho pana samayena aññatarasmiṃ āvāse sambahulā bhikkhū viharantiP1.116 .

Tattha thero bhikkhu bālo hoti abyatto .

So na jānāti uposathaṃ vā uposathakammaṃ vā , pātimokkhaṃ vā pātimokkhuddesaṃ vā .

Atha kho tesaṃ bhikkhūnaṃ etadahosi –

‘‘ bhagavatā paññattaṃ ‘ therādhikaṃ pātimokkhan ’ ti , ayañca amhākaṃ thero bālo abyatto , na jānāti uposathaṃ vā uposathakammaṃ vā , pātimokkhaṃ vā pātimokkhuddesaṃ vā .

Kathaṃ nu kho amhehi paṭipajjitabban ’’ ti ?

Bhagavato etamatthaṃ ārocesuṃ .

Anujānāmi , bhikkhave , yo tattha bhikkhu byatto paṭibalo tassādheyyaṃ pātimokkhanti .

Tena kho pana samayena aññatarasmiṃ āvāse tadahuposathe sambahulā bhikkhū viharanti bālā abyattā .

Te na jānanti uposathaṃ vā uposathakammaṃ vā , pātimokkhaṃ vā pātimokkhuddesaṃ vā .

Te theraṃ ajjhesiṃsu –

‘‘ uddisatu , bhante , thero pātimokkhan ’’ ti .

So evamāha –

‘‘ na me , āvuso , vattatī ’’ ti .

Dutiyaṃ theraṃ ajjhesiṃsu –

‘‘ uddisatu , bhante , thero pātimokkhan ’’ ti .

Sopi evamāha –

‘‘ na me , āvuso , vattatī ’’ ti .

Tatiyaṃ theraṃ ajjhesiṃsu –

‘‘ uddisatuT1.228 , bhante , thero pātimokkhan ’’ ti .

Sopi evamāha –

‘‘ na me , āvuso , vattatī ’’ ti .

Eteneva upāyena yāva saṅghanavakaṃ ajjhesiṃsu –

‘‘ uddisatu āyasmā pātimokkhan ’’ ti .

Sopi evamāha –

‘‘ na me , bhante , vattatī ’’ ti .

Bhagavato etamatthaṃ ārocesuṃ .

Idha pana , bhikkhave , aññatarasmiṃ āvāse tadahuposathe sambahulā bhikkhū viharanti bālā abyattā .

Te na jānanti uposathaṃ vā uposathakammaṃ vā , pātimokkhaṃ vā pātimokkhuddesaṃ vā .

Te theraṃ ajjhesanti –

‘‘ uddisatu , bhante , thero pātimokkhan ’’ ti .

So evaṃ vadeti –

‘‘ na me , āvuso , vattatī ’’ ti .

Dutiyaṃ theraṃ ajjhesanti –

‘‘ uddisatu , bhante , thero pātimokkhan ’’ ti .

Sopi evaṃ vadeti –

‘‘ na me , āvuso , vattatī ’’ ti .

TatiyaṃM0.157 theraṃ ajjhesanti –

‘‘ uddisatu , bhante , thero pātimokkhan ’’ ti .

Sopi evaṃ vadeti –

‘‘ na me , āvuso , vattatī ’’ ti .

Eteneva upāyena yāva saṅghanavakaṃ ajjhesanti –

‘‘ uddisatu āyasmā pātimokkhan ’’ ti .

Sopi evaṃ vadeti –

‘‘ na me , bhante , vattatī ’’ ti .

Tehi , bhikkhave , bhikkhūhiV0.146 eko bhikkhu sāmantā āvāsā sajjukaṃ pāhetabbo – gacchāvuso , saṃkhittena vā vitthārena vā pātimokkhaṃ pariyāpuṇitvāna āgacchāhīti .

Atha kho bhikkhūnaṃ etadahosi –

‘‘ kena nu kho pāhetabbo ’’ ti ?

BhagavatoT1.229 etamatthaṃ ārocesuṃ .

Anujānāmi , bhikkhave , therena bhikkhunā navaṃ bhikkhuṃ āṇāpetunti .

Therena āṇattā navā bhikkhū na gacchanti .

Bhagavato etamatthaṃ ārocesuṃ .

Na , bhikkhave , therenaP1.117 āṇattena agilānena na gantabbaṃ .

Yo na gaccheyya , āpatti dukkaṭassāti .

Issues

Select Version

Mahāvaggapāḷi

Mahāvaggapāḷi