175. Koṭigāme saccakathā
287. Atha kho bhagavā yena koṭigāmo tenupasaṅkami .
Tatra sudaṃ bhagavā koṭigāme viharati .
Tatra kho bhagavā bhikkhū āmantesi –[ dī . ni .2.155]‘‘ catunnaṃ , bhikkhave , ariyasaccānaṃ ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca .
Katamesaṃ catunnaṃ ?
Dukkhassa , bhikkhave , ariyasaccassa ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca .
Dukkhasamudayassa ariyasaccassa … pe … dukkhanirodhassa ariyasaccassa … pe … dukkhanirodhagāminiyā paṭipadāya ariyasaccassa
T2.94 ananubodhā appaṭivedhā evamidaṃ dīghamaddhānaṃ sandhāvitaṃ saṃsaritaṃ mamañceva tumhākañca .Tayidaṃ , bhikkhave , dukkhaṃ ariyasaccaṃ
P1.231 anubuddhaṃ paṭividdhaṃ , dukkhasamudayaṃ [ dukkhasamudayo ( syā .)] ariyasaccaṃ anubuddhaṃ paṭividdhaṃ , dukkhanirodhaṃ [ dukkhanirodho ( syā .)] ariyasaccaṃ anubuddhaṃ paṭividdhaṃ , dukkhanirodhagāminī paṭipadā ariyasaccaṃ anubuddhaṃ paṭividdhaṃ , ucchinnā bhavataṇhā , khīṇā bhavanetti , natthidāni punabbhavo ’’ ti .Catunnaṃ
M0.326 ariyasaccānaṃ , yathābhūtaṃ adassanā ;Saṃsitaṃ dīghamaddhānaṃ , tāsu tāsveva jātisu .
Tāni
V0.307 etāni diṭṭhāni , bhavanetti samūhatā ;Ucchinnaṃ mūlaṃ dukkhassa , natthidāni punabbhavoti .
Koṭigāme saccakathā niṭṭhitā .