109. Sattāhakaraṇīyānujānanā
187. Atha
P1.139V0.183 kho bhagavā rājagahe yathābhirantaṃ viharitvā yena sāvatthi tena cārikaṃ pakkāmi .Anupubbena cārikaṃ caramāno yena sāvatthi
M0.194T1.274 tadavasari .Tatra sudaṃ bhagavā sāvatthiyaṃ viharati jetavane anāthapiṇḍikassa ārāme .
Tena kho pana samayena kosalesu janapade udenena upāsakena saṅghaṃ uddissa vihāro kārāpito hoti .
So bhikkhūnaṃ santike dūtaṃ pāhesi –
‘‘ āgacchantu bhadantā , icchāmi dānañca dātuṃ , dhammañca sotuṃ , bhikkhū ca passitun ’’ ti .
Bhikkhū evamāhaṃsu –
‘‘ bhagavatā , āvuso , paññattaṃ ‘ na vassaṃ upagantvā purimaṃ vā temāsaṃ pacchimaṃ vā temāsaṃ avasitvā cārikā pakkamitabbā ’ ti .
Āgametu udeno upāsako , yāva bhikkhū vassaṃ vasanti .
Vassaṃvuṭṭhā āgamissanti .
Sace panassa accāyikaṃ karaṇīyaṃ , tattheva āvāsikānaṃ bhikkhūnaṃ santike vihāraṃ patiṭṭhāpetū ’’ ti .
Udeno upāsako ujjhāyati khiyyati vipāceti –
‘‘ kathañhi nāma bhadantā mayā pahite na āgacchissanti .
Ahañhi dāyako kārako saṅghupaṭṭhāko ’’ ti .
Assosuṃ kho bhikkhū udenassa upāsakassa ujjhāyantassa khiyyantassa vipācentassa .
Atha kho te bhikkhū bhagavato etamatthaṃ ārocesuṃ .
Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi –
‘‘ anujānāmi , bhikkhave , sattannaṃ sattāhakaraṇīyena pahite gantuṃ , na tveva appahite .
Bhikkhussa , bhikkhuniyā , sikkhamānāya , sāmaṇerassa , sāmaṇeriyā , upāsakassa , upāsikāya – anujānāmi , bhikkhave , imesaṃ sattannaṃ sattāhakaraṇīyena pahite gantuṃ , na tveva appahite .
Sattāhaṃ sannivatto kātabbo ’’.
188. Idha pana , bhikkhave , upāsakena
T1.275 saṅghaṃ uddissa vihāro kārāpito hoti .So ce bhikkhūnaṃ santike dūtaṃ pahiṇeyya –
‘‘ āgacchantu bhadantā , icchāmi dānañca dātuṃ , dhammañca sotuṃ , bhikkhū ca passitun ’’ ti , gantabbaṃ , bhikkhave , sattāhakaraṇīyena , pahite , na tveva appahite .
Sattāhaṃ sannivatto kātabbo .
Idha pana , bhikkhave , upāsakena saṅghaṃ uddissa aḍḍhayogo kārāpito hoti … pe … pāsādo kārāpito hoti … hammiyaṃ kārāpitaṃ hoti … guhā kārāpitā hoti … pariveṇaṃ kārāpitaṃ hoti … koṭṭhako kārāpito hoti … upaṭṭhānasālā kārāpitā hoti … aggisālā kārāpitā hoti … kappiyakuṭi kārāpitā hoti … vaccakuṭi kārāpitā hoti … caṅkamo kārāpito hoti
M0.195 … caṅkamanasālā kārāpitā hoti … udapāno kārāpito hotiV0.184 … udapānasālā kārāpitā hoti … jantāgharaṃ kārāpitaṃP1.140 hoti … jantāgharasālā kārāpitā hoti … pokkharaṇī kārāpitā hoti … maṇḍapo kārāpito hoti … ārāmo kārāpito hoti … ārāmavatthu kārāpitaṃ hoti .So ce bhikkhūnaṃ santike dūtaṃ pahiṇeyya –
‘‘ āgacchantu bhadantā , icchāmi dānañca dātuṃ , dhammañca sotuṃ , bhikkhū ca passitun ’’ ti , gantabbaṃ , bhikkhave , sattāhakaraṇīyena , pahite , na tveva appahite .
Sattāhaṃ sannivatto kātabbo .
Idha pana , bhikkhave , upāsakena sambahule bhikkhū uddissa … pe … ekaṃ bhikkhuṃ uddissa vihāro kārāpito hoti … aḍḍhayogo kārāpito hoti … pāsādo kārāpito hoti
T1.276 … hammiyaṃ kārāpitaṃ hoti … guhā kārāpitā hoti … pariveṇaṃ kārāpitaṃ hoti … koṭṭhako kārāpito hoti … upaṭṭhānasālā kārāpitā hoti … aggisālā kārāpitā hoti … kappiyakuṭi kārāpitā hoti … vaccakuṭi kārāpitā hoti … caṅkamo kārāpito hoti … caṅkamanasālā kārāpitā hoti … udapāno kārāpito hoti … udapānasālā kārāpitā hoti … jantāgharaṃ kārāpitaṃ hoti … jantāgharasālā kārāpitā hoti … pokkharaṇī kārāpitā hoti … maṇḍapo kārāpito hoti … ārāmo kārāpito hoti … ārāmavatthu kārāpitaṃ hoti .So ce bhikkhūnaṃ santike dūtaṃ pahiṇeyya –
‘‘ āgacchantu bhadantā , icchāmi dānañca dātuṃ , dhammañca sotuṃ , bhikkhū ca passitun ’’ ti , gantabbaṃ , bhikkhave , sattāhakaraṇīyena , pahite , na tveva appahite .
Sattāhaṃ sannivatto kātabbo .
Idha pana , bhikkhave , upāsakena bhikkhunisaṅghaṃ uddissa … pe … sambahulā bhikkhuniyo uddissa … pe … ekaṃ bhikkhuniṃ uddissa … pe … sambahulā sikkhamānāyo uddissa … pe … ekaṃ sikkhamānaṃ uddissa … pe … sambahule sāmaṇere uddissa … pe … ekaṃ sāmaṇeraṃ uddissa … pe … sambahulā sāmaṇeriyo uddissa … pe … ekaṃ sāmaṇeriṃ uddissa vihāro kārāpito hoti … pe … aḍḍhayogo kārāpito hoti … pāsādo kārāpito hoti … hammiyaṃ
M0.196 kārāpitaṃ hoti … guhā kārāpitā hoti … pariveṇaṃ kārāpitaṃ hoti … koṭṭhako kārāpito hoti … upaṭṭhānasālā kārāpitā hoti … aggisālā kārāpitā hotiT1.277 … kappiyakuṭi kārāpitā hoti … caṅkamo kārāpito hoti … caṅkamanasālā kārāpitā hoti … udapāno kārāpito hoti … udapānasālā kārāpitā hoti … pokkharaṇī kārāpitā hoti … maṇḍapo kārāpito hoti … ārāmo kārāpito hoti … ārāmavatthu kārāpitaṃ hoti .So ce bhikkhūnaṃ santike dūtaṃ pahiṇeyya –
‘‘ āgacchantu bhadantā , icchāmi dānañca dātuṃ
V0.185 , dhammañca sotuṃ , bhikkhū ca passitun ’’ ti , gantabbaṃ , bhikkhave , sattāhakaraṇīyena , pahite , na tveva appahite .Sattāhaṃ sannivatto kātabbo .
189. Idha pana , bhikkhave , upāsakena attano atthāya nivesanaṃ kārāpitaṃ hoti … pe … sayanigharaṃ kārāpitaṃ hoti … udosito kārāpito hoti … aṭṭo kārāpito hoti … māḷo kārāpito hoti … āpaṇo kārāpito hoti … āpaṇasālā kārāpitā hoti … pāsādo kārāpito hoti … hammiyaṃ kārāpitaṃ hoti … guhā kārāpitā hoti … pariveṇaṃ kārāpitaṃ hoti … koṭṭhako kārāpito hoti … upaṭṭhānasālā kārāpitā hoti … aggisālā kārāpitā hoti … rasavatī kārāpitā hoti … caṅkamo kārāpito hoti … caṅkamanasālā kārāpitā hoti … udapāno kārāpito hoti … udapānasālā kārāpitā hoti … pokkharaṇī kārāpitā hoti … maṇḍapo kārāpito hoti … ārāmo kārāpito hoti
T1.278 … ārāmavatthu kārāpitaṃ hoti … puttassa vā vāreyyaṃ hoti … dhītuyā vā vāreyyaṃ hoti … gilāno vā hoti … abhiññātaṃ vā suttantaṃ bhaṇati .So ce bhikkhūnaṃ santike dūtaṃ pahiṇeyya –
‘ āgacchantu bhadantā , imaṃ suttantaṃ pariyāpuṇissanti , purāyaṃ suttanto
P1.141 na palujjatī ’ ti .Aññataraṃ vā panassa kiccaṃ hoti – karaṇīyaṃ vā , so ce bhikkhūnaṃ santike dūtaṃ pahiṇeyya –
‘‘ āgacchantu bhadantā , icchāmi dānañca dātuṃ , dhammañca sotuṃ , bhikkhū ca passitun ’’ ti , gantabbaṃ , bhikkhave , sattāhakaraṇīyena , pahite , na tveva appahite .
Sattāhaṃ sannivatto kātabbo .
190. Idha
M0.197 pana , bhikkhave , upāsikāya saṅghaṃ uddissa vihāro kārāpito hoti .Sā ce bhikkhūnaṃ santike dūtaṃ pahiṇeyya –
‘‘ āgacchantu ayyā , icchāmi dānañca dātuṃ , dhammañca sotuṃ , bhikkhū ca passitun ’’ ti , gantabbaṃ , bhikkhave , sattāhakaraṇīyena , pahite , na tveva appahite .
Sattāhaṃ sannivatto kātabbo .
Idha pana , bhikkhave , upāsikāya saṅghaṃ uddissa aḍḍhayogo kārāpito hoti … pe … pāsādo kārāpito hoti … hammiyaṃ kārāpitaṃ hoti … guhā kārāpitā hoti … pariveṇaṃ kārāpitaṃ hoti … koṭṭhako kārāpito hoti … upaṭṭhānasālā kārāpitā hoti … aggisālā kārāpitā hoti … kappiyakuṭi kārāpitā hoti … vaccakuṭi kārāpitā hoti … caṅkamo kārāpito hoti … caṅkamanasālā kārāpitā hoti … udapāno kārāpito hoti … udapānasālā
T1.279 kārāpitā hoti … jantāgharaṃ kārāpitaṃ hoti … jantāgharasālā kārāpitāV0.186 hoti … pokkharaṇī kārāpitā hoti … maṇḍapo kārāpito hoti … ārāmo kārāpito hoti … ārāmavatthu kārāpitaṃ hoti .Sā ce bhikkhūnaṃ santike dūtaṃ pahiṇeyya –
‘‘ āgacchantu ayyā , icchāmi dānañca dātuṃ , dhammañca sotuṃ , bhikkhū ca passitun ’’ ti , gantabbaṃ , bhikkhave , sattāhakaraṇīyena , pahite , na tveva appahite .
Sattāhaṃ sannivatto kātabbo .
Idha pana , bhikkhave , upāsikāya sambahule bhikkhū uddissa … pe … ekaṃ bhikkhuṃ uddissa … pe … bhikkhunisaṅghaṃ uddissa … pe … sambahulā bhikkhuniyo uddissa … pe … ekaṃ bhikkhuniṃ uddissa … pe … sambahulā sikkhamānāyo uddissa … pe … ekaṃ sikkhamānaṃ uddissa … pe … sambahule sāmaṇere uddissa … pe … ekaṃ sāmaṇeraṃ uddissa … pe … sambahulā sāmaṇeriyo uddissa … pe … ekaṃ sāmaṇeriṃ uddissa … pe ….
191. Idha pana , bhikkhave , upāsikāya attano atthāya nivesanaṃ kārāpitaṃ hoti … pe … sayanigharaṃ kārāpitaṃ hoti … udosito kārāpito hoti … aṭṭo kārāpito hoti … māḷo kārāpito hoti … āpaṇo kārāpito hoti … āpaṇasālā kārāpitā hoti … pāsādo kārāpito hoti … hammiyaṃ
M0.198 kārāpitaṃ hoti … guhā kārāpitā hoti … pariveṇaṃ kārāpitaṃ hoti … koṭṭhako kārāpito hoti … upaṭṭhānasālā kārāpitā hoti … aggisālā kārāpitā hoti … rasavatī kārāpitā hoti … caṅkamo kārāpito hoti … caṅkamanasālā kārāpitā hoti … udapāno kārāpito hotiT1.280 … udapānasālā kārāpitā hoti … pokkharaṇī kārāpitā hoti … maṇḍapo kārāpito hoti … ārāmo kārāpito hoti … ārāmavatthu kārāpitaṃ hoti … puttassa vā vāreyyaṃ hoti … dhītuyā vā vāreyyaṃ hoti … gilānā vā hoti … abhiññātaṃ vā suttantaṃ bhaṇati .Sā ce bhikkhūnaṃ santike dūtaṃ pahiṇeyya –
‘‘ āgacchantu ayyā , imaṃ suttantaṃ pariyāpuṇissanti , purāyaṃ suttanto palujjatī ’’ ti .
Aññataraṃ vā panassā kiccaṃ hoti karaṇīyaṃ vā , sā ce bhikkhūnaṃ santike dūtaṃ pahiṇeyya –
‘‘ āgacchantu ayyā , icchāmi dānañca dātuṃ , dhammañca sotuṃ , bhikkhū ca passitun ’’ ti , gantabbaṃ , bhikkhave , sattāhakaraṇīyena , pahite , na tveva appahite .
Sattāhaṃ sannivatto kātabbo .
192. Idha pana , bhikkhave , bhikkhunā saṅghaṃ uddissa … pe … bhikkhuniyā saṅghaṃ uddissa … sikkhamānāya saṅghaṃ uddissa … sāmaṇerena saṅghaṃ uddissa … sāmaṇeriyā saṅghaṃ uddissa
V0.187 … sambahule bhikkhū uddissa … ekaṃ bhikkhuṃ uddissa … bhikkhunisaṅghaṃ uddissa … sambahulā bhikkhuniyo uddissa … ekaṃ bhikkhuniṃ uddissa … sambahulā sikkhamānāyo uddissa … ekaṃ sikkhamānaṃ uddissa … sambahule sāmaṇere uddissa … ekaṃ sāmaṇeraṃ uddissa … sambahulāP1.142 sāmaṇeriyo uddissa … ekaṃ sāmaṇeriṃ uddissa … attano atthāya vihāro kārāpito hoti … pe … aḍḍhayogo kārāpito hoti … pāsādo kārāpito hoti … hammiyaṃ kārāpitaṃ hoti … guhā kārāpitā hoti … pariveṇaṃ kārāpitaṃ hotiT1.281 … koṭṭhako kārāpito hoti … upaṭṭhānasālā kārāpitā hoti … aggisālā kārāpitā hoti … kappiyakuṭi kārāpitā hoti … caṅkamo kārāpito hoti … caṅkamanasālā kārāpitā hoti … udapāno kārāpito hoti … udapānasālā kārāpitā hoti … pokkharaṇī kārāpitā hoti … maṇḍapo kārāpito hoti … ārāmo kārāpito hoti … ārāmavatthu kārāpitaṃ hoti .Sā ce bhikkhūnaṃ
M0.199 santike dūtaṃ pahiṇeyya …‘‘ āgacchantu ayyā , icchāmi dānañca dātuṃ , dhammañca sotuṃ , bhikkhū ca passitun ’’ ti , gantabbaṃ , bhikkhave , sattāhakaraṇīyena , pahite , na tveva appahite .Sattāhaṃ sannivatto kātabboti .
Sattāhakaraṇīyānujānatā niṭṭhitā .