98. Kukkuccapakatapannarasakaṃ
175. Idha
V0.167 pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ kappateva amhākaṃ
M0.179 uposatho kātuṃ nāmhākaṃ na kappatī ’’ ti , kukkuccapakatā uposathaṃ karonti , pātimokkhaṃ uddisanti .Tehi uddissamāne pātimokkhe , athaññe āvāsikā bhikkhū āgacchanti bahutarā .
Tehi , bhikkhave , bhikkhūhi puna pātimokkhaṃ uddisitabbaṃ .
Uddesakānaṃ āpatti dukkaṭassa .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ kappateva amhākaṃ uposatho kātuṃ nāmhākaṃ na kappatī ’’ ti , kukkuccapakatā uposathaṃ karonti , pātimokkhaṃ uddisanti .
Tehi uddissamāne pātimokkhe , athaññe āvāsikā bhikkhū āgacchanti samasamā .
Uddiṭṭhaṃ suuddiṭṭhaṃ , avasesaṃ sotabbaṃ .
Uddesakānaṃ āpatti dukkaṭassa .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ kappateva amhākaṃ uposatho kātuṃ , nāmhākaṃ na kappatī ’’ ti , kukkuccapakatā uposathaṃ karonti , pātimokkhaṃ uddisanti .
Tehi uddissamāne pātimokkhe , athaññe āvāsikā bhikkhū āgacchanti thokatarā .
Uddiṭṭhaṃ suuddiṭṭhaṃ , avasesaṃ sotabbaṃ .
Uddesakānaṃ āpatti dukkaṭassa .
Idha pana , bhikkhave
T1.259 , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .Te jānanti ‘‘ atthaññe āvāsikā bhikkhū anāgatā ’’ ti .
Te ‘‘ kappateva amhākaṃ uposatho kātuṃ nāmhākaṃ na kappatī ’’ ti , kukkuccapakatā uposathaṃ karonti , pātimokkhaṃ uddisanti .
Tehi uddiṭṭhamatte pātimokkhe ,… pe … avuṭṭhitāya parisāya … pe … ekaccāya vuṭṭhitāya parisāya … pe … sabbāya vuṭṭhitāya parisāya , athaññe āvāsikā bhikkhū āgacchanti bahutarā … pe … samasamā
V0.168 … pe … thokatarā .Uddiṭṭhaṃ suuddiṭṭhaṃ , tesaṃ santike pārisuddhi ārocetabbā .
Uddesakānaṃ āpatti dukkaṭassa .
Kukkuccapakatapannarasakaṃ niṭṭhitaṃ .