194. Vippakatasamādāyapannarasakaṃ

Author： _System_Pali_VRI_ @ Administrator

No version selected — showing the Pali original by default.

194. Vippakatasamādāyapannarasakaṃ

317. Bhikkhu atthatakathino vippakatacīvaraṃ samādāya pakkamati .

Tassa bahisīmagatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa bhikkhuno niṭṭhānantiko kathinuddhāro .

Bhikkhu atthatakathino vippakatacīvaraṃ samādāya pakkamati .

Tassa bahisīmagatassa evaṃ hoti –

‘‘ nevimaṃ cīvaraṃ kāressaṃ , na paccessan ’’ ti .

Tassa bhikkhuno sanniṭṭhānantiko kathinuddhāro .

Bhikkhu atthatakathino vippakatacīvaraṃ samādāya pakkamati .

Tassa bahisīmagatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa taṃ cīvaraṃ kayiramānaṃ nassati .

Tassa bhikkhuno nāsanantiko kathinuddhāro .

Tikaṃ .

Bhikkhu atthatakathino vippakatacīvaraṃ samādāya pakkamati ‘‘ naT2.147 paccessan ’’ ti .

Tassa bahisīmagatassa evaṃ hoti –

‘‘ idhevimaṃ cīvaraṃ kāressan ’’ ti .

So taṃ cīvaraṃ kāreti .

Tassa bhikkhuno niṭṭhānantiko kathinuddhāro .

Bhikkhu atthatakathino vippakatacīvaraṃ samādāya pakkamati ‘‘ na paccessan ’’ ti .

Tassa bahisīmagatassaV0.340 evaṃ hoti –

‘‘ nevimaṃ cīvaraṃ kāressan ’’ ti .

Tassa bhikkhuno sanniṭṭhānantiko kathinuddhāro .

BhikkhuM0.361 atthatakathino vippakatacīvaraṃ samādāya pakkamati ‘‘ na paccessan ’’ ti .

Tassa bahisīmagatassa evaṃ hoti –

‘‘ idhevimaṃ cīvaraṃ kāressan ’’ ti .

So taṃ cīvaraṃ kāreti .

Tassa taṃ cīvaraṃ kayiramānaṃ nassati .

Tassa bhikkhuno nāsanantiko kathinuddhāro .

Tikaṃ .

Bhikkhu atthatakathino vippakatacīvaraṃ samādāya pakkamati anadhiṭṭhitena ;

nevassa hoti –

‘‘ paccessan ’’ ti , na panassa hoti –

‘‘ na paccessan ’’ ti .

Tassa bahisīmagatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa bhikkhuno niṭṭhānantiko kathinuddhāro .

Bhikkhu atthatakathino vippakatacīvaraṃ samādāya pakkamati anadhiṭṭhitena ;

nevassa hoti –

‘‘ paccessan ’’ ti , na panassa hoti –

‘‘ na paccessan ’’ ti .

Tassa bahisīmagatassa evaṃ hoti –

‘‘ nevimaṃ cīvaraṃ kāressaṃ , na paccessan ’’ ti .

Tassa bhikkhuno sanniṭṭhānantiko kathinuddhāro .

Bhikkhu atthatakathino vippakatacīvaraṃ samādāya pakkamati anadhiṭṭhitena ;

nevassa hoti –

‘‘ paccessan ’’ ti , na panassa hoti –

‘‘ na paccessan ’’ ti .

Tassa bahisīmagatassa evaṃ hotiT2.148 –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa taṃ cīvaraṃ kayiramānaṃ nassati .

Tassa bhikkhuno nāsanantiko kathinuddhāro .

Tikaṃ .

Bhikkhu atthatakathino vippakatacīvaraṃ samādāya pakkamati ‘‘ paccessan ’’ ti .

Tassa bahisīmagatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa bhikkhuno niṭṭhānantiko kathinuddhāro .

BhikkhuV0.341 atthatakathino vippakatacīvaraṃ samādāya pakkamati ‘‘ paccessan ’’ ti .

Tassa bahisīmagatassa evaṃ hoti –

‘‘ nevimaṃ cīvaraṃ kāressaṃ , na paccessan ’’ ti .

Tassa bhikkhuno sanniṭṭhānantiko kathinuddhāro .

Bhikkhu atthatakathino vippakatacīvaraṃ samādāya pakkamati ‘‘ paccessan ’’ ti .

Tassa bahisīmagatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ tiM0.362 .

So taṃ cīvaraṃ kāreti .

Tassa taṃ cīvaraṃ kayiramānaṃ nassati .

Tassa bhikkhuno nāsanantiko kathinuddhāro .

Bhikkhu atthatakathino vippakatacīvaraṃ samādāya pakkamati ‘‘ paccessan ’’ ti .

So bahisīmagato taṃ cīvaraṃ kāreti .

So katacīvaro suṇāti –

‘‘ ubbhataṃ kira tasmiṃ āvāse kathinan ’’ ti .

Tassa bhikkhuno savanantiko kathinuddhāro .

Bhikkhu atthatakathino vippakatacīvaraṃ samādāya pakkamati ‘‘ paccessan ’’ ti .

So bahisīmagato taṃ cīvaraṃ kāreti .

So katacīvaro –

‘‘ paccessaṃ paccessan ’’ ti bahiddhā kathinuddhāraṃ vītināmeti .

Tassa bhikkhuno sīmātikkantikoT2.149 kathinuddhāro .

Bhikkhu atthatakathino vippakatacīvaraṃ samādāya pakkamati ‘‘ paccessan ’’ ti .

So bahisīmagato taṃ cīvaraṃ kāreti .

So katacīvaro ‘‘ paccessaṃ paccessan ’’ ti sambhuṇāti kathinuddhāraṃ .

Tassa bhikkhuno saha bhikkhūhi kathinuddhāro .

Chakkaṃ .

Vippakatasamādāyapannarasakaṃ niṭṭhitaṃ .

Ādāyabhāṇavāro .

Issues

Select Version

Mahāvaggapāḷi

Mahāvaggapāḷi