119. Tassuddānaṃ
Upagantuṃ
M0.219 kadā ceva , kati antarāvassa ca ;Na icchanti ca sañcicca , ukkaḍḍhituṃ upāsako .
Gilāno
P1.156 mātā ca pitā , bhātā ca atha ñātako ;Bhikkhugatiko vihāro , vāḷā cāpi sarīsapā .
Coro ceva pisācā ca , daḍḍhā tadubhayena ca ;
Vūḷhodakena vuṭṭhāsi , bahutarā ca dāyakā .
Lūkhappaṇītasappāya , bhesajjupaṭṭhakena
T1.308 ca ;Itthī vesī kumārī ca , paṇḍako ñātakena ca .
Rājā corā dhuttā nidhi , bhedaaṭṭhavidhena [ bhedā aṭṭhavidhena ( sī . syā .)] ca ;
Vajasatthā ca nāvā ca , susire viṭabhiyā ca .
Ajjhokāse
V0.208 vassāvāso , asenāsanikena ca ;Chavakuṭikā chatte ca , cāṭiyā ca upenti te .
Katikā paṭissuṇitvā , bahiddhā ca uposathā ;
Purimikā pacchimikā , yathāñāyena yojaye .
Akaraṇī pakkamati , sakaraṇī tatheva ca ;
Dvīhatīhā ca puna ca [ dvīhatīhaṃ vasitvāna ( sī .)], sattāhakaraṇīyena ca .
Sattāhanāgatā ceva , āgaccheyya na eyya vā ;
Vatthuddāne antarikā , tantimaggaṃ nisāmayeti .
Imamhi khandhake vatthūni dvepaṇṇāsa .
Vassūpanāyikakkhandhako niṭṭhito .