95. Anāpattipannarasakaṃ
172. Tena
V0.161 kho pana samayena aññatarasmiṃ āvāse tadahuposathe sambahulā āvāsikā bhikkhū sannipatiṃsu cattāro vā atirekā vā .Te na jāniṃsu ‘‘ atthaññe āvāsikā bhikkhū anāgatā ’’ ti
P1.129 .Te dhammasaññino vinayasaññino vaggā samaggasaññino uposathaṃ akaṃsu , pātimokkhaṃ uddisiṃsu .
Tehi uddissamāne pātimokkhe , athaññe āvāsikā bhikkhū āgacchiṃsu bahutarā .
Bhagavato etamatthaṃ ārocesuṃ .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te na jānanti ‘‘ atthaññe
M0.173 āvāsikā bhikkhū anāgatā ’’ ti .Te dhammasaññino vinayasaññino vaggā samaggasaññino uposathaṃ karonti , pātimokkhaṃ uddisanti .
Tehi uddissamāne pātimokkhe , athaññe āvāsikā bhikkhū āgacchanti bahutarā .
Tehi , bhikkhave , bhikkhūhi puna pātimokkhaṃ uddisitabbaṃ .
Uddesakānaṃ anāpatti .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te na jānanti ‘‘ atthaññe āvāsikā bhikkhū anāgatā ’’ ti .
Te dhammasaññino vinayasaññino
T1.252 vaggā samaggasaññino uposathaṃ karonti , pātimokkhaṃ uddisanti .Tehi uddissamāne pātimokkhe , athaññe āvāsikā bhikkhū āgacchanti samasamā .
Uddiṭṭhaṃ suuddiṭṭhaṃ , avasesaṃ sotabbaṃ .
Uddesakānaṃ anāpatti .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te na jānanti atthaññe āvāsikā bhikkhū anāgatāti , te dhammasaññino vinayasaññino vaggā samaggasaññino uposathaṃ karonti pātimokkhaṃ uddisanti .
Tehi uddissamāne pātimokkhe , athaññe āvāsikā bhikkhū āgacchanti thokatarā .
Uddiṭṭhaṃ suuddiṭṭhaṃ , avasesaṃ sotabbaṃ .
Uddesakānaṃ anāpatti .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te na jānanti atthaññe āvāsikā bhikkhū anāgatāti , te dhammasaññino vinayasaññino vaggā samaggasaññino uposathaṃ karonti pātimokkhaṃ
V0.162 uddisanti .Tehi uddiṭṭhamatte pātimokkhe , athaññe āvāsikā bhikkhū āgacchanti bahutarā .
Tehi , bhikkhave , bhikkhūhi puna pātimokkhaṃ uddisitabbaṃ .
Uddesakānaṃ anāpatti .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te na jānanti atthaññe āvāsikā bhikkhū anāgatāti , te dhammasaññino
T1.253 vinayasaññino vaggā samaggasaññino uposathaṃ karonti pātimokkhaṃ uddisanti .Tehi
M0.174 uddiṭṭhamatte pātimokkhe , athaññe āvāsikā bhikkhū āgacchanti samasamā .Uddiṭṭhaṃ suuddiṭṭhaṃ , tesaṃ santike pārisuddhi ārocetabbā .
Uddesakānaṃ anāpatti .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te na jānanti atthaññe āvāsikā bhikkhū anāgatāti , te dhammasaññino vinayasaññino vaggā samaggasaññino uposathaṃ karonti pātimokkhaṃ uddisanti .
Tehi uddiṭṭhamatte pātimokkhe , athaññe āvāsikā bhikkhū āgacchanti thokatarā .
Uddiṭṭhaṃ suuddiṭṭhaṃ , tesaṃ santike pārisuddhi ārocetabbā .
Uddesakānaṃ anāpatti .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te na jānanti atthaññe āvāsikā bhikkhū anāgatāti , te dhammasaññino vinayasaññino vaggā samaggasaññino uposathaṃ karonti pātimokkhaṃ uddisanti .
Tehi uddiṭṭhamatte pātimokkhe , avuṭṭhitāya
P1.130 parisāya , athaññe āvāsikā bhikkhū āgacchanti bahutarā .Tehi , bhikkhave , bhikkhūhi puna pātimokkhaṃ uddisitabbaṃ .
Uddesakānaṃ anāpatti .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā
T1.254 .Te na jānanti atthaññe āvāsikā bhikkhū anāgatāti , te dhammasaññino vinayasaññino vaggā samaggasaññino uposathaṃ karonti pātimokkhaṃ uddisanti .
Tehi uddiṭṭhamatte pātimokkhe , avuṭṭhitāya parisāya , athaññe āvāsikā
V0.163 bhikkhū āgacchanti samasamā .Uddiṭṭhaṃ suuddiṭṭhaṃ , tesaṃ santike pārisuddhi ārocetabbā .
Uddesakānaṃ anāpatti .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te na jānanti atthaññe āvāsikā bhikkhū anāgatāti , te dhammasaññino vinayasaññino vaggā samaggāsaññino uposathaṃ karonti pātimokkhaṃ uddisanti .
Tehi uddiṭṭhamatte pātimokkhe , avuṭṭhitāya parisāya , athaññe āvāsikā bhikkhū āgacchanti thokatarā .
Uddiṭṭhaṃ suuddiṭṭhaṃ , tesaṃ santike pārisuddhi ārocetabbā .
Uddesakānaṃ anāpatti .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te na jānanti atthaññe āvāsikā bhikkhū anāgatāti , te dhammasaññino vinayasaññino vaggā samaggasaññino uposathaṃ karonti pātimokkhaṃ uddisanti .
Tehi uddiṭṭhamatte pātimokkhe , ekaccāya vuṭṭhitāya parisāya , athaññe āvāsikā
M0.175 bhikkhū āgacchanti bahutarā .Tehi , bhikkhave , bhikkhūhi puna pātimokkhaṃ uddisitabbaṃ .
Uddesakānaṃ anāpatti .
Idha
T1.255 pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .Te na jānanti atthaññe āvāsikā bhikkhū anāgatāti , te dhammasaññino vinayasaññino vaggā samaggasaññino uposathaṃ karonti pātimokkhaṃ uddisanti .
Tehi uddiṭṭhamatte pātimokkhe , ekaccāya vuṭṭhitāya parisāya , athaññe āvāsikā bhikkhū āgacchanti samasamā .
Uddiṭṭhaṃ suuddiṭṭhaṃ , tesaṃ santike pārisuddhi ārocetabbā .
Uddesakānaṃ anāpatti .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te na jānanti atthaññe āvāsikā bhikkhū anāgatāti , te dhammasaññino vinayasaññino vaggā samaggasaññino uposathaṃ karonti pātimokkhaṃ uddisanti .
Tehi uddiṭṭhamatte pātimokkhe , ekaccāya vuṭṭhitāya parisāya , athaññe āvāsikā bhikkhū āgacchanti thokatarā .
Uddiṭṭhaṃ suuddiṭṭhaṃ , tesaṃ santike pārisuddhi ārocetabbā .
Uddesakānaṃ anāpatti .
Idha
V0.164 pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .Te na jānanti atthaññe āvāsikā bhikkhū anāgatāti , te dhammasaññino vinayasaññino vaggā samaggasaññino uposathaṃ karonti pātimokkhaṃ uddisanti .
Tehi uddiṭṭhamatte pātimokkhe , sabbāya vuṭṭhitāya parisāya , athaññe āvāsikā bhikkhū āgacchanti bahutarā .
Tehi , bhikkhave , bhikkhūhi puna pātimokkhaṃ uddisitabbaṃ .
Uddesakānaṃ anāpatti .
Idha
M0.176 pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .Te na jānanti atthaññe āvāsikā bhikkhū anāgatāti , te dhammasaññino vinayasaññino vaggā samaggasaññino uposathaṃ karonti pātimokkhaṃ uddisanti .
Tehi uddiṭṭhamatte pātimokkhe , sabbāya vuṭṭhitāya parisāya , athaññe āvāsikā bhikkhū āgacchanti samasamā .
Uddiṭṭhaṃ suuddiṭṭhaṃ , tesaṃ santike pārisuddhi ārocetabbā .
Uddesakānaṃ anāpatti .
Idha pana , bhikkhave , aññatarasmiṃ āvāse tadahuposathe sambahulā āvāsikā bhikkhū sannipatanti cattāro vā atirekā vā .
Te na jānanti atthaññe āvāsikā bhikkhū anāgatāti , te dhammasaññino vinayasaññino vaggā samaggasaññino uposathaṃ karonti pātimokkhaṃ uddisanti .
Tehi uddiṭṭhamatte pātimokkhe , sabbāya vuṭṭhitāya parisāya , athaññe āvāsikā bhikkhū āgacchanti thokatarā .
Uddiṭṭhaṃ suuddiṭṭhaṃ , tesaṃ santike pārisuddhi ārocetabbā .
Uddesakānaṃ anāpatti .
Anāpattipannarasakaṃ niṭṭhitaṃ .