189. Samādāyasattakaṃ

Author： _System_Pali_VRI_ @ Administrator

No version selected — showing the Pali original by default.

189. Samādāyasattakaṃ

312. Bhikkhu atthatakathino katacīvaraṃ samādāya pakkamati ‘‘ na paccessan ’’ ti .

Tassa bhikkhuno pakkamanantiko kathinuddhāro .

BhikkhuM0.355 atthatakathino cīvaraṃ samādāya pakkamati .

Tassa bahisīmagatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa bhikkhuno niṭṭhānantiko kathinuddhāro .

BhikkhuV0.334 atthatakathino cīvaraṃ samādāya pakkamati .

Tassa bahisīmagatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

Tassa bhikkhuno sanniṭṭhānantiko kathinuddhāro .

Bhikkhu atthatakathino cīvaraṃ samādāya pakkamati .

Tassa bahisīmagatassa evaṃ hoti –

‘‘ idhevimaṃ cīvaraṃ kāressaṃ , na paccessan ’’ ti .

So taṃ cīvaraṃ kāreti .

Tassa taṃ cīvaraṃ kayiramānaṃ nassati .

Tassa bhikkhuno nāsanantiko kathinuddhāro .

Bhikkhu atthatakathino cīvaraṃ samādāya pakkamati –

‘‘ paccessan ’’ ti .

So bahisīmagato taṃ cīvaraṃ kāreti .

So katacīvaro suṇātiT2.141 –

‘‘ ubbhataṃ kira tasmiṃ āvāse kathinan ’’ ti .

Tassa bhikkhuno savanantiko kathinuddhāro .

Bhikkhu atthatakathino cīvaraṃ samādāya pakkamati –

‘‘ paccessan ’’ ti .

So bahisīmagato taṃ cīvaraṃ kāreti .

So katacīvaro –

‘‘ paccessaṃ paccessan ’’ ti – bahiddhā kathinuddhāraṃ vītināmeti .

Tassa bhikkhuno sīmātikkantiko kathinuddhāro .

Bhikkhu atthatakathino cīvaraṃ samādāya pakkamati –

‘‘ paccessan ’’ ti .

So bahisīmagato taṃ cīvaraṃ kāreti .

So katacīvaro –

‘‘ paccessaṃ paccessan ’’ ti – sambhuṇāti kathinuddhāraṃ .

Tassa bhikkhuno saha bhikkhūhi kathinuddhāro .

Samādāyasattakaṃ niṭṭhitaṃ .

Issues

Select Version

Mahāvaggapāḷi

Mahāvaggapāḷi