23. Upasampādetabbapañcakaṃ
84.‘‘ Pañcahi
M0.90 , bhikkhave , aṅgehi samannāgatena bhikkhunā na upasampādetabbaṃ , na nissayo dātabbo , na sāmaṇero upaṭṭhāpetabbo .Na asekkhena [ na asekhena ( ka .)] sīlakkhandhena samannāgato hoti , na asekkhena samādhikkhandhena samannāgato hoti , na asekkhena paññākkhandhena samannāgato hoti , na asekkhena vimuttikkhandhena samannāgato hoti , na asekkhena vimuttiñāṇadassanakkhandhena samannāgato hoti – imehi kho , bhikkhave , pañcahaṅgehi
T1.132 samannāgatena bhikkhunā na upasampādetabbaṃ , na nissayo dātabbo , na sāmaṇero upaṭṭhāpetabbo .‘‘ Pañcahi , bhikkhave , aṅgehi samannāgatena bhikkhunā upasampādetabbaṃ , nissayo dātabbo , sāmaṇero upaṭṭhāpetabbo .
Asekkhena sīlakkhandhena samannāgato hoti , asekkhena samādhikkhandhena samannāgato hoti , asekkhena paññākkhandhena samannāgato hoti , asekkhena vimuttikkhandhena samannāgato hoti , asekkhena vimuttiñāṇadassanakkhandhena samannāgato hoti – imehi kho , bhikkhave , pañcahaṅgehi samannāgatena bhikkhunā
P1.63 upasampādetabbaṃ , nissayo dātabbo , sāmaṇero upaṭṭhāpetabbo .‘‘ Aparehipi , bhikkhave , pañcahaṅgehi samannāgatena bhikkhunā na upasampādetabbaṃ , na nissayo
V0.81 dātabbo , na sāmaṇero upaṭṭhāpetabbo .Attanā na asekkhena sīlakkhandhena samannāgato hoti , na paraṃ asekkhe sīlakkhandhe samādapetā ;
attanā na asekkhena samādhikkhandhena samannāgato hoti , na paraṃ asekkhe samādhikkhandhe samādapetā ;
attanā na asekkhena paññākkhandhena samannāgato hoti , na paraṃ asekkhe paññākkhandhe samādapetā ;
attanā na asekkhena vimuttikkhandhena samannāgato hoti , na paraṃ asekkhe vimuttikkhandhe samādapetā ;
attanā na asekkhena vimuttiñāṇadassanakkhandhena samannāgato hoti , na paraṃ asekkhe vimuttiñāṇadassanakkhandhe samādapetā – imehi kho , bhikkhave , pañcahaṅgehi samannāgatena bhikkhunā na upasampādetabbaṃ , na
T1.133 nissayo dātabbo , na sāmaṇero upaṭṭhāpetabbo .‘‘ Pañcahi
M0.91 , bhikkhave , aṅgehi samannāgatena bhikkhunā upasampādetabbaṃ , nissayo dātabbo , sāmaṇero upaṭṭhāpetabbo .Attanā asekkhena sīlakkhandhena samannāgato hoti , paraṃ asekkhe sīlakkhandhe samādapetā ;
attanā asekkhena samādhikkhandhena samannāgato hoti , paraṃ asekkhe samādhikkhandhe samādapetā ;
attanā asekkhena paññākkhandhena samannāgato hoti , paraṃ asekkhe paññākkhandhe samādapetā ;
attanā asekkhena vimuttikkhandhena samannāgato hoti , paraṃ asekkhe vimuttikkhandhe samādapetā ;
attanā asekkhena vimuttiñāṇadassanakkhandhena samannāgato hoti , paraṃ asekkhe vimuttiñāṇadassanakkhandhe samādapetā – imehi kho , bhikkhave , pañcahaṅgehi samannāgatena bhikkhunā upasampādetabbaṃ , nissayo dātabbo , sāmaṇero upaṭṭhāpetabbo .
‘‘ Aparehipi , bhikkhave , pañcahaṅgehi samannāgatena bhikkhunā na upasampādetabbaṃ , na nissayo dātabbo , na sāmaṇero upaṭṭhāpetabbo .
Assaddho hoti , ahiriko hoti , anottappī hoti , kusīto hoti , muṭṭhassati hoti – imehi kho , bhikkhave , pañcahaṅgehi samannāgatena bhikkhunā na upasampādetabbaṃ , na nissayo dātabbo , na sāmaṇero upaṭṭhāpetabbo .
‘‘ Pañcahi , bhikkhave , aṅgehi samannāgatena bhikkhunā upasampādetabbaṃ , nissayo dātabbo
T1.134 , sāmaṇero upaṭṭhāpetabbo .Saddho hoti , hirimā hoti , ottappī hoti , āraddhavīriyo hoti , upaṭṭhitassati hoti – imehi kho , bhikkhave , pañcahaṅgehi samannāgatena bhikkhunā upasampādetabbaṃ , nissayo dātabbo , sāmaṇero upaṭṭhāpetabbo .
‘‘ Aparehipi
V0.82 , bhikkhave , pañcahaṅgehi samannāgatena bhikkhunā na upasampādetabbaṃ , na nissayo dātabbo , na sāmaṇero upaṭṭhāpetabbo .Adhisīle sīlavipanno hoti , ajjhācāre ācāravipanno hoti , atidiṭṭhiyā diṭṭhivipanno hoti , appassuto hoti , duppañño hoti – imehi kho , bhikkhave , pañcahaṅgehi samannāgatena bhikkhunā na upasampādetabbaṃ , na nissayo dātabbo , na sāmaṇero upaṭṭhāpetabbo .
‘‘ Pañcahi
M0.92 , bhikkhave , aṅgehi samannāgatena bhikkhunā upasampādetabbaṃP1.64 , nissayo dātabbo , sāmaṇero upaṭṭhāpetabbo .Na adhisīle sīlavipanno hoti , na ajjhācāre ācāravipanno hoti , na atidiṭṭhiyā diṭṭhivipanno hoti , bahussuto hoti , paññavā hoti – imehi kho , bhikkhave , pañcahaṅgehi samannāgatena bhikkhunā upasampādetabbaṃ , nissayo dātabbo , sāmaṇero upaṭṭhāpetabbo .
‘‘ Aparehipi , bhikkhave , pañcahaṅgehi samannāgatena bhikkhunā na upasampādetabbaṃ , na nissayo dātabbo , na sāmaṇero upaṭṭhāpetabbo .
Na paṭibalo hoti antevāsiṃ vā saddhivihāriṃ vā
T1.135 gilānaṃ upaṭṭhātuṃ vā upaṭṭhāpetuṃ vā , anabhirataṃ [ anabhiratiṃ ( syā .), uppannaṃ anabhiratiṃ ( ka .)] vūpakāsetuṃ vā vūpakāsāpetuṃ vā , uppannaṃ kukkuccaṃ dhammato vinodetuṃ [ vinodetuṃ vā vinodāpetuṃ vā ( sabbattha , vimativinodanī ṭīkā oloketabbā )] āpattiṃ na jānāti , āpattiyā vuṭṭhānaṃ na jānāti – imehi kho , bhikkhave , pañcahaṅgehi samannāgatena bhikkhunā na upasampādetabbaṃ , na nissayo dātabbo , na sāmaṇero upaṭṭhāpetabbo .‘‘ Pañcahi , bhikkhave , aṅgehi samannāgatena bhikkhunā upasampādetabbaṃ , nissayo dātabbo , sāmaṇero upaṭṭhāpetabbo .
Paṭibalo hoti antevāsiṃ vā saddhivihāriṃ vā gilānaṃ upaṭṭhātuṃ vā upaṭṭhāpetuṃ vā , anabhirataṃ vūpakāsetuṃ vā vūpakāsāpetuṃ vā , uppannaṃ kukkuccaṃ dhammato vinodetuṃ āpattiṃ jānāti , āpattiyā vuṭṭhānaṃ jānāti – imehi kho , bhikkhave , pañcahaṅgehi samannāgatena bhikkhunā upasampādetabbaṃ , nissayo dātabbo , sāmaṇero upaṭṭhāpetabbo .
‘‘ Aparehipi , bhikkhave , pañcahaṅgehi samannāgatena bhikkhunā na upasampādetabbaṃ , na nissayo dātabbo , na sāmaṇero upaṭṭhāpetabbo .
Na paṭibalo hoti antevāsiṃ vā saddhivihāriṃ vā abhisamācārikāya sikkhāya sikkhāpetuṃ , ādibrahmacariyakāya sikkhāya vinetuṃ , abhidhamme vinetuṃ , abhivinaye vinetuṃ , uppannaṃ diṭṭhigataṃ dhammato vivecetuṃ – imehi kho
V0.83 , bhikkhave , pañcahaṅgehi samannāgatena bhikkhunā na upasampādetabbaṃ , naT1.136 nissayo dātabbo , na sāmaṇero upaṭṭhāpetabbo .‘‘ Pañcahi
M0.93 , bhikkhave , aṅgehi samannāgatena bhikkhunā upasampādetabbaṃ , nissayo dātabbo , sāmaṇero upaṭṭhāpetabbo .Paṭibalo hoti antevāsiṃ vā saddhivihāriṃ vā abhisamācārikāya sikkhāya sikkhāpetuṃ , ādibrahmacariyakāya sikkhāya vinetuṃ , abhidhamme vinetuṃ , abhivinaye vinetuṃ , uppannaṃ diṭṭhigataṃ dhammato
P1.65 vivecetuṃ – imehi kho , bhikkhave , pañcahaṅgehi samannāgatena bhikkhunā upasampādetabbaṃ , nissayo dātabbo , sāmaṇero upaṭṭhāpetabbo .‘‘ Aparehipi , bhikkhave , pañcahaṅgehi samannāgatena bhikkhunā na upasampādetabbaṃ , na nissayo dātabbo , na sāmaṇero upaṭṭhāpetabbo .
Āpattiṃ na jānāti , anāpattiṃ na jānāti , lahukaṃ āpattiṃ na jānāti , garukaṃ āpattiṃ na jānāti , ubhayāni kho panassa pātimokkhāni vitthārena na svāgatāni honti na suvibhattāni na suppavattīni na suvinicchitāni suttaso anubyañjanaso – imehi kho , bhikkhave , pañcahaṅgehi samannāgatena bhikkhunā na upasampādetabbaṃ , na nissayo dātabbo , na sāmaṇero upaṭṭhāpetabbo .
‘‘ Pañcahi , bhikkhave , aṅgehi samannāgatena bhikkhunā upasampādetabbaṃ , nissayo dātabbo , sāmaṇero upaṭṭhāpetabbo .
Āpattiṃ jānāti , anāpattiṃ jānāti , lahukaṃ āpattiṃ jānāti , garukaṃ āpattiṃ jānāti , ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso
T1.137 – imehi kho , bhikkhave , pañcahaṅgehi samannāgatena bhikkhunā upasampādetabbaṃ , nissayo dātabbo , sāmaṇero upaṭṭhāpetabbo .‘‘ Aparehipi , bhikkhave , pañcahaṅgehi samannāgatena bhikkhunā na upasampādetabbaṃ , na nissayo dātabbo , na sāmaṇero upaṭṭhāpetabbo .
Āpattiṃ na jānāti , anāpattiṃ na jānāti , lahukaṃ āpattiṃ na jānāti , garukaṃ āpattiṃ na jānāti , ūnadasavasso hoti – imehi kho , bhikkhave , pañcahaṅgehi samannāgatena bhikkhunā na upasampādetabbaṃ , na nissayo dātabbo , na sāmaṇero upaṭṭhāpetabbo .
‘‘ Pañcahi
V0.84 , bhikkhave , aṅgehi samannāgatena bhikkhunā upasampādetabbaṃ , nissayo dātabbo , sāmaṇero upaṭṭhāpetabbo .Āpattiṃ jānāti , anāpattiṃ
M0.94 jānāti , lahukaṃ āpattiṃ jānāti , garukaṃ āpattiṃ jānāti , dasavasso vā hoti atirekadasavasso vā – imehi kho , bhikkhave , pañcahaṅgehi samannāgatena bhikkhunā upasampādetabbaṃ , nissayo dātabbo , sāmaṇero upaṭṭhāpetabbo ’’ ti .Upasampādetabbapañcakaṃ niṭṭhitaṃ .