105. Vajjanīyapuggalasandassanā
183. Na , bhikkhave , bhikkhuniyā nisinnaparisāya pātimokkhaṃ uddisitabbaṃ .
Yo uddiseyya , āpatti dukkaṭassa .
Na sikkhamānāya … pe … na sāmaṇerassa
M0.190 … pe … na sāmaṇeriyā … pe … na sikkhāpaccakkhātakassa … pe … na antimavatthuṃ ajjhāpannakassa nisinnaparisāya pātimokkhaṃ uddisitabbaṃ .Yo uddiseyya , āpatti dukkaṭassa .
Na
V0.178 āpattiyā adassane ukkhittakassa nisinnaparisāya pātimokkhaṃ uddisitabbaṃ .Yo uddiseyya , yathādhammo kāretabbo .
Na āpattiyā appaṭikamme ukkhittakassa nisinnaparisāya … pe … na pāpikāya diṭṭhiyā appaṭinissagge ukkhittakassa nisinnaparisāya pātimokkhaṃ uddisitabbaṃ .
Yo uddiseyya , yathādhammo kāretabbo .
Na paṇḍakassa nisinnaparisāya pātimokkhaṃ uddisitabbaṃ .
Yo uddiseyya , āpatti dukkaṭassa .
Na theyyasaṃvāsakassa … pe …
P1.136 na titthiyapakkantakassa … pe … na tiracchānagatassa … pe …T1.269 na mātughātakassa … pe … na pitughātakassa … pe … na arahantaghātakassa … pe … na bhikkhunidūsakassa … pe … na saṅghabhedakassa … pe … na lohituppādakassa … pe … na ubhatobyañjanakassa nisinnaparisāya pātimokkhaṃ uddisitabbaṃ .Yo uddiseyya , āpatti dukkaṭassa .
Na , bhikkhave , pārivāsikapārisuddhidānena uposatho kātabbo , aññatra avuṭṭhitāya parisāya .
Na ca , bhikkhave , anuposathe uposatho kātabbo , aññatra saṅghasāmaggiyāti .
Vajjanīyapuggalasandassanā niṭṭhitā .
Tatiyabhāṇavāro niṭṭhito .
Uposathakkhandhako dutiyo .